या और कोई चीज़ जो तुम्हारे ख़्याल में उनसे भी ज़्यादा मुश्किल हो, फिर वे कहेंगे कि वह कौन है जो हमको दोबारा ज़िंदा करेगा, आप कहिए कि वही जिसने तुमको पहली बार पैदा किया है, फिर वे आपके आगे अपने सर हिलाएंगे और कहेंगे कि यह कब होगा, कह दीजिए कि अजब नहीं कि उसका वक़्त क़रीब आ पहुँचा हो।
یاکوئی اورمخلوق جو تمہارے دلوں میں اس سے بھی بڑی ہو۔ تو جلدہی وہ کہیں گے کہ کون ہے جو ہمیں دوبارہ پیداکرے گا؟ آپ کہہ دیں وہی ذات جس نے تمہیں پہلی بار پیدا کیا،تو جلدہی وہ آپ کے سامنے تعجب سے سر ہلائیں گے اورکہیں گے تویہ کب ہوگا؟آپ کہہ دیں امیدہے کہ وہ قریب ہو۔
یا کوئی اور شے جو تمہارے خیال میں ان سے بھی سخت ہو ۔ پھر وہ کہیں گے کہ ہمیں کون دوبارہ زندہ کرے گا؟ کہہ دو کہ وہی جس نے تم کو پہلی بار پیدا کیا ۔ پھر وہ تمہارے آگے سر ہلائیں گے اور کہیں گے کہ یہ کب ہوگا؟ کہہ دو کہ عجب نہیں کہ اس کا وقت قریب ہی آپہنچا ہو!
یا کوئی اور ایسی چیز ( جس کا دوبارہ پیدا ہونا ) تمہارے خیال میں بڑا ( مشکل ) ہو ( بہرحال تمہیں دوبارہ زندہ کیا جائے گا ) وہ ( یہ سن کر ) ضرور کہیں گے کہ کون ہمیں دوبارہ ( زندہ کرکے ) لائے گا؟ کہہ دیجیے! وہی جس نے تمہیں پہلی بار پیدا کیا پس وہ اپنے سر جھکا کر کہیں گے کہ کب ایسا ہوگا؟ کہہ دیجئے! کہ شاید بالکل قریب ہو ۔
یا اس سے بھی زیادہ سخت کوئی چیز جو تمہارے ذہن میں قبول حیات سے بعید تر ہو“﴿پھر بھی تم اٹھ کر رہو گے﴾ ۔ وہ ضرور پوچھیں گے کون ہے وہ جو ہمیں پھر زندگی کی طرف پلٹا کر لائے گا ؟ “ جواب میں کہو” وہی جس نے پہلی بار تم کو پیدا کیا ۔ “ وہ سر ہلا ہلا کر پوچھیں 55 گے” اچھا ، تو یہ ہوگا کب؟ “ تم کہو” کیا عجب ، وہ وقت قریب ہی آلگا ہو ۔
یا کوئی ایسی مخلوق ( جس کا نئے سرے سے پیدا ہونا ) تمہارے دلوں میں بہت بڑی بات معلوم ہوتی ہے ( پھر بھی تمہیں نئے سرے سے پیدا کرکے اٹھایا جائے گا ) پھر یہ کہیں گے کون ہمیں ( مرجانے کے بعد دوبارہ ) لوٹا کر لائے گا ۔ آپ ( ﷺ ) فرمادیجیے وہی جس نے تمہیں پہلی مرتبہ پیدا کیا تھا ، پس ( مذاق کے انداز میں ) تمہاری طرف سر ہلاتے ہوئے پوچھیں گے کہ ایسا کب ہوگا؟ آپ ( ﷺ ) فرمادیجیے ممکن ہے وہ وقت بالکل ( ہی ) قریب آچکا ہو
یا کوئی اور ایسی مخلوق بن جاؤ جس کے بارے میں تم دل میں سوچتے ہو کہ ( اس کا زندہ ہونا ) اور بھی مشکل ہے ، ( پھر بھی تمہیں زندہ کردیا جائے گا ) اب وہ کہیں گے کہ : کون ہمیں دوبارہ زندہ کرے گا؟ کہہ دو کہ : وہی زندہ کرے گا جس نے تمہیں پہلی بار پیدا کیا تھا ۔ ( ٢٧ ) پھر وہ تمہارے سامنے سر ہلا ہلا کر کہیں گے کہ : ایسا کب ہوگا؟ کہہ دینا کہ : کیا بعید ہے کہ وہ وقت قریب ہی آگیا ہو ۔
یا اس سے سخت ترمخلوق ، جو تمہارے جی میں آئے پھرپوچھتے ہیں :ہمیں کون دوبارہ زندہ کرے گا ؟کہہ دیجئے کہ وہی جس نے تمہیں پہلی بارپیدا کیا تھاپھروہ آپ کے سامنے اپناسرہلائیں گے اور پوچھیں گے کہ: ایسا ہوگا کب؟آپ کہہ دیجئے کہ:’’شایدوہ وقت قریب ہی ہو‘‘
یا اور کوئی مخلوق جو تمہارے خیال میں بڑی ہو ( ۱۰٤ ) تو اب کہیں گے ہمیں کون پھر پیدا کرتے گا ، تم فرماؤ وہی جس نے تمہیں پہلی بار پیدا کیا ، تو اب تمہاری طرف مسخرگی سے سر ہِلا کر کہیں گے یہ کب ہے ( ف۱۰۵ ) تم فرماؤ شاید نزدیک ہی ہو ،
یا کوئی ایسی مخلوق جو تمہارے خیال میں ( ان چیزوں سے بھی ) زیادہ سخت ہو ( کہ اس میں زندگی پانے کی بالکل صلاحیت ہی نہ ہو ) ، پھر وہ ( اس حال میں ) کہیں گے کہ ہمیں کون دوبارہ زندہ کرے گا؟ فرما دیجئے: وہی جس نے تمہیں پہلی بار پیدا فرمایا تھا ، پھر وہ ( تعجب اور تمسخر کے طور پر ) آپ کے سامنے اپنے سر ہلا دیں گے اور کہیں گے: یہ کب ہوگا؟ فرما دیجئے: امید ہے جلد ہی ہو جائے گا
