تَفْسِيْرًا

اَلْفَسْرُ (ض ن) کے معنی کسی چیز کی معنوی صفت کو ظاہر کرنے کے ہیں اسی سے ’’تَفْسِرَۃٌ‘‘ ہے۔ جس کے معنی قارورہ کی تشخیص کے ہیں اور (مجازاً) قارورۃ (پیشاب کی بوتل) کو تفسرۃ کہہ دیتے ہیں۔ التفسیر بھی الفسر کے ہم معنی ہے۔ اگر اس میں مبالغہ کے معنی پائے جاتے ہیں اور (عرف میں ) تفسیر کا لفظ کبھی تو مفرد اور غریب الفاظ کی تشریح اور وضاحت پر بولا جاتا ہے اور کبھی خاص کر تاویل کے معنی میں استعمال ہوتا ہے یہی وجہ ہے کہ تَاْوِیْل الرؤیا (خواب کی تعبیر) کی بجائے تَفْسِیْر الرؤیا کا محاورہ بھی استعمال ہوتا ہے اور آیت کریمہ: (وَ اَحۡسَنَ تَفۡسِیۡرًا ) (۲۵:۳۳) اور خوب مشرح۔ میں بھی تفسیر بمعنی تاویل استعمال ہوا ہے۔