याद करो जिस दिन वह कहेगा, "बुलाओ मेरे साझीदारों को, जिन के साझीदार होने का तुम्हें दावा था।" तो वे उन को पुकारेंगे, किन्तु वे उन्हें कोई उत्तर न देंगे और हम उन के बीच सामूहिक विनाश-स्थल निर्धारित कर देंगे
اور جس دن وہ (اللہ )کہے گا کہ میرے اُن شریکوں کو پکارو جن کے بارے میں تم نے دعویٰ کر رکھا تھا، چنانچہ وہ انہیں پکاریں گے تووہ انہیں کوئی جواب نہ دیں گے اورہم ان کے درمیان ہلاکت کی جگہ بنادیں گے۔
اور ( یاد کرو ) جس دن وہ فرمائے گا کہ بلاؤ تو میرے شریکوں کو جن کو تم نے میرا شریک گمان کیا! تو وہ ان کو بلائیں گے ، لیکن وہ ان کو کوئی جواب نہ دیں گے اور ہم ان کے درمیان ایک مہلکہ حائل کردیں گے ۔
اور وہ دن ( یاد رکھو ) جب وہ ( اللہ مشرکین سے ) فرمائے گا کہ بلاؤ میرے ان شریکوں کو جن کو تم میرا شریک خیال کرتے تھے ۔ چنانچہ وہ انہیں پکاریں گے لیکن وہ انہیں کوئی جواب نہیں دیں گے اور ہم ان کے درمیان ایک آڑ مقرر کر دیں گے کہ وہ ایک دوسرے کی بات نہیں سن سکتے ۔
پھر کیا کریں گے یہ لوگ اس روز جبکہ ان کا رب ان سے کہے گا کہ پکارو اب ان ہستیوں کو جنھیں تم میرا شریک سمجھ بیٹھے تھے ۔ 50 یہ ان کو پکاریں گے ، مگر وہ ان کی مدد کو نہ آئیں گے اور ہم ان کے درمیان ایک ہی ہلاکت کا گڑھا مشترک کر دیں گے ۔ 51
اور اس دن کو یاد کرو جب اللہ ( تعالیٰ ) ( کفار سے ) فرمائیں گے ( اب ) میرے شریکوں کو جس کو تم ( میرا شریک ) سمجھتے تھے بلاؤ تو وہ انہیں پکارین گے مگر وہ ( شریک ) ان کو جواب ہی نہ دیں گے اور ہم ان کے درمیان ایک آڑ حائل کردیں گے
اور اس دن کا دھیان کرو جب اللہ ( ان مشرکوں سے ) کہے گا کہ : ذرا پکارو ان کو جنہیں تم نے میری خدائی میں شریک سمجھ رکھا تھا ۔ چنانچہ وہ پکاریں گے ، لیکن وہ ان کو کوئی جواب نہیں دیں گے ، اور ہم ان کے درمیان ایک مہلک آڑ حائل کردیں گے ۔
اور جس دن اللہ فرمائے گاان معبودوں کو بلائوجنہیں تم میرا شریک خیال کرتے تھے‘‘وہ انہیں پکاریں گے مگر وہ ( معبود ) انہیں کوئی جواب نہ دیں گے اور ہم ان کے درمیان ہلاکت کاگڑھا بنا دیں گے
اور جس دن فرمائے گا ( ف۱۱٤ ) کہ پکارو میرے شریکوں کو جو تم گمان کرتے تھے تو انھیں پکاریں گے وہ انھیں جواب نہ دیں گے اور ہم ان کے ( ف۱۱۵ ) درمیان ایک ہلاکت کا میدان کردیں گے ( ف۱۱٦ )
اور اُس دن ( کو یاد کرو جب ) اﷲ فرمائے گا: انہیں پکارو جنہیں تم میرا شریک گمان کرتے تھے ، سو وہ انہیں بلائیں گے مگر وہ انہیں کوئی جواب نہ دیں گے اور ہم ان کے درمیان ( ایک وادئ جہنم کو ) ہلاکت کی جگہ بنا دیں گے
