سُهُوْلِهَا

اَلسَّھْلُ کے معنیٰ نرم زمین کے ہیں اس کی جمع سُھُوْلٌ آتی ہے۔ اور یہ حَزْنٌ کی ضد ہے۔ چنانچہ قرآن پاک میں ہے: (تَتَّخِذُوۡنَ مِنۡ سُہُوۡلِہَا قُصُوۡرًا) (۷:۷۴) (کہ) نرم زمین سے (مٹی لے کر) محل تعمیر کرتے ہو۔ اور اَسْھَلَ کے معنیٰ نرم زمین میں جانے کے ہیں اور رَجُلٌ سَھْلِیٌّ کے معنی میدانی علاقہ میں رہنے والا آدمی کے ہیں نَھَرٌ سَھْلٌ: جوئے ریگ ناک اور نرم خو آدمی کو رَجُلٌ سَھْلُ الْخُلُقِ کہا جاتا ہے۔ (اس کی ضد) حَزَانُ الْخُلُقِ ہے اور سُھَیْلٌ ایک ستارے کا نام ہے۔