अलबत्ता जो लोग अपने रब से डरकर रहे उन के लिए ऊपरी मंज़िल पर कक्ष होंगे, जिन के ऊपर भी निर्मित कक्ष होंगे। उन के नीचे नहरें बह रही होगी। यह अल्लाह का वादा है। अल्लाह अपने वादे का उल्लंघन नहीं करता
لیکن جولوگ اپنے رب سے ڈرکررہے اُن کے لیے بلند عمارتیں ہیں جن کے اوپر بلند عمارتیں بنی ہوں گی،جن کے نیچے سے نہریں بہہ رہی ہوں گی، اﷲ تعالیٰ کا وعدہ ہے، اﷲ تعالیٰ کبھی اپنے وعدے کے خلاف نہیں کرتا۔
البتہ جو اپنے رب سے ڈرے ان کیلئے بالا خانے اور بالا خانوں کے اوپر بھی آراستہ بالا خانے ہوں گے ، ان کے نیچے نہریں بہہ رہی ہوں گی ۔ یہ اللہ کا حتمی وعدہ ہے ، اللہ اپنے وعدے کی خلاف ورزی نہیں کرے گا ۔
البتہ جو لوگ اپنے پروردگار سے ڈرتے رہے ان کیلئے ایسے بالا خانے ہیں کہ جن کے اوپر اور بالا خانے بنے ہوئے ہیں جن کے نیچے سے نہریں جاری ہیں یہ اللہ کا وعدہ ہے اور اللہ کبھی ( اپنے ) وعدے کے خلاف نہیں کرتا ۔
البتہ جو لوگ اپنے رب سے ڈر کر رہیں ان کے لیے بلند عمارتیں ہیں منزل پر منزل بنی ہوئی ، جن کے نیچے نہریں بہ رہی ہوں گی ۔ یہ اللہ کا وعدہ ہے ، اللہ کبھی اپنے وعدے کی خلاف ورزی نہیں کرتا ۔
لیکن جن لوگوں نے اپنے رب کا تقویٰ اختیار کیا ان ہی کے لیے ایسے بالاخانے ہیں جن کے اوپر بھی بلند وبالا عمارتیں بنی ہوئی ہوںگی ، ان کے نیچے نہریں بہہ رہی ہوں گی ، ( یہ ) اللہ ( تعالیٰ ) کا وعدہ ( ہے ) اللہ ( تعالیٰ ) وعدے کے خلاف نہیں کرتا
البتہ جنہوں نے اپنے پروردگار کا خوف دل میں رکھا ہے ان کے لیے اوپر تلے بنی ہوئی اونچی اونچی عمارتیں ہیں ، جن کے نیچے نہریں بہتی ہیں ۔ یہ اللہ کا وعدہ ہے ۔ اللہ کبھی وعدے کی خلاف ورزی نہیں کرتا ۔
لیکن جو لوگ اپنے رب سے ڈرتے ہیں ان کے لئے ( جنت میں ) بالاخانے ہیں جن کے اوپر اور بالاخانے بنے ہیں اور ان کے نیچے نہریں بہ رہی ہیں یہ اللہ کاوعدہ ہے اور اللہ اپنے وعدہ کی خلاف ورزی نہیں کرتا
لیکن جو اپنے رب سے ڈرے ( ف٤۹ ) ان کے لیے بالا خانے ہیں ان پر بالا خانے بنے ( ف۵۰ ) ان کے نیچے نہریں بہیں ، اللہ کا وعدہ ، اللہ وعدہ خلاف نہیں کرتا ،
لیکن جو لوگ اپنے رب سے ڈرتے ہیں ان کے لئے ( جنت میں ) بلند محلات ہوں گے جن کے اوپر ( بھی ) بالاخانے بنائے گئے ہوں گے ، اُن کے نیچے سے نہریں رواں ہوں گی ۔ یہ اللہ کا وعدہ ہے ، اللہ وعدہ کی خلاف ورزی نہیں کرتا
