مَتِيْنٌ

اَلْمَتْنَان: پیٹھ کے دونوں حصے جو ریڑھ کی ہڈی کے اردگرد ہوتے ہیں۔ اور تشبیہ کے طور پر سخت زمین کو المتن کہتے ہیں۔ مَتَنْتُہ: کسی کی پیٹھ پر مارنا مَتْنَ مضبوط پشت والا ہونا اور مضبوط پشت والے آدمی کو مَتِیْنٌ کہاجاتا ہے۔ اسی سے حَبْلٌ مَّتِیْنٌ کا محاورہ ہے۔ جس کے معنی مضبوط رسی کے ہیں قرآن پاک میں ہے: (اِنَّ اللّٰہَ ہُوَ الرَّزَّاقُ ذُو الۡقُوَّۃِ الۡمَتِیۡنُ) (۵۱۔۵۸) خدا ہی تو رزق دینے والا زور آور اور مضبوط ہے۔