Islamic Sayings

۔ (۸۷۴۸)۔ عَنْ مَسْرُوقٍ قَالَ: بَیْنَا رَجُلٌ یُحَدِّثُ فِی الْمَسْجِدِ الْأَ عْظَمِ، قَالَ: إِذَا کَانَ یَوْمُ الْقِیَامَۃِ نَزَلَ دُخَانٌ مِنْ السَّمَائِ، فَأَخَذَ بِأَ سْمَاعِ الْمُنَافِقِینَ وَأَ بْصَارِہِمْ، وَأَخَذَ الْمُؤْمِنِینَ مِنْہُ کَہَیْئَۃِ الزُّکَامِ، قَالَ مَسْرُوقٌ: فَدَخَلْتُ عَلٰی عَبْدِ اللّٰہِ فَذَکَرْتُ ذٰلِکَ لَہُ، وَکَانَ مُتَّکِئًا فَاسْتَوٰی جَالِسًا، فَأَنْشَأَ یُحَدِّثُ فَقَالَ: یَا أَ یُّہَا النَّاسُ مَنْ سُئِلَ مِنْکُمْ عَنْ عِلْمٍ ہُوَ عِنْدَہُ فَلْیَقُلْ بِہِ، فَإِنْ لَمْیَکُنْ عِنْدَہُ فَلْیَقُلْ: اللّٰہُ أَ عْلَمُ، فَإِنَّ مِنْ الْعِلْمِ أَ نْ تَقُولَ لِمَا لَا تَعْلَمُ: اللّٰہُ أَعْلَمُ، إِنَّ اللّٰہَ عَزَّ وَجَلَّ قَالَ لِنَبِیِّہِ ‌صلی ‌اللہ ‌علیہ ‌وآلہ ‌وسلم : {قُلْ مَا أَسْأَ لُکُمْ عَلَیْہِ مِنْ أَجْرٍ وَمَا أَ نَا مِنْ الْمُتَکَلِّفِینَ} إِنَّ قُرَیْشًا لَمَّا غَلَبُوا النَّبِیَّ ‌صلی ‌اللہ ‌علیہ ‌وآلہ ‌وسلم وَاسْتَعْصَوْا عَلَیْہِقَالَ: ((اللّٰہُمَّ أَ عِنِّی بِسَبْعٍ کَسَبْعِ یُوسُفَ۔)) قَالَ: فَأَ خَذَتْہُمْ سَنَۃٌ أَکَلُوْا فِیہَا الْعِظَامَ وَالْمَیْتَۃَ مِنْ الْجَہْدِ حَتّٰی جَعَلَ أَحَدُہُمْ یَرٰی بَیْنَہُ وَبَیْنَ السَّمَائِ کَہَیْئَۃِ الدُّخَانِ مِنْ الْجُوعِ فَقَالُوْا: {رَبَّنَا اکْشِفْ عَنَّا الْعَذَابَ إِنَّا مُؤْمِنُونَ} قَالَ: فَقِیلَ لَہُ: إِنَّا إِنْ کَشَفْنَا عَنْہُمْ عَادُوْا، فَدَعَا رَبَّہُ فَکَشَفَ عَنْہُمْ فَعَادُوْا فَانْتَقَمَ اللّٰہُ مِنْہُمْ یَوْمَ بَدْرٍ فَذٰلِکَ قَوْلُہُ تَعَالَی: {فَارْتَقِبْ یَوْمَ تَأْتِی السَّمَائُ بِدُخَانٍ مُبِینٍ} إِلٰی قَوْلِہِ: {یَوْمَ نَبْطِشُ الْبَطْشَۃَ الْکُبْرٰی إِنَّا مُنْتَقِمُونَ} [الدخان: ۱۰۔۱۶] قَالَ ابْنُ نُمَیْرٍ فِی حَدِیثِہِ: فَقَالَ عَبْدُ اللّٰہِ: فَلَوْ کَانَ یَوْمَ الْقِیَامَۃِ مَا کَشَفَ عَنْہُمْ۔ (مسند احمد: ۴۱۰۴)

۔ مسروق سے روایت ہے، وہ کہتے ہیں:ایک دفعہ ایک آدمی کوفہ کی مسجد اعظم میں بیان کر رہاتھا کہ قیامت کے دن آسمان سے دھواں نازل ہوگا، جو منافقوں کے کانوں اور آنکھوں کو پکڑے گا، اور ایمانداروں پر اس کایہ اثر ہو گا کہ ان کو زکام محسوس ہو گا۔ یہ سن کر میں سیدنا عبداللہ بن مسعود ‌رضی ‌اللہ ‌عنہ کے پاس آیا اور ان سے اس بات کا ذکر کیا، وہ ٹیک لگا کر بیٹھے تھے، لیکنیہ بات سنتے ہی سیدھے ہو کر بیٹھ گئے اور کہا: اے لوگو! جب تم سے علمی سوال کیا جائے تو اگر اس کا علم ہو تو اس کا جواب دو اور اگر علم نہ ہو تو کہہ دیا کرو کہ اللہ اعلم (اللہ سب سے زیادہ جاننے والا ہے)، بے شک یہ بھی علم ہی ہے کہ جس چیز کا علم نہ ہو اس کے بارے میں اللہ اعلم کہا جائے۔ دیکھو اللہ تعالیٰ نے اپنے نبی سے فرمایا: {قُلْ مَا أَسْأَلُکُمْ عَلَیْہِ مِنْ أَ جْرٍ وَمَا أَ نَا مِنْ الْمُتَکَلِّفِینَ}… کہہ دوکہ میں تم سے اس پر اجرت طلب نہیں کرتا اور میں تکلف کرنے والوں میں سے نہیں ہوں۔ جب قریشی نبی کریم ‌صلی ‌اللہ ‌علیہ ‌وآلہ ‌وسلم پر غالب آ گئے اور آپ پر سر کش ہوگئے تو آپ ‌صلی ‌اللہ ‌علیہ ‌وآلہ ‌وسلم نے ان پر ان الفاظ کے ساتھ بد دعا کی: اے میرے اللہ! یوسف علیہ السلام والا سات سالہ قحط ان پر مسلط کر کے ان کے خلاف میری مدد فرما۔ پس وہ قحط سالی میں اس قدر مبتلا ہو گئے کہ انہوں نے ہڈیاں اور مردار کھانا شروع کر دیئے،وہ اس قدر تکلیف اور مشقت میں پڑ گئے کہ بھوک کی وجہ سے ان کو اپنے اور آسمان کے ما بین دھویں کی طرح کی چیز نظر آتی تھی۔ بالآخر انہوں نے کہا: اے ہمارے رب! یہ عذاب ہم سے کھول دے، ہم ایمان لانے والے ہیں۔ آپ ‌صلی ‌اللہ ‌علیہ ‌وآلہ ‌وسلم سے کہا گیا: اگر ان سے عذاب کھل گیا تو یہ پھر پہلی حالت میں لوٹ آئیں گے، آپ ‌صلی ‌اللہ ‌علیہ ‌وآلہ ‌وسلم نے اپنے رب سے دعا کی اور اس نے ان سے عذاب دور کر دیا، لیکن جب وہ پھر اسی نافرمانی کی حالت میں لوٹ آئے تو اللہ تعالیٰ نے بدر کے دن ان کی گرفت کی،یہی صورتیں اللہ تعالی کے اس فرمان کی مصداق ہیں: {فَارْتَقِبْ یَوْمَ تَأْتِی السَّمَائُ بِدُخَانٍ مُبِینٍ… … یَوْمَ نَبْطِشُ الْبَطْشَۃَ الْکُبْرٰی إِنَّا مُنْتَقِمُونَ}۔ ابن نمیر کی حدیث میں سیدنا عبداللہ ‌رضی ‌اللہ ‌عنہ نے کہا: اگر اس سے قیامت کے دن کا دھواں ہوتا تو پھر ان سے دور نہ کیا جاتا۔

Haidth Number: 8748

Read Complete Hadith

۔ (۴۲/۱۱۳۲۲)۔ عَنْ اَنَسٍ اَنَّ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم کَانَتْ تُعْجِبُہُ الْفَاغِیَۃُ وَکَانَ اَعْجَبُ الطَّعَامِ اِلَیِْہِ الدُّبَّائِ۔ (مسند احمد: ۱۲۵۷۴)

سیدنا انس ‌رضی ‌اللہ ‌عنہ بیان کرتے ہیں کہ نبی ٔ کریم ‌صلی ‌اللہ ‌علیہ ‌وآلہ ‌وسلم کو فاغیہ بہت پسند تھا اور کھانوں میں سے سب سے زیادہ پسندیدہ کھانا آپ ‌صلی ‌اللہ ‌علیہ ‌وآلہ ‌وسلم کو کدو کا سالن تھا۔

Haidth Number: 11322

Read Complete Hadith

۔ (۴۳/۱۱۳۲۲)۔ عَنْ أَنَسِ بْنِ مَالِکٍ قَالَ: قُدِّمَتْ إِلَی النَّبِیِّ صَلَّی اللّٰہُ عَلَیْہِ وَسَلَّمَ قَصْعَۃٌ فِیہَا قَرْعٌ، قَالَ: وَکَانَ یُعْجِبُہُ الْقَرْعُ، قَالَ: فَجَعَلَ یَلْتَمِسُ الْقَرْعَ بِأُصْبُعِہِ أَوْ قَالَ بِأَصَابِعِہِ۔ (مسند احمد: ۱۲۶۵۷)

سیدنا انس بن مالک ‌رضی ‌اللہ ‌عنہ سے مروی ہے کہ ایک پیالہ نبی ٔ کریم ‌صلی ‌اللہ ‌علیہ ‌وآلہ ‌وسلم کے قریب کیا گیا، اس میں کدو بھی تھے، جبکہ یہ چیز آپ ‌صلی ‌اللہ ‌علیہ ‌وآلہ ‌وسلم کو پسند بھی بڑی تھی، پس آپ ‌صلی ‌اللہ ‌علیہ ‌وآلہ ‌وسلم اپنی انگلی یا انگلیوں کی مدد سے کدو تلاش کرنے لگے۔

Haidth Number: 11322

Read Complete Hadith

۔ (۴۴/۱۱۳۲۲)۔ عَنْ أَنَسِ بْنِ مَالِکٍ قَال: دَعَا رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم رَجُلٌ، فَانْطَلَقَ وَانْطَلَقْتُ مَعَہُ، قَال: فَجِیئَ بِمَرَقَۃٍ فِیہَا دُبَّائٌ، فَجَعَلَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ یَأْکُلُ ذَلِکَ الدُّبَّائَ وَیُعْجِبُہُ، فَلَمَّا رَأَیْتُ ذَلِکَ جَعَلْتُ أُلْقِیہِ إِلَیْہِ وَلَا أَطْعَمُ مِنْہُ شَیْئًا، فَقَالَ أَنَسٌ: فَمَا زِلْتُ أُحِبُّہُ قَالَ سُلَیْمَان: فَحَدَّثْتُ بِہَذَا الْحَدِیثِ سُلَیْمَانَ التَّیْمِیَّ فَقَال: مَا أَتَیْنَا أَنَسَ بْنَ مَالِکٍ قَطُّ فِی زَمَانِ الدُّبَّائِ إِلَّا وَجَدْنَاہُ فِی طَعَامِہِ۔ (مسند احمد: ۱۳۳۹۲)

سیدنا انس بن مالک سے مروی ہے کہ ایک آدمی نے رسول اللہ ‌صلی ‌اللہ ‌علیہ ‌وآلہ ‌وسلم کو دعوت دی، پس آپ ‌صلی ‌اللہ ‌علیہ ‌وآلہ ‌وسلم تشریف لے گئے اور میں بھی آپ ‌صلی ‌اللہ ‌علیہ ‌وآلہ ‌وسلم کے ساتھ گیا، پس کھانے میں شوربا لایا گیا، اس میں کدو تھے، رسول اللہ ‌صلی ‌اللہ ‌علیہ ‌وآلہ ‌وسلم اس سے کدو کھانے لگے، دراصل کدو آپ ‌صلی ‌اللہ ‌علیہ ‌وآلہ ‌وسلم کو پسند تھے، جب میں نے اس چیز کا مشاہدہ کیا تو میں کدو ڈال کر آپ ‌صلی ‌اللہ ‌علیہ ‌وآلہ ‌وسلم کو دینے لگا اور میں خود نہیں کھا رہا تھا (تاکہ آپ ‌صلی ‌اللہ ‌علیہ ‌وآلہ ‌وسلم سیر ہو کر کھا لیں)۔ سیدنا انس ‌رضی ‌اللہ ‌عنہ کہتے ہیں: پس میں اس وجہ سے ہمیشہ کدو پسند کرتا رہا، سلیمان تیمی کہتے ہیں: کدو کے موسم میں ہم جب بھی سیدنا انس بن مالک ‌رضی ‌اللہ ‌عنہ کے پاس آتے تھے تو ان کے کھانے میں کدو پاتے تھے۔

Haidth Number: 11322

Read Complete Hadith

۔ (۴۵/۱۱۳۲۲)۔ عَنْ قَتَادَۃَ، سَمِعَ أَنَسًا: أَنَّ رَسُولَ اللّٰہِ صَلَّی اللّٰہُ عَلَیْہِ وَسَلَّمَ کَانَ یُعْجِبُہُ الدُّبَّائُ، قَالَ أَنَسٌ: فَجَعَلْتُ أَضَعُہُ بَیْنَیَدَیْہِ۔ (مسند احمد: ۱۴۰۱۱)

سیدنا انس ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم کو کدو پسند تھے، پس میں وہ کدو آپ ‌صلی ‌اللہ ‌علیہ ‌وآلہ ‌وسلم کے سامنے رکھتا تھا۔

Haidth Number: 11322

Read Complete Hadith

۔ (۴۶/۱۱۳۲۲)۔ عَنْ أَنَسٍ قَال: بَعَثَتْ مَعِی أُمُّ سُلَیْمٍ بِمِکْتَلٍ فِیہِ رُطَبٌ إِلَی رَسُولِ اللّٰہِ صَلَّی اللّٰہُ عَلَیْہِ وَسَلَّمَ، فَلَمْ أَجِدْہُ، وَخَرَجَ قَرِیبًا إِلَی مَوْلًی لَہُ، دَعَاہُ صَنَعَ لَہُ طَعَامًا۔ قَال: فَأَتَیْتُہُ، فَإِذَا ہُوَ یَأْکُلُ، فَدَعَانِی لِآکُلَ مَعَہُ قَالَ: وَصَنَعَ لَہُ ثَرِیدًا بِلَحْمٍ وَقَرْعٍ قَال: وَإِذَا ہُوَ یُعْجِبُہُ الْقَرْعُ قَال: فَجَعَلْتُ أَجْمَعُہُ وَأُدْنِیہِ مِنْہُ۔ قَال: فَلَمَّا طَعِمَ رَجَعَ إِلَی مَنْزِلِہِ ، قَال: وَوَضَعْتُ لَہُ الْمِکْتَلَ بَیْنَیَدَیْہِ، قَال: فَجَعَلَ یَأْکُلُ، وَیَقْسِمُ حَتَّی فَرَغَ مِنْ آخِرِہِ۔ (مسند احمد: ۱۲۰۷۵)

سیدنا انس ‌رضی ‌اللہ ‌عنہ سے مروی ہے، وہ کہتے ہیں: سیدہ ام سلیم نے مجھے ایک ٹوکرا دے کر رسول اللہ ‌صلی ‌اللہ ‌علیہ ‌وآلہ ‌وسلم کی طر ف بھیجا، اس میں تازہ کھجوریں تھیں، میں نے آپ ‌صلی ‌اللہ ‌علیہ ‌وآلہ ‌وسلم کو گھر پر نہیں پایا، آپ ‌صلی ‌اللہ ‌علیہ ‌وآلہ ‌وسلم قریب ہی اپنے ایک غلام کی طرف گئے ہوئے تھے، دراصل اس نے کھانا تیار کر کے آپ ‌صلی ‌اللہ ‌علیہ ‌وآلہ ‌وسلم کو دعوت دی تھی، میں آپ ‌صلی ‌اللہ ‌علیہ ‌وآلہ ‌وسلم کے پاس گیا اور آپ ‌صلی ‌اللہ ‌علیہ ‌وآلہ ‌وسلم کو اس حال میں پایا کہ آپ ‌صلی ‌اللہ ‌علیہ ‌وآلہ ‌وسلم کھانا تناول فرما رہے تھے، پس آپ ‌صلی ‌اللہ ‌علیہ ‌وآلہ ‌وسلم نے مجھے بھے کھانے کے لیے بلایا، اس آدمی نے آپ ‌صلی ‌اللہ ‌علیہ ‌وآلہ ‌وسلم کے لیے گوشت اور کدو کا ثرید بنایا تھا، میں کیا دیکھتا ہوں کہ آپ ‌صلی ‌اللہ ‌علیہ ‌وآلہ ‌وسلم کو تو کدو بہت پسند تھے، پس میں کدو جمع کر کے آپ ‌صلی ‌اللہ ‌علیہ ‌وآلہ ‌وسلم کے قریب کرنے لگا، جب آپ ‌صلی ‌اللہ ‌علیہ ‌وآلہ ‌وسلم کھانے سے فارغ ہو کر گھر تشریف لے آئے تو میں نے وہ ٹوکرا آپ ‌صلی ‌اللہ ‌علیہ ‌وآلہ ‌وسلم کے سامنے رکھ دیا، آپ ‌صلی ‌اللہ ‌علیہ ‌وآلہ ‌وسلم نے وہ کھجوریں کھانا اور ان کو تقسیم کرنا شروع کر دیا،یہاں تک کہ وہ ختم ہو گئیں۔

Haidth Number: 11322

Read Complete Hadith

۔ (۴۷/۱۱۳۲۲)۔ عَنْ حَکِیمِ بْنِ جَابِرٍ، عَنْ أَبِیہِ قَال: دَخَلْتُ عَلَی النَّبِیِّ صَلَّی اللّٰہُ عَلَیْہِ وَسَلَّمَ فِی بَیْتِہِ، فَرَأَیْتُ عِنْدَہُ قَرْعًا فَقُلْت: یَا رَسُولَ اللّٰہِ مَا ہَذَا؟ قَال: ہَذَا قَرْعٌ نُکَثِّرُ بِہِ طَعَامَنَا۔ (مسند احمد: ۱۹۳۱۱)

سیدنا جابر ‌رضی ‌اللہ ‌عنہ سے مروی ہے، وہ کہتے ہیں: میں نبی ٔ کریم ‌صلی ‌اللہ ‌علیہ ‌وآلہ ‌وسلم کے پاس آپ ‌صلی ‌اللہ ‌علیہ ‌وآلہ ‌وسلم کے گھر گیا اور آپ ‌صلی ‌اللہ ‌علیہ ‌وآلہ ‌وسلم کے ہاں کدو دیکھے، میں نے کہا: اے اللہ کے رسول! یہ کیا ہیں؟ آپ ‌صلی ‌اللہ ‌علیہ ‌وآلہ ‌وسلم نے فرمایا: یہ کدو ہیں، ہم زیادہ تر اس کو اپنے کھانے میں استعمال کرتے ہیں۔

Haidth Number: 11322

Read Complete Hadith

۔ (۴۸/۱۱۳۲۲)۔ حَدَّثَنَا أَبُو جَعْفَرٍ الْمَدَائِنِیُّ، حَدَّثَنَا عَبَّادُ بْنُ الْعَوَّامِ، عَنْ حُمَیْدٍ الطَّوِیلِ، عَنْ أَنَسِ بْنِ مَالِکٍ قَال: کَانَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم یُعْجِبُہُ الثُّفْلُ قَالَ عَبَّادٌ یَعْنِی: ثُفْلَ الْمَرَقِ۔ (مسند احمد: ۱۳۳۳۳)

سیدنا انس بن مالک ‌رضی ‌اللہ ‌عنہ سے مروی ہے کہ نبی ٔ کریم ‌صلی ‌اللہ ‌علیہ ‌وآلہ ‌وسلم کو شوربے والا ثرید بہت پسند تھا۔

Haidth Number: 11322

Read Complete Hadith

۔ (۴۹/۱۱۳۲۲)۔ عَنْ أَبِی رَافِعٍ، قَال: صُنِعَ لِرَسُولِ اللّٰہِ صَلَّی اللّٰہُ عَلَیْہِ وَسَلَّمَ شَاۃٌ مَصْلِیَّۃٌ فَأُتِیَ بِہَا فَقَالَ لِی: ((یَا أَبَا رَافِعٍ نَاوِلْنِی الذِّرَاعَ۔)) فَنَاوَلْتُہُ فَقَال: ((یَا أَبَا رَافِعٍ نَاوِلْنِی الذِّرَاعَ۔)) فَنَاوَلْتُہُ ثُمَّ قَال: ((یَا أَبَا رَافِعٍ نَاوِلْنِی الذِّرَاعَ۔)) فَقُلْت: یَا رَسُولَ اللّٰہِ وَہَلْ لِلشَّاۃِ إِلَّا ذِرَاعَانِ؟ فَقَال: ((لَوْ سَکَتَّ لَنَاوَلْتَنِی مِنْہَا مَا دَعَوْتُ بِہِ۔)) قَال: وَکَانَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم یُعْجِبُہُ الذِّرَاعُ۔ (مسند احمد: ۲۴۳۶۰)

سیدنا ابو رافع ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم کے لیے بکری بھونی گئی اور پھر آپ ‌صلی ‌اللہ ‌علیہ ‌وآلہ ‌وسلم کو پیش کی گئی، آپ ‌صلی ‌اللہ ‌علیہ ‌وآلہ ‌وسلم نے مجھ سے فرمایا: اے ابو رافع! مجھے دستی پکڑاؤ۔ پس میں نے آپ ‌صلی ‌اللہ ‌علیہ ‌وآلہ ‌وسلم کو دستی پکڑا دی، آپ ‌صلی ‌اللہ ‌علیہ ‌وآلہ ‌وسلم نے پھر فرمایا: ابو رافع! مجھے دستی پکڑاؤ۔ سو میں نے آپ ‌صلی ‌اللہ ‌علیہ ‌وآلہ ‌وسلم کو تھما دی، آپ ‌صلی ‌اللہ ‌علیہ ‌وآلہ ‌وسلم نے پھر فرمایا: ابو رافع! مجھے دستی پکڑاؤ۔ ‘ میں نے کہا: اے اللہ کے رسول! بکری کی دو ہی دستیاں ہوتی ہیں، آپ ‌صلی ‌اللہ ‌علیہ ‌وآلہ ‌وسلم نے فرمایا: اگر تو خاموش رہتا تو جب تک میں مطالبہ کرتا رہتا، تو مجھے دستیاں پکڑاتا جاتا۔ رسول اللہ ‌صلی ‌اللہ ‌علیہ ‌وآلہ ‌وسلم کو یہ دستی بڑی پسند تھی۔

Haidth Number: 11322

Read Complete Hadith

۔ (۵۰/۱۱۳۲۲)۔ عَنْ أَبِی ہُرَیْرَۃَ، قَال: کَانَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ، یُحِبُّ الذِّرَاعَ۔ (۸۳۵۹)

سیدنا ابو ہریرہ ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم کو دستی پسند تھی۔

Haidth Number: 11322

Read Complete Hadith

۔ (۵۱/۱۱۳۲۲)۔ عَنْ ضُبَاعَۃَ بِنْتِ الزُّبَیْرِ بْنِ عَبْدِ الْمُطَّلِبِ، أَنَّہَا ذَبَحَتْ فِی بَیْتِہَا شَاۃً، فَأَرْسَلَ إِلَیْہَا رَسُولُ اللّٰہِ صَلَّی اللّٰہُ عَلَیْہِ وَسَلَّمَ أَنْ أَطْعِمِینَا مِنْ شَاتِکُمْ۔ فَقَالَتْ لِلرَّسُولِ: وَاللّٰہِ مَا بَقِیَ عِنْدَنَا إِلَّا الرَّقَبَۃُ، وَإِنِّی أَسْتَحْیِی أَنْ أُرْسِلَ إِلَی رَسُولِ اللّٰہِ صَلَّی اللّٰہُ عَلَیْہِ وَسَلَّمَ بِالرَّقَبَۃِ، فَرَجَعَ الرَّسُولُ، فَأَخْبَرَ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم ، فَقَال: ((ارْجِعْ إِلَیْہَا، فَقُلْ: أَرْسِلِی بِہَا، فَإِنَّہَا ہَادِیَۃٌ الشَّاۃِ، وَأَقْرَبُ الشَّاۃِ إِلَی الْخَیْرِ، وَأَبْعَدُہَا مِنَ الْأَذَی۔)) (مسند احمد: ۲۷۵۷۱)

سیدہ ضباعہ بنت زبیر بن عبد المطلب ‌رضی ‌اللہ ‌عنہا سے مروی ہے کہ انھوں نے اپنے گھر میں ایک بکری ذبح کی اور رسول اللہ ‌صلی ‌اللہ ‌علیہ ‌وآلہ ‌وسلم نے ان کی طرف پیغام بھیجا کہ ہمیں بھی اپنی بکری میں سے کچھ کھلا دو، انھوں نے قاصد کو جواباً کہا: اللہ کی قسم! صرف گردن بچی پڑی ہے اور مجھے رسول اللہ ‌صلی ‌اللہ ‌علیہ ‌وآلہ ‌وسلم سے شرم آتی ہے کہ میں وہ گردن آپ ‌صلی ‌اللہ ‌علیہ ‌وآلہ ‌وسلم کی طرف بھیجوں، پس قاصد لوٹ آیا اور رسول اللہ ‌صلی ‌اللہ ‌علیہ ‌وآلہ ‌وسلم کو صورتحال سے آگاہ کیا، آپ ‌صلی ‌اللہ ‌علیہ ‌وآلہ ‌وسلم نے فرمایا: تو لوٹ جا اور ان سے کہو کہ وہ یہی گردن ہی بھیج دیں، کیونکہیہ بکری کا ابتدائی حصہ ہے، لذت اور پکنے میں سب سے بہتر ہے اور پیشاب اور مینگنیوں وغیرہ سے بھی دور ہے۔

Haidth Number: 11322

Read Complete Hadith

۔ (۵۲/۱۱۳۲۲)۔ عَنْ جَابِرِ بْنِ عَبْدِ اللّٰہِ قَالَ صَنَعْنَا لِرَسُولِ اللّٰہِ صَلَّی اللّٰہُ عَلَیْہِ وَسَلَّمَ فَخَّارَۃً فَأَتَیْتُہُ بِہَا فَوَضَعْتُہَا بَیْنَیَدَیْہِ فَاطَّلَعَ فِیہَا فَقَالَ: ((حَسِبْتُہُ لَحْمًا۔)) فَذَکَرْتُ ذَلِکَ لِأَہْلِی فَذَبَحُوا لَہُ شَاۃً۔ (مسند احمد: ۱۴۶۳۵)

سیدنا جابر بن عبد اللہ ‌رضی ‌اللہ ‌عنہ بیان کرتے ہیں کہ ہم نے نبی ٔ کریم ‌صلی ‌اللہ ‌علیہ ‌وآلہ ‌وسلم کے لیے سنگریزوں کا ایک برتن بنایا ہوا تھا، میں وہ برتن آپ کے پاس لایا اور اسے آپ ‌صلی ‌اللہ ‌علیہ ‌وآلہ ‌وسلم کے سامنے رکھ دیا، آپ ‌صلی ‌اللہ ‌علیہ ‌وآلہ ‌وسلم نے اس میں جھانکا اور فرمایا: میرا خیال ہے کہ اس میں گوشت ہے۔ میں نے اس چیز کا ذکر گھر والوں سے کیا (اور ہم سمجھ گئے کہ آپ ‌صلی ‌اللہ ‌علیہ ‌وآلہ ‌وسلم کو گوشت کھانے کی خواہش ہے) پس انہوں نے آپ ‌صلی ‌اللہ ‌علیہ ‌وآلہ ‌وسلم کے لیے بکری ذبح کی۔

Haidth Number: 11322

Read Complete Hadith

Musnad Ahmad

مسنداحمد

تفسیر و اسباب نزول کا بیان

سورۂ دخان {فَارْتَقِبْ یَوْمَ تَاْتِی السَّمَائُ بِدُخَانٍ مُّبِیْنٍ…} کی تفسیر

12 Hadiths Found

سیدنا انس بن مالک ‌رضی ‌اللہ ‌عنہ سے مروی ہے کہ نبی ٔ کریم ‌صلی ‌اللہ ‌علیہ ‌وآلہ ‌وسلم کو شوربے والا ثرید بہت پسند تھا۔

۔ (۵۰/۱۱۳۲۲)۔ عَنْ أَبِی ہُرَیْرَۃَ، قَال: کَانَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ، یُحِبُّ الذِّرَاعَ۔ (۸۳۵۹)

سیدنا ابو ہریرہ ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم کو دستی پسند تھی۔