वे कहते हैं, "यदि हम तुम्हारे साथ इस मार्गदर्शन का अनुसरण करें तो अपने भू-भाग से उचक लिए जाएँगे।" क्या ख़तरों से सुरक्षित हरम में हम ने ठिकाना नहीं दिया, जिस की ओर हमारी ओर से रोज़ी के रूप में हर चीज़ की पैदावार खिंची चली आती है? किन्तु उन में से अधिकतर जानते नहीं
اور اُنہوں نے کہاکہ اگرہم تمہارے ساتھ ہدایت کی پیروی کریں تواپنی زمین ہی سے ہم اُچک لیے جائیں گے اورکیاہم نے اُنہیں ایک پُرامن حرم میں جگہ نہیں دی؟ جس کی طرف ہماری جناب سے رزق کے طور پر ہر قسم کے پھل کھینچ کرلائے جاتے ہیں لیکن ان میں سے اکثرلوگ جانتے نہیں۔
اور وہ کہتے ہیں کہ اگر ہم تمہارے ساتھ ہوکر اس ہدایت کے پیرو بن جائیں تو ہم اپنے ملک سے اچک لیے جائیں گے ۔ کیا ہم نے ان کو متمکن نہیں کیا ، ایک مامون حرم میں ، جس کی طرف خاص ہمارے فضل سے ہر چیز کی پیداوار کھنچی چلی آرہی ہے؟ لیکن ان کے اکثر اس بات کو نہیں جانتے ۔
اور وہ ( کفارِ مکہ ) کہتے ہیں کہ اگر ہم آپ کے ساتھ ہدایت کی پیروی کریں تو ہمیں اپنی سر زمین سے اچک لیا جائے گا ( یہاں سے نکال دیا جائے گا ) کیا ہم نے ان کو ایسے امن والے محترم مقام میں جگہ نہیں دی؟ جہاں ہماری طرف سے رزق کے طور پر ہر قسم کے پھل لائے جاتے ہیں مگر ان میں سے اکثر لوگ جانتے نہیں ہیں ۔
وہ کہتے ہیں ” اگر ہم تمہارے ساتھ اس ہدایت کی پیروی اختیار کرلیں تو اپنی زمین سے اچک لیے جائیں گے ۔ ”80 کیا یہ واقعہ نہیں ہے کہ ہم نے ایک پر امن حرم کو ان کے لیے جائے قیام بنا دیا جس کی طرف ہر طرح کے ثمرات کھچے چلے آتے ہیں ، ہماری طرف سے رزق کے طور پر؟ مگر ان میں سے اکثر لوگ جانتے نہیں ہیں ۔ 81
اور ان لوگوں نے کہا اگر ہم آپ کے ساتھ ہدایت کی پیروی کریں تو ہمیں ہماری زمین ( ملک ) سے اُچک لیا جائے گا ، کیا ہم نے ان لوگوں کو حرم میں جو امن والا ہے بسا نہیں دیا ہے ، جس کی طرف ہر چیز کے ثمرات ( پھل وغیرہ ) ہماری طرف سے رزق کے طور پر کھنچے چلے آتے ہیں اور لیکن ان میں سے اکثر لوگ ( کچھ ) نہیں جانتے
اور یہ لوگ کہتے ہیں کہ : اگر ہم آپ کے ساتھ ہدایت کی پیروی کریں گے تو ہمیں اپنی زمین سے کوئی اچک کرلے جائے گا ۔ ( ٣٣ ) بھلا کیا ہم نے ان کو اس حرم میں جگہ نہیں دے رکھی جو اتنا پر امن ہے کہ ہر قسم کے پھل اس کی طرف کھنچے چلے آتے ہیں ، جو خاص ہماری طرف سے دیا ہوا رزق ہے؟ لیکن ان میں سے اکثر لوگ نہیں جانتے ۔
اور کافرکہتے ہیں : ’’اگرہم تمہارے ساتھ ہدایت کی پیروی کریں توہمیں ہمارے ملک سے نکال دیا جائے گا‘‘ کیا ہم نے انہیں پر ُ امن حرم میں رہنے کی جگہ نہیں دی ہے جہاں ہماری طرف سے رز ق کے طور پر طرح طرح کے پھل پہنچائے جاتے ہیں لیکن ان میں اکثرلوگ جانتے نہیں
اور کہتے ہیں اگر ہم تمہارے ساتھ ہدایت کی پیروی کریں تو لوگ ہمارے ملک سے ہمیں اچک لے جائیں گے ( ف۱٤۳ ) کیا ہم نے انھیں جگہ نہ دی امان والی حرم میں ( ف۱٤٤ ) جس کی طرف ہر چیز کے پھل لائے جاتے ہیں ہمارے پاس کی روزی لیکن ان میں اکثر کو علم نہیں ( ف۱٤۵ )
اور ( قدر ناشناس ) کہتے ہیں کہ اگر ہم آپ کی معیّت میں ہدایت کی پیروی کر لیں تو ہم اپنے ملک سے اچک لئے جائیں گے ۔ کیا ہم نے انہیں ( اس ) امن والے حرم ( شہرِ مکہ جو آپ ہی کا وطن ہے ) میں نہیں بسایا جہاں ہماری طرف سے رزق کے طور پر ( دنیا کی ہر سمت سے ) ہر جنس کے پھل پہنچائے جاتے ہیں ، لیکن ان میں سے اکثر لوگ نہیں جانتے ( کہ یہ سب کچھ کس کے صدقے سے ہو رہا ہے )
