और मैं क्योंकर डरूँ तुम्हारे शरीकों से जबकि तुम अल्लाह के साथ उन चीज़ों को ख़ुदाई में शरीक ठहराते हुए नहीं डरते जिनके लिए उसने तुम पर कोई दलील नहीं उतारी, अब दोनों गिरोहों में से अमन का ज़्यादा मुस्तहिक़ कौन है (बताओ) अगर तुम सच्चे हो।
اورمیں ان سے کیسے ڈرجاؤں جن کوتم نے شریک بنایا ہے؟جب کہ تم ان کواﷲ تعالیٰ کاشریک بناتے نہیں ڈرتے جس کی اُس نے کوئی دلیل بھی تم پرنازل نہیں کی؟چنانچہ فریقین میں سے امن کازیادہ مستحق کون ہے؟اگرتم جانتے ہو۔‘‘
اور میں ان چیزوں سے کیسے ڈروں ، جن کو تم شریک ٹھہراتے ہو اور تمہارا حال یہ ہے کہ تم اس بات سے نہیں ڈرتے کہ تم نے ایسی چیزوں کو خدا کا شریک بنا رکھا ہے ، جن کے باب میں اس نے تم پر کوئی دلیل نہیں اتاری ۔ تو ہم دونوں گروہوں میں سے امن واطمینان کا زیادہ سزاوار کون ہے ، اگر تم جانتے ہو؟
اور میں بھلا ان سے کس طرح ڈروں جن کو تم خدا کا شریک ٹھہراتے ہو ۔ جب کہ تم اس سے نہیں ڈرتے کہ تم نے ایسی چیزوں کو خدا کا شریک بنا رکھا ہے ۔ جن کے متعلق اس نے تمہارے پاس کوئی دلیل نہیں بھیجی ہے ۔ سو دونوں گروہوں میں سے کون امن و اطمینان کا زیادہ حقدار ہے ( بتاؤ ) اگر تم کچھ علم رکھتے ہو؟
اور آخر میں تمہارے ٹھیرائے ہوئے شریکوں سے کیسے ڈروں جبکہ تم اللہ کے ساتھ ان چیزوں کو خدائی میں شریک بناتے ہوئے نہیں ڈرتے جن کے لیے اس نے تم پر کوئی سند نازل نہیں کی ہے؟ ہم دونوں فریقوں میں سے کون زیادہ بے خوفی و اطمینان کا مستحق ہے؟ بتاؤ اگر تم کچھ علم رکھتے ہو ۔
اور جنہیں تم نے ( اﷲتعالی کا ) شریک بنایا ہوا ہے میں ان سے کیوں ڈروں حالانکہ تم اس بارے میں نہیں ڈرتے کہ تم نے اﷲ ( تعالیٰ ) کے ساتھ ایسی چیزوں کو شریک بنایا ہے جن کے بارے میں اﷲ ( تعالیٰ ) نے تم پر کوئی دلیل نازل نہیں کی ۔ پس دونوں فریقوں میں سے کون امن کا مستحق ہے اگرتم جانتے ہو ۔
اور جن چیزوں کو تم نے اللہ کا شریک بنا رکھا ہے ، میں ان سے کیسے ڈر سکتا ہوں جبکہ تم ان چیزوں کو اللہ کا شریک ماننے سے نہیں ڈرتے جن کے بارے میں اس نے تم پر کوئی دلیل نازل نہیں کی ہے؟ اب اگر تمہارے پاس کوئی علم ہے تو بتاؤ کہ ہم دو فریقوں میں سے کون بے خوف رہنے کا زیادہ مستحق ہے ؟
اور جنہیں تم اللہ کاشریک بناتے ہواللہ سے نہیں ڈرتے میں ان سے کیسے ڈروں جس کے لئے اللہ نے کوئی سندبھی نازل نہیں کی؟پھرہم دونوں فریقوں میں سے زیادہ حقدارکون ہوا؟اگرتم کچھ جانتے ہو ( توجواب دو )
اور میں تمہارے شریکوں سے کیونکر ڈروں ( ف۱۷۲ ) اور تم نہیں ڈرتے کہ تم نے اللہ کا شریک اس کو ٹھہرایا جس کی تم پر اس نے کوئی سند نہ اتاری ، تو دونوں گروہوں میں امان کا زیادہ سزا وار کون ہے ( ف۱۷۳ ) اگر تم جانتے ہو ،
اور میں ان ( معبودانِ باطلہ ) سے کیونکر خوفزدہ ہوسکتا ہوں جنہیں تم ( اﷲ کا ) شریک ٹھہراتے ہو درآنحالیکہ تم اس بات سے نہیں ڈرتے کہ تم نے اﷲ کے ساتھ ( بتوں کو ) شریک بنا رکھا ہے ( جبکہ ) اس نے تم پر اس ( شرک ) کی کوئی دلیل نہیں اتاری ( اب تم ہی جواب دو! ) سو ہر دو فریق میں سے ( عذاب سے ) بے خوف رہنے کا زیادہ حق دار کون ہے؟ اگر تم جانتے ہو
