سلسلہ صحیحہ

عمرو بن شعیب اپنے والدسے وہ ان کے دادا سے وہ معاذ بن جبل‌رضی اللہ عنہ سے روایت کرتے ہیں کہ: (صحابہ کرام) نے رسول اللہ صلی اللہ علیہ وسلم کے پاس ایک آدمی کا تذکرہ کیا کہنے لگے: وہ اس وقت تک کھانا نہیں کھاتا جب تک اسے کھلایا نہ جائے اور اس وقت تک سفر نہیں کرتا جب تک اس کے لئے سواری کا بندوبست نہ کیا جائے ، نبی صلی اللہ علیہ وسلم نے فرمایا: تم نے اس کی غیبت کی ہے، لوگوں نے کہا: اے اللہ کے رسول! ہم نے تو وہ بات بیان کی ہے جو اس میں موجود ہے ، آپ نے فرمایا، تمہیں(غیبت کے لئے) یہی کافی ہے کہ تم نے اپنے بھائی کی اس بات کا ذکر کیا جو اس میں موجود ہے