और वे तुम्हें अल्लाह की आयतों से रोक न पाएँ, इस के पश्चात कि वे तुम पर अवतरित हो चुकी है। और अपने रब की ओर बुलाओ और बहुदेववादियों में कदापि सम्मिलित न होना
اوروہ آپ کو اﷲ تعالیٰ کی آیات سے نہ روک دیں اس کے بعدکہ وہ آپ کی طرف نازل کردی گئی ہیں اورآپ اپنے رب کی طرف بلائیں اور آپ مشرکوں میں سے نہ بنیں۔
اور یہ تم کو اللہ کی آیات سے روکنے نہ پائیں جبکہ وہ تمہاری طرف اتاری جاچکی ہیں اور تم اپنے رب کی دعوت دو اور مشرکوں میں سے نہ بنو ۔
اور ( خیال رکھنا ) کہ یہ لوگ آپ کو اللہ کی آیتوں ( کی تبلیغ ) سے کہیں روک نہ دیں بعد اس کے کہ وہ آپ پر نازل ہو چکی ہیں اور آپ اپنے پروردگار کی طرف ( لوگوں کو ) بلائیں اور ہرگز مشرکوں میں سے نہ ہونا ۔
اور ایسا کبھی نہ ہونے پائے کہ اللہ کی آیات جب تم پر نازل ہوں تو کفار تمہیں ان سے باز رکھیں ۔ 111 اپنے رب کی طرف دعوت دو اور ہرگز مشرکوں میں شامل نہ ہو
اور وہ لوگ آپ کو اللہ ( تعالیٰ ) کی آیتوں ( کی تبلیغ ) سے روک نہ دیں بعد اس کے کہ ( وہ ) آپ پر نازل کی گئی ہیں اور اپنے رب کی طرف دعوت دیجیے اور ہرگز شرک کرنے والوں میں سے نہ ہوجائیے
اور جب اللہ کی آیتیں تم پر نازل کردی گئی ہیں تو اس کے بعد یہ لوگ تمہیں ہرگز ان ( پر عمل کرنے ) سے روکنے نہ پائیں ۔ اور تم اپنے رب کی طرف لوگوں کو دعوت دیتے رہو ، اور ہرگز ان مشرکین میں شامل نہ ہونا ۔
اور ایسانہ ہو کہ آپ کی طرف اللہ کی آیا ت نازل ہونے کے بعد کافر آپ کو ان آیات کی تبلیغ سے نہ روک دیں آپ انہیں اپنے رب کی طرف دعوت دیجئے اور شرک کر نے والوں میں شامل نہ ہوں
اور ہرگز وہ تمہیں اللہ کی آیتوں سے نہ روکیں بعد اس کے کہ وہ تمہاری طرف اتاری گئیں ( ف۲۱۹ ) اور اپنے رب کی طرف بلاؤ ( ف۲۲۰ ) اور ہرگز شرک والوں میں سے نہ ہونا ( ف۲۲۱ )
اور وہ ( کفار ) تمہیں ہرگز اللہ کی آیتوں ( کی تعمیل و تبلیغ ) سے باز نہ رکھیں اس کے بعد کہ وہ تمہاری طرف اتاری جا چکی ہیں اور تم ( لوگوں کو ) اپنے رب کی طرف بلاتے رہو اور مشرکوں میں سے ہرگز نہ ہونا
