किताब (कर्मपत्रिका) रखी जाएगी तो अपराधियों को देखोंगे कि जो कुछ उस में होगा उस से डर रहे हैं और कह रहे हैं, "हाय, हमारा दुर्भाग्य! यह कैसी किताब है कि यह न कोई छोटी बात छोड़ती है न बड़ी, बल्कि सभी को इसने अपने अन्दर समाहित कर रखा है।" जो कुछ उन्होंने किया होगा सब मौजूद पाएँगे। तुम्हारा रब किसी पर ज़ुल्म न करेगा
اورکتاب اعمال رکھ دی جائے گی، پس آپ مجرموں کودیکھیں گے کہ وہ اس سے ڈرنے والے ہوں گے جواس میں ہوگا اورکہیں گے کہ ہائے ہماری کم بختی ! یہ کتاب کیسی ہے جس نے چھوٹا بڑا کچھ بھی نہیں چھوڑا مگراس کوشمارکررکھاہے اورجوبھی انہوں نے کیاتھا وہ سب اس کو سامنے پائیں گے اورآپ کار ب کسی ایک پرظلم نہیں کرتا۔
اور رجسٹر پیش کیا جائے گا تو تم مجرموں کو دیکھو گے کہ جو کچھ اس میں ہے ، اس سے لرزاں ہیں اور کہیں گے: ہائے ہماری شامت! یہ رجسٹر عجیب ہے ، جس نے نہ کوئی چھوٹا گناہ نوٹ کرنے سے چھوڑا ہے نہ کوئی بڑا گناہ اور جو کچھ انہوں نے کیا ہوگا ، سب موجود پائیں گے اور تیرا رب کسی پر کوئی ظلم نہیں کرے گا ۔
اور نامۂ اعمال ( سامنے ) رکھ دیا جائے گا اور تم دیکھو گے کہ مجرم لوگ اس کے مندرجات سے ڈر رہے ہوں گے اور کہتے ہوں گے ۔ ہائے ہماری کم بختی! یہ کیسا نامۂ عمل ہے؟ جس نے ( ہمارا ) کوئی چھوٹا بڑا ( گناہ ) نہیں چھوڑا مگر سب کو درج کر لیا ہے ۔ اور جو کچھ ان لوگوں نے کیا تھا وہ سب اپنے اپنے سامنے پائیں گے اور تمہارا پروردگار کسی پر ظلم نہیں کرتا ۔
اور نامہ اعمال سامنے رکھ دیا جائے گا ۔ اس وقت تم دیکھو گے کہ مجرم لوگ اپنی کتاب زندگی کے اندراجات سے ڈر رہے ہوں گے اور کہہ رہے ہوں گے کہ ہائے ہماری کم بختی ، یہ کیسی کتاب ہے کہ ہماری کوئی چھوٹی بڑی حرکت ایسی نہیں رہی جو اس میں درج نہ ہو گئی ہو ۔ جو جو کچھ انہوں نے کیا تھا وہ سب اپنے سامنے حاضر پائیں گے اور تیرا رب کسی پر ذرا ظلم نہ کرے گا ۔ 46 ؏6
اور اعمال نامے ( کھول کر ) رکھ دیے جائیں گے ، پس آپ مجرموں کو دیکھیں گے کہ جو کچھ ان میں ( لکھا ) ہے اس سے ڈر رہے ہوں گے اور کہہ رہے ہوں گے ہائے ہماری بربادی! یہ کیسی کتاب ہے کہ نہ کوئی چھوٹا گناہ چھوڑا ن ہی بڑا مگر اسے لکھ رہا ہے اور انہوں نے جو اعمال کیے تھے ان سب کو سامنے ( موجود ) پائیں گے اور آپ کا رب کسی پر ظلم نہیں کرے گا ۔
اور ( اعمال کی ) کتاب سامنے رکھ دی جائے گی ۔ چنانچہ تم مجرموں کو دیکھو گے کہ وہ اس کے مندرجات سے خوف زدہ ہیں ، اور کہہ رہے ہیں کہ : ہائے ہماری بربادی ! یہ کیسی کتاب ہے جس نے ہمارا کوئی چھوٹا بڑا عمل ایسا نہیں چھوڑا جس کا پورا احاطہ نہ کرلیا ہو ۔ اور وہ اپنا سارا کیا دھرا اپنے سامنے موجود پائیں گے ۔ اور تمہارا پروردگار کسی پر کوئی ظلم نہیں کرے گا ۔
اور نامہ اعمال ( سامنے ) رکھ دیا جائے گا تو اس میں موجودبدا عمالیوں کی وجہ سے آپ مجرموں کو خوف زدہ دیکھیں گے اور وہ کہیں گے‘‘ ہائے ہماری بدبختی!اس کتاب نے نہ توکوئی چھوٹی بات چھوڑی ہے اور نہ بڑی ، سب کچھ ہی ریکارڈ کردیا ہے اور جو انھوں نے دنیامیںجو کچھ کیا ہوگااسے اپنے سامنے پائیں گے اور آپ کارب کسی پر ظلم نہیں کرے گا
اور نامہٴ اعمال رکھا جائے گا ( ف۱۰٦ ) تو تم مجرموں کو دیکھو گے کہ اس کے لکھے سے ڈرتے ہوں گے اور ( ف۱۰۷ ) کہیں گے ہائے خرابی ہماری اس نوشتہ کو کیا ہوا نہ اس نے کوئی چھوٹا گناہ چھوڑا نہ بڑا جسے گھیر لیا ہو اور اپنا سب کیا انہوں نے سامنے پایا ، اور تمہارا رب کسی پر ظلم نہیں کرتا ( ف۱۰۸ )
اور ( ہر ایک کے سامنے ) اَعمال نامہ رکھ دیا جائے گا سو آپ مجرموں کو دیکھیں گے ( وہ ) ان ( گناہوں اور جرموں ) سے خوفزدہ ہوں گے جو اس ( اَعمال نامہ ) میں درج ہوں گے اور کہیں گے: ہائے ہلاکت! اس اَعمال نامہ کو کیا ہوا ہے اس نے نہ کوئی چھوٹی ( بات ) چھوڑی ہے اور نہ کوئی بڑی ( بات ) ، مگر اس نے ( ہر ہر بات کو ) شمار کر لیا ہے اور وہ جو کچھ کرتے رہے تھے ( اپنے سامنے ) حاضر پائیں گے ، اور آپ کا رب کسی پر ظلم نہ فرمائے گا
