क्या उन्हें यह न सूझा कि जिस अल्लाह ने आकाशों और धरती को पैदा किया है उसे उन जैसों को भी पैदा करने की सामर्थ्य प्राप्त है? उस ने तो उन के लिए एक समय निर्धारित कर रखा है, जिस में कोई सन्देह नहीं है। फिर भी ज़ालिमों के लिए इनकार के सिवा हर चीज़ अस्वीकार्य ही रही
اورکیاان لوگوں نے نہیں دیکھا کہ یقیناًجس اﷲ تعالیٰ نے آسمانوں اورزمین کوپیداکیاہے وہ اس پر قادر ہے کہ ان جیسوں کو پیدا کرے؟ اوراُس نے ان کے لیے ایک وقت مقررکیاہے جس میں کوئی شک نہیں، پھربھی ظالموں نے سوائے کفر کے ہر بات کا انکار کیاہے۔
کیا انہوں نے نہیں سوچا کہ اللہ جس نے آسمانوں اور زمین کو پیدا کیا ، وہ قادر ہے کہ ان کے مانند پھر پیدا کردے اور اس نے ان کیلئے ایک مدت مقرر کر رکھی ہے ، جس میں کوئی شک نہیں لیکن یہ ظالم انکار ہی پر اڑے رہے؟
کیا انہوں نے ( اس بات پر ) غور نہیں کیا کہ وہ اللہ جس نے آسمانوں اور زمین کو پیدا کیا ہے وہ اس پر بھی ضرور قادر ہے کہ ان جیسوں کو ( دوبارہ ) پیدا کر دے اور اس نے ان کے ( حشر کے ) لئے ایک میعاد مقرر کر رکھی ہے جس میں کوئی شک نہیں ہے مگر اس امر میں ظالم انکار کئے بغیر نہ رہے ۔
کیا ان کو یہ نہ سوجھا کہ جس خدا نے زمین اور آسمانوں کو پیدا کیا ہے ، وہ ان جیسوں کو پیدا کرنے کی ضرور قدرت رکھتا ہے؟ اس نے ان کے حشر کے لیے ایک وقت مقرر کر رکھا ہے جس کا آنا یقینی ہے ، مگر ظالموں کو اصرار ہے کہ وہ اس کا انکار ہی کریں گے ۔
کیا انہوں نے نہیں دیکھا کہ ( وہ ) اللہ تعالیٰ جس نے آسمانوں اور زمین کو پیدا فرمایا ہے اس بات پر بھی قادر ہے کہ ان جیسے ( لوگ ) پیدا کردے اور اس نے ان کے لیے ایک مہلت مقرر کر رکھی ہے کہ جس ( کے آنے ) میں کچھ بھی شک نہیں ، پس ظالموں نے تو بس انکار ہی کیا
بھلا کیا انہیں اتنی سی بات نہیں سوجھی کہ وہ اللہ جس نے سارے آسمانوں اور زمین کو پیدا کیا ہے ، وہ اس بات پر قادر ہے کہ ان جیسے آدمی پھر سے پیدا کردے؟ اور اس نے ان کے لیے ایک ایسی میعاد مقرر کر رکھی ہے جس ( کے آنے ) میں ذرا بھی شک نہیں ہے ۔ پھر بھی یہ ظالم انکار کے سوا کسی بات پر راضی نہیں ۔
کیا انہوں نے دیکھا نہیں کہ وہ اللہ جس نے آسمانوں اور زمین کو پیدا کیا اور اس پر قادرہے کہ ان جیسے ( دوبارہ ) پیداکردے اس نے ان کے لئے ایک مقرر مدت کررکھی ہے جس میں شک نہیں مگر ظالم ما نتے نہیں بس کفرہی کرتے ہیں
اور کیا وہ نہیں دیکھتے کہ وہ اللہ جس نے آسمان اور زمین بنائے ( ف۲۰۵ ) ان لوگوں کی مثل بناسکتا ہے ( ف۲۰٦ ) اور اس نے ان کے لیے ( ف۲۰۷ ) ایک میعاد ٹھہرا رکھی ہے جس میں کچھ شبہ نہیں تو ظالم نہیں مانتے بےناشکری کیے ( ف۲۰۸ )
کیا انہوں نے نہیں دیکھا کہ جس اﷲ نے آسمانوں اور زمین کو پیدا فرمایا ہے ( وہ ) اس بات پر ( بھی ) قادر ہے کہ وہ ان لوگوں کی مثل ( دوبارہ ) پیدا فرما دے اور اس نے ان کے لئے ایک وقت مقرر فرما دیا ہے جس میں کوئی شک نہیں ، پھر بھی ظالموں نے انکار کردیا ہے مگر ( یہ ) ناشکری ہے
