فَاَغْرَيْنَا

غَرِیَ بِکَذَا کے معنی کسے کے ساتھ چمٹ جانا ہیں اصل میں یہ غَرَائٌ سے ہے اور غِرَائٌ اس مادہ کو کہتے ہیں جس سے کسی چیز کو دوسری کے ساتھ پیوست کیا جائے اور اسی سے اَغْرَیْتُ فُلَانًا بِکَذَا کے معنی ہیں: میں نے فلاں کو اس پر شیفتہ کردیا، اس پر ابھارا اور اکسایا اس کے پیچھے لگادیا۔ قرآن پاک میں ہے۔ (فَاَغۡرَیۡنَا بَیۡنَہُمُ الۡعَدَاوَۃَ وَ الۡبَغۡضَآءَ ) (۵:۱۴) تو ہم نے ان کے باہم، قیامت تک کے لیے دشمنی اور کینہ ڈال دیا۔ (لَنُغۡرِیَنَّکَ بِہِمۡ ) (۳۳:۶۰) تو ہم تم کو ان کے پیچھے لگادیں گے۔