Islamic Sayings

سورۂ احزاب {مَاجَعَلَ اللّٰہُ لِرَجُلٍ مِنْ قَلْبَیْنِ فِیْ جَوْفِہٖ}کی تفسیر

8 Hadiths Found

۔ (۸۷۰۵)۔ عَنْ قَابُوسَ بْنِ أَ بِی ظَبْیَانَ: أَ نَّ أَ بَاہُ حَدَّثَہُ قَالَ: قُلْنَا لِابْنِ عَبَّاسٍ: أَ رَأَ یْتَ قَوْلَ اللّٰہِ عَزَّوَجَلَّ: {مَا جَعَلَ اللّٰہُ لِرَجُلٍ مِنْ قَلْبَیْنِ فِی جَوْفِہِ} [الأحزاب: ۴] مَا عَنٰی بِذٰلِکَ؟ قَالَ: قَامَ نَبِیُّ اللّٰہِ ‌صلی ‌اللہ ‌علیہ ‌وآلہ ‌وسلم یَوْمًایُصَلِّی قَالَ: فَخَطَرَ خَطْرَۃً، فَقَالَ الْمُنَافِقُونَ الَّذِینَیُصَلُّونَ مَعَہُ: أَ لَا تَرَوْنَ لَہُ قَلْبَیْنِ، قَالَ: قَلْبٌ مَعَکُمْ،وَقَلَبٌ مَعَہُمْ، فَأَ نْزَلَ اللّٰہُ عَزَّ وَجَلَّ: {مَا جَعَلَ اللّٰہُ لِرَجُلٍ مِنْ قَلْبَیْنِ فِی جَوْفِہِ}۔ (مسند احمد: ۲۴۱۰)

۔ ابو ظبیان کہتے ہیں: ہم نے سیدنا عبد اللہ بن عباس ‌رضی ‌اللہ ‌عنہما سے کہا: آپ بتائیں کہ اللہ تعالی کے اس فرمان کا کیا مطلب ہے: {مَا جَعَلَ اللّٰہُ لِرَجُلٍ مِنْ قَلْبَیْنِ فِی جَوْفِہِ}… اللہ تعالیٰ نے کسی آدمی کے پیٹ میں دو دل نہیں بنائے۔ اس سے کیا مراد ہے؟ انھوں نے کہا: نبی کریم ‌صلی ‌اللہ ‌علیہ ‌وآلہ ‌وسلم ایک دن نماز پڑھ رہے تھے، آپ ‌صلی ‌اللہ ‌علیہ ‌وآلہ ‌وسلم کو وسوسہ ہوا، جو منافق آپ کے ساتھ نماز پڑھتے تھے، انھوں نے کہا: آپ کے دو دل ہیں، ایک تمہارے یعنی منافقوں کے ساتھ اور ایک اپنے صحابہ کے ساتھ، تب اللہ تعالیٰ نے یہ آیت نازل کی کہ {مَا جَعَلَ اللّٰہُ لِرَجُلٍ مِنْ قَلْبَیْنِ فِی جَوْفِہِ}۔

Haidth Number: 8705

Read Complete Hadith

۔ (۱۱۲۰۸)۔ عَنْ عَائِشَۃَ ‌رضی ‌اللہ ‌عنہا اَنَّ نَبِیَّ اللّٰہِ ‌صلی ‌اللہ ‌علیہ ‌وآلہ ‌وسلم کَانَ یَتْرُکُ الْعَمَلَ وَھُوَ یُحِبُّ أَنْ یَعْمَلَہٗ کَرَاھِیَۃَ أَنْ یَسْتَنَّ النَّاسُ بِہِ فَیُفْرَضَ عَلَیْہِمْ، فَکَانَ یُحِبُّ مَا خُفِّفَ عَلَیْہِمْ مِنَ الْفَرَائِضِ۔ (مسند احمد: ۲۴۵۵۷)

سیدہ عائشہ صدیقہ ‌رضی ‌اللہ ‌عنہا سے روایت ہے کہ بعض کام ایسے ہوتے تھے کہ رسول اللہ ‌صلی ‌اللہ ‌علیہ ‌وآلہ ‌وسلم اس پر دائمی عمل کرنا چاہتے تو تھے، لیکن محض اس لیے اسے ترک کر دیتے تھے کہ ایسا نہ ہو کہ لوگ اس پر عمل کرنے لگیں اور اللہ کی طرف سے اسے ان پر فرض ہی کر دیا جائے، اللہ کے فرائض میں سے لوگوں پر جو تخفیف کر دی جاتی تھی، وہ آپ ‌صلی ‌اللہ ‌علیہ ‌وآلہ ‌وسلم کو پسند تھی ۔

Haidth Number: 11208

Read Complete Hadith

۔ (۱۱۲۰۹)۔ عَنْ عَائِشَۃَ قَالَتْ: مَا ضَرَبَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم خَادِمًا لَہُ قَطُّ، وَلَا امْرَأَۃً لَہُ قَطُّ، وَلَا ضَرَبَ بِیَدِہِ إِلَّا أَنْ یُجَاہِدَ فِی سَبِیلِ اللّٰہِ، وَمَا نِیلَ مِنْہُ شَیْئٌ فَانْتَقَمَہُ مِنْ صَاحِبِہِ إِلَّا أَنْ تُنْتَہَکَ مَحَارِمُ اللّٰہِ عَزَّ وَجَلَّ فَیَنْتَقِمُ لِلَّہِ عَزَّ وَجَلَّ، وَمَا عُرِضَ عَلَیْہِ أَمْرَانِ أَحَدُہُمَا أَیْسَرُ مِنَ الْآخَرِ إِلَّا أَخَذَ بِأَیْسَرِہِمَا إِلَّا أَنْ یَکُونَ مَأْثَمًا، فَإِنْ کَانَ مَأْثَمًا کَانَ أَبْعَدَ النَّاسِ مِنْہُ۔ (مسند احمد: ۲۴۵۳۵)

سیدہ عائشہ صدیقہ ‌رضی ‌اللہ ‌عنہا سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے اپنے کسی خادم یا اہلیہ کو کبھی نہیں مارا اور آپ ‌صلی ‌اللہ ‌علیہ ‌وآلہ ‌وسلم نے جہاد کے علاوہ کبھی بھی کسی کو اپنے ہاتھ سے ضرب نہیں لگائی اور اگر کسی نے کبھی آپ سے کوئی بد سلوکی کی تو آپ ‌صلی ‌اللہ ‌علیہ ‌وآلہ ‌وسلم نے کبھی اس کا بدلہ نہیں لیا، الایہ کہ اللہ تعالیٰ کی حدود کی پامالی ہوتی ہو اور جب بھی آپ کو دو سے کسی ایک بات کو منتخب کرنے کی پیش کش کی جاتی اور ان میں سے ایک صورت دوسری کی نسبت آسان ہوتی تو آپ ‌صلی ‌اللہ ‌علیہ ‌وآلہ ‌وسلم دونوں میں سے اس کا انتخاب کرتے جو زیادہ آسان ہوتی، الایہ کہ کوئی گناہ کی بات ہوتی تو آپ ‌صلی ‌اللہ ‌علیہ ‌وآلہ ‌وسلم اس کا انتخاب نہ فرماتے، اگر وہ بات گناہ والی ہوتی تو آپ ‌صلی ‌اللہ ‌علیہ ‌وآلہ ‌وسلم اس سے سب سے زیادہ دور ہوتے۔

Haidth Number: 11209

Read Complete Hadith

۔ (۱۱۲۱۰)۔ عَنْ عَمْرِو بْنِ سَعِیدٍ، عَنْ أَنَسِ بْنِ مَالِکٍ، قَالَ: مَا رَأَیْتُ أَحَدًا کَانَ أَرْحَمَ بِالْعِیَالِ مِنْ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم کَانَ إِبْرَاہِیمُ مُسْتَرْضَعًا فِی عَوَالِی الْمَدِینَۃِ وَکَانَ یَنْطَلِقُ، وَنَحْنُ مَعَہُ، فَیَدْخُلُ الْبَیْتَ وَإِنَّہُ لَیُدَّخَنُ وَکَانَ ظِئْرُہُ قَیْنًا، فَیَأْخُذُہُ فَیُقَبِّلُہُ ثُمَّ یَرْجِعُ، قَالَ عَمْرٌو: فَلَمَّا تُوُفِّیَ إِبْرَاہِیمُ، قَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم ((إِنَّ إِبْرَاہِیمَ ابْنِی وَإِنَّہُ مَاتَ فِی الثَّدْیِ، فَإِنَّ لَہُ ظِئْرَیْنِیُکْمِلَانِ رَضَاعَہُ فِی الْجَنَّۃِ۔)) (مسند احمد: ۱۲۱۲۶)

سیدنا انس بن مالک ‌رضی ‌اللہ ‌عنہ سے مروی ہے، وہ کہتے ہیں: میں نے رسول اللہ ‌صلی ‌اللہ ‌علیہ ‌وآلہ ‌وسلم سے بڑھ کر اپنے اہل و عیال کے حق میں مہربان کسی کو نہیں پایا، آپ ‌صلی ‌اللہ ‌علیہ ‌وآلہ ‌وسلم کے بیٹے سیدنا ابراہیم ‌رضی ‌اللہ ‌عنہ مدینہ منورہ کی بالائی بستیوں میں رضاعت کے لیے بھیجے ہوئے تھے، آپ ‌صلی ‌اللہ ‌علیہ ‌وآلہ ‌وسلم ان کو دیکھنے کے لیے تشریف لے جاتے، ہم بھی آپ ‌صلی ‌اللہ ‌علیہ ‌وآلہ ‌وسلم کے ساتھ ہوتے، آپ ‌صلی ‌اللہ ‌علیہ ‌وآلہ ‌وسلم ان کے گھر میں داخل ہو جاتے، حالانکہ اس گھر میں دھواں اٹھ رہا ہوتا تھا، کیونکہ ان کا رضاعی والد لوہار تھا، پھر رسو ل اللہ ‌صلی ‌اللہ ‌علیہ ‌وآلہ ‌وسلم سیدنا ابراہیم ‌رضی ‌اللہ ‌عنہ کو اٹھاتے، اسے بوسے دیتے اور پھر واپس تشریف لے آتے۔ عمرو راوی کہتے ہیں: جب سیدنا ابراہیم علیہ السلام کا انتقال ہوا تو رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: بیشک ابراہیم میرا بیٹا ہے، چونکہ یہ دودھ پینے کی مدت کے اندر اندر فوت ہوا ہے، اس لیے اس کی جنت میں دور رضاعی مائیں ہوں گی، جو اس کی رضاعت کو پورا کریں گی۔

Haidth Number: 11210

Read Complete Hadith

۔ (۱۱۲۱۱)۔ عَنْ أَبِی ہُرَیْرَۃَ قَالَ: دَخَلَ عُیَیْنَۃُ بْنُ حِصْنٍ عَلٰی رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم فَرَآہُ یُقَبِّلُ حَسَنًا أَوْ حُسَیْنًا، فَقَالَ لَہُ: لَا تُقَبِّلْہُ یَا رَسُولَ اللّٰہِ! لَقَدْ وُلِدَ لِی عَشَرَۃٌ مَا قَبَّلْتُ أَحَدًا مِنْہُمْ، فَقَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم ((إِنَّ مَنْ لَا یَرْحَمُ لَا یُرْحَمُ۔)) (مسند احمد: ۷۱۲۱)

سیدنا ابو ہریرہ ‌رضی ‌اللہ ‌عنہ کا بیان ہے کہ سیدنا عینیہ بن حصن ‌رضی ‌اللہ ‌عنہ رسول اللہ ‌صلی ‌اللہ ‌علیہ ‌وآلہ ‌وسلم کے ہاں آئے، جب انھوں نے دیکھا کہ آپ ‌صلی ‌اللہ ‌علیہ ‌وآلہ ‌وسلم سیدنا حسن ‌رضی ‌اللہ ‌عنہ یا سیدنا حسین ‌رضی ‌اللہ ‌عنہ کو بوسہ دے رہے تھے، تو کہا: اے اللہ کے رسول! آپ اس بچے کو بوسہ نہ دیں، میرے تو دس بچے پیدا ہوئے ہیں، میں نے ان میں سے ایک کو بھیبوسہ نہیں دیا۔ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: جو دوسروں پر رحم نہیں کرتا، اس پر بھی رحم نہیں کیا جاتا۔

Haidth Number: 11211

Read Complete Hadith

۔ (۱۱۲۱۲)۔ عَنْ عَمْرِو بْنِ الْعَاصِ قَالَ: سَمِعْتُ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم جِہَارًا غَیْرَ سِرٍّ یَقُوْلُ: ((إِنَّ آلَ أَبِی فُلَانٍ لَیْسُوْا لِیْ بِأَوْلِیَائ، إِنَّمَا وَلِیِّیَ اللّٰہُ وَصَالِحُ الْمُؤْمِنِیْنَ۔)) (مسند احمد: ۱۷۹۵۷)

سیدنا عمرو بن عاص ‌رضی ‌اللہ ‌عنہ سے مروی ہے، وہ کہتے ہیں: میں نے رسول اللہ ‌صلی ‌اللہ ‌علیہ ‌وآلہ ‌وسلم کو مخفی طور پر نہیں، بلکہ برسر عام فرماتے ہوئے سنا ہے کہ بیشک ابی فلاں کی آل میرے اولیاء نہیںہیں،میرے اولیاء تو اللہ تعالیٰ اور نیک مومن ہیں۔

Haidth Number: 11212

Read Complete Hadith

۔ (۱۱۲۱۳)۔ عَنْ یَحْیَی بْنِ الْجَزَّارِ قَالَ: دَخَلَ نَاسٌ مِنْ أَصْحَابِ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم عَلٰی أُمِّ سَلَمَۃَ، فَقَالُوْا: یَا أُمَّ الْمُؤْمِنِینَ حَدِّثِینَا عَنْ سِرِّ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم قَالَتْ: کَانَ سِرُّہُ وَعَلَانِیَتُہُ سَوَائً ثُمَّ نَدِمْتُ، فَقُلْتُ: أَفْشَیْتُ سِرَّ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم قَالَتْ: فَلَمَّا دَخَلَ أَخْبَرَتْہُ فَقَالَ: ((أَحْسَنْتِ۔)) (مسند احمد: ۲۷۱۷۲)

یحییٰ بن جزار کہتے ہیں: کہ کچھ صحابہ کرام نے ام المؤمنین سیدہ ام سلمہ ‌رضی ‌اللہ ‌عنہا کی خدمت میں جا کر عرض کیا: اے ام المؤمنین! آپ ‌رضی ‌اللہ ‌عنہ ہمیں رسول اللہ ‌صلی ‌اللہ ‌علیہ ‌وآلہ ‌وسلم راز دارانہ امور کے بارے ارشاد فرمائیں، انہوں نے کہا: رسول اللہ ‌صلی ‌اللہ ‌علیہ ‌وآلہ ‌وسلم کا ظاہر و باطن ایک جیسا ہے، پھر انہیں اپنی اس بات پر ندامت ہوئی اور انھوں نے کہا: میں نے تو اللہ کے رسول ‌صلی ‌اللہ ‌علیہ ‌وآلہ ‌وسلم کا رازفاش کر دیا ہے، پھر جب رسول اللہ ‌صلی ‌اللہ ‌علیہ ‌وآلہ ‌وسلم تشریف لائے اورمیں نے آپ ‌صلی ‌اللہ ‌علیہ ‌وآلہ ‌وسلم کو اس بات سے آگاہ کیا، تو آپ ‌صلی ‌اللہ ‌علیہ ‌وآلہ ‌وسلم نے فرمایا: تم نے ٹھیک کیا ہے۔

Haidth Number: 11213

Read Complete Hadith

۔ (۱۱۲۱۴)۔ حَدَّثَنِی عَبْدُ اللّٰہِ بْنُ بُرَیْدَۃَ عَنْ أَبِیہِ قَالَ: خَرَجَ إِلَیْنَا النَّبِیُّ ‌صلی ‌اللہ ‌علیہ ‌وآلہ ‌وسلم یَوْمًا فَنَادٰی ثَلَاثَ مِرَارٍ، فَقَالَ: ((یَا أَیُّہَا النَّاسُ تَدْرُونَ مَا مَثَلِی وَمَثَلُکُمْ؟)) قَالُوْا: اللّٰہُ وَرَسُولُہُ أَعْلَمُ، قَالَ: ((إِنَّمَا مَثَلِی وَمَثَلُکُمْ مَثَلُ قَوْمٍ خَافُوْا عَدُوًّا یَأْتِیہِمْ، فَبَعَثُوا رَجُلًا یَتَرَایَا لَہُمْ فَبَیْنَمَا ہُمْ کَذَلِکَ أَبْصَرَ الْعَدُوَّ فَأَقْبَلَ لِیُنْذِرَہُمْ، وَخَشِیَ أَنْ یُدْرِکَہُ الْعَدُوُّ قَبْلَ أَنْ یُنْذِرَ قَوْمَہُ، فَأَہْوٰی بِثَوْبِہِ، أَیُّہَا النَّاسُ أُتِیتُمْ! أَیُّہَا النَّاسُ أُتِیتُمْ!)) ثَلَاثَ مِرَارٍ۔ (مسند احمد: ۲۳۳۳۶)

سیدنا بریدہ اسلمی ‌رضی ‌اللہ ‌عنہ کا بیان ہے کہ ایک دن نبی کریم ‌صلی ‌اللہ ‌علیہ ‌وآلہ ‌وسلم ہمارے پاس تشریف لائے اور آپ ‌صلی ‌اللہ ‌علیہ ‌وآلہ ‌وسلم نے تین بار پکار کر فرمایا: لوگو! کیا تم جانتے ہو کہ میری اور تمہاری مثال کیا ہے؟ لوگوں نے عرض کیا: اللہ اور اس کا رسول ہی بہتر جانتے ہیں۔ آپ ‌صلی ‌اللہ ‌علیہ ‌وآلہ ‌وسلم نے فرمایا: میری اور تمہاری مثال ان لوگوں کی سی ہے جو اپنے اوپر حملہ آور دشمن سے خائف ہوںتو وہ کسی کو صورت احوال معلوم کرنے کے لیے بھیجیں، ابھی وہ ادھر جاہی رہا ہو کہ دشمن کو دیکھ لے، وہ قوم کو متنبہ کرنے کے لیے واپس لوٹے اور اسے ڈر ہو کہ اس کے قوم کے پاس پہنچنے سے اور خبر دار کرنے سے پہلے ہی دشمن اس کی قوم تک نہ پہنچ جائے، پس وہ اپنا کپڑا لہرا لہرا کر کہے: لوگو! دشمن آگیا، دشمن تمہارے سرپر چڑھ آیا، (سنبھل جاؤ)۔

Haidth Number: 11214

Read Complete Hadith