سھل بن حنیف رضی اللہ عنہ سے مروی ہے کہ رسول اللہ صلی اللہ علیہ وسلم نے انہیں حدیث بیان کی، کہتے ہیں کہ رسول اللہ صلی اللہ علیہ وسلم نے مجھ سے کہا: آپ مکہ کی طرف میرے پیامبر ہو، ان سے میرا سلام کہنا اور ان سے کہنا کہ رسول اللہ صلی اللہ علیہ وسلم تمہیں تین باتوں کا حکم دیتے ہیں: اپنے آباء واجدادکی قسم نہ کھانا، اور ایک روایت میں ہے: اللہ کے علاوہ۔ اور جب تم بیت الخلاء میں جاؤ تو قبلہ کی طرف منہ نہ کرنا اور نہ پیٹھ کرنا، اور ہڈی اور گوبر کے ساتھ استنجا نہ کرنا۔( )
عبداللہ بن بریدہ اپنے والد سے بیان کرتے ہیں کہ رسول اللہ صلی اللہ علیہ وسلم نے فرمایا: جس شخص نے امانت کی قسم کھائی وہ ہم میں سے نہیں اور جس شخص نے کسی کی بیوی یا غلام کو بہکایا وہ ہم میں سے نہیں۔( )
ابو ہریرہرضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: جھوٹی قسم سامان کو بیچنے والی کمائی کو مٹانے والی ہے۔ اور ایک روایت میں ہے برکت کو مٹانے والی ہے۔( )
ابو امامہ بن ثعلبہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: جس شخص نے کسی مسلمان کا مال جھوٹی قسم کھا کر ہتھیا لیا اس کے دل میں ایک سیاہ نقطہ لگ جائے گا، قیامت تک اسے کوئی چیز صاف نہیں کر سکے گی
عبداللہ بن عمرو بن عاص رضی اللہ عنہما سے مروی ہے کہ ابوذررضی اللہ عنہ کی بیوی رسول اللہ صلی اللہ علیہ وسلم کی سواری(قصواء) پر بیٹھ کر آئیں اور اسے مسجد کےپاس بٹھادیا، اور کہنے لگیں: اے اللہ کے رسول صلی اللہ علیہ وسلم !میں نے نذر مانی تھی کہ اگر اللہ نے مجھے اس کے ذریعے نجات دے دی تو میں اس کا جگر اور کوہان کھاؤں گی۔ آپ نے فرمایا: تم نے اسے بہت برا بدلہ دیا، یہ نذر نہیں ہے، نذر تو وہ ہےجس کے ذریعے اللہ تعالیٰ کی رضا حاصل کی جائے۔( )
ثابت بن ضحاک رضی اللہ عنہ کہتے ہیں کہ نبی صلی اللہ علیہ وسلم کے زمانے میں ایک آدمی نے نذر مانی کہ وہ(بوانہ) میں اونٹ نحر کریگا، وہ رسول اللہ صلی اللہ علیہ وسلم کے پاس آیا اور کہنے لگا: میں نے نذر مانی تھی کہ (بوانہ) میں اونٹ نحر کروں گا۔ رسول اللہ صلی اللہ علیہ وسلم نے اس سےپوچھا: جاہلیت میں وہاں پر کسی بت کی پرستش کی جاتی تھی؟ اس نے کہا: نہیں، آپ صلی اللہ علیہ وسلم نے فرمایا: وہاں پر ان کا کوئی میلہ لگتا تھا؟ اس نے کہا: نہیں، رسول اللہ صلی اللہ علیہ وسلم نے فرمایا: اپنی نذر پوری کرو، کیونکہ اللہ کی نافرمانی کی نذر یا رشتہ داری کو توڑنے کی نذر یا ایسی نذر جو ابن آدم کی ملکیت میں یا طاقت میں نہیں، کو پورا کرنا (جائز) نہیں۔( )
عبداللہ بن عباس رضی اللہ عنہما سے مروی ہے کہ نبی صلی اللہ علیہ وسلم نے فرمایا: نذر دو قسم کی ہیں: جو اللہ کیلئے ہو اس کا کفارہ اسے پورا کرنا ہے، اور جو شیطان کیلئے ہو اسے پوارا نہیں کرنا،بلکہ ایسے شخص پر قسم کا کفارہ ہے۔
ابو ہریرہرضی اللہ عنہ سے مروی ہے کہ نبی صلی اللہ علیہ وسلم نے فرمایا: کہ اللہ عزوجل فرماتا ہے: میں نے ابن آدم کے مقدر میں جو چیز نہیں لکھی نذر اسے نہیں لاسکتی لیکن یہ ایسی چیز ہے جس کے ذریعے سے میں بخیل سے مال نکال لیتا ہوں، نذر کی وجہ سے مجھے جو چیز دیتا ہے وہ بخل کی وجہ سے نہیں دے سکتا تھا۔اور ایک روایت میں ہے: جو اس سے پہلے اس نے مجھے نہیں دیا تھا۔( )
عقبہ بن عامر جہنی رضی اللہ عنہ کہتے ہیں کہ میری بہن نے نذر مانی تھی کہ یہ کعبے کی طرف ننگے پاؤں ننگے سر جائے گی، آپ صلی اللہ علیہ وسلم اس کے پاس آئے اور پوچھا اس نے کیا نذر مانی ہے؟ بتایا گیا اس نے نذر مانی ہے کہ کعبہ تک ننگے پاؤں پیدل جائے گی، فرمایا: اس سے کہو کہ یہ سوار ہوجائے، سر پر چادر اوڑھ لے(اور حج کرے) (اور قربانی کرے)۔
عبداللہ بن عباس رضی اللہ عنہما سے مروی ہے کہ ایک آدمی رسول اللہ صلی اللہ علیہ وسلم کے پاس آیا اور کہا: میں نے آج رات خواب میں ایک بادل کا ٹکڑا دیکھا جس سے گھی اور شہد ٹپک رہا تھا۔ میں نے لوگوں کو دیکھا کہ وہ اس سے چلو بھر بھر کر نکال رہے ہیں، کچھ زیادہ نکال رہے ہیں اور کچھ کم، اچانک ایک رسَّا زمین سے آسمان تک پہنچ رہا تھا۔ میں آپ کو دیکھا کہ آپ نے اسے پکڑا اور آسمان کی طرف چڑھ گئے، پھر ایک دوسرے آدمی نے اسے پکڑا اور اوپر چڑھ گیا، پھر اسے ایک اور آدمی نے پکڑا اور اوپر چڑھ گیا، پھر ایک اور آدمی نے پکڑا تو وہ ٹوٹ گیا، پھر جڑ گیا۔ ابوبکررضی اللہ عنہ نے کہا: اے اللہ کے رسول! میرے ماں باپ آپ پر قربان ہوں مجھے اجازت دیجئے ، میں اس کی تعبیر بتاؤں، نبی صلی اللہ علیہ وسلم نے فرمایا: اس کی تعبیر بیان کرو، ابوبکررضی اللہ عنہ نے کہا: بادل کا ٹکڑا اسلام ہے، اور اس سے جو شہد اور گھی ٹپک رہا ہے وہ قرآن اور اس کی مٹھاس ہے، کچھ زیادہ قرآن حاصل کررہے ہیں اور کچھ کم، اور آسمان کی طرف جانے والی سیڑھی وہ حق ہے جس پر آپ ہیں آپ نے اسے پکڑا اللہ تعالیٰ نے آپ کو اوپر اٹھا لیا، پھر ایک دوسرے آدمی نے پکڑا اور اوپر چڑھ گیا پھر ایک اور آدمی نے پکڑا اور اوپر چڑھ گیا پھر ایک اور آدمی نے پکڑا تو وہ رسی ٹوٹ گئی، پھر رسی کو جوڑ دیا گیا اور وہ اوپر چڑھ گیا، اے اللہ کے رسول میرے باپ آپ پر قربان! مجھے بتائیے میں نے درست کہا یا غلط کہا، نبی صلی اللہ علیہ وسلم نے فرمایا: تم نے کچھ صحیح بتایا اور کچھ غلط، ابو بکر رضی اللہ عنہ نے کہا: اللہ کی قسم! آپ صلی اللہ علیہ وسلم مجھے وہ بات بتائیں جو میں غلط بتائی، آپ صلی اللہ علیہ وسلم نے فرمایا: قسم نہ کھاؤ۔( )
