अल्लाह ही है जो हवाओं को भेजता है। फिर वे बादलों को उठाती हैं; फिर जिस तरह चाहता है उन्हें आकाश में फैला देता है और उन्हें परतों और टुकड़ियों का रूप दे देता है। फिर तुम देखते हो कि उन के बीच से वर्षा की बूँदें टपकी चली आती है। फिर जब वह अपने बन्दों में से जिन पर चाहता है, उसे बरसाता है। तो क्या देखते हैं कि वे हर्षित हो उठे
اﷲ تعالیٰ وہ ہے جوہوائیں بھیجتاہے تو وہ بادل اُٹھاتی ہیں پھر وہ جس طرح چاہتاہے اُنہیں آ سمان میں پھیلا دیتا ہے اورا نہیں ٹکڑوں میں تقسیم کر دیتا ہے چنانچہ آپ بارش کودیکھتے ہیں کہ اُس کے درمیان سے نکل رہی ہے ، پھروہ اپنے بندوں میں سے جس پرچاہتاہے بارش برساتاہے تب وہ بہت خوش ہوتے ہیں ۔
اللہ ہی ہے جو بھیجتا ہے ہواؤں کو ، پس وہ بادلوں کو ابھارتی ہیں ، پھر اللہ ان کو پھیلا دیتا ہے آسمان میں جس طرح چاہتا ہے اور ان کو تہ بہ تہ کرتا ہے ، پھر تم دیکھتے ہو مینہ کو ان کے بیچ سے نکلتے ہوئے ۔ پس جب وہ اس کو نازل کرتا ہے اپنے بندوں میں سے جن پر چاہتا ہے تو وہ یکایک خوش ہوجاتے ہیں ۔
اللہ ہی وہ ہے جو ہواؤں کو بھیجتا ہے ۔ تو وہ بادل کو اٹھاتی ہیں ۔ پھر اللہ جس طرح چاہتا ہے اسے آسمان پر پھیلا دیتا ہے اور پھر اسے ٹکڑے ٹکڑے کر دیتا ہے ۔ پھر تم دیکھتے ہو کہ اس کے درمیان سے بارش نکلنے لگتی ہے ۔ پھر وہ اپنے بندوں سے جسے چاہتا ہے پہنچاتا ہے ۔ تو بس وہ خوش ہو جاتے ہیں ۔
اللہ ہی ہے جو ہواؤں کو بھیجتا ہے اور وہ بادل اٹھاتی ہیں ، پھر وہ ان بادلوں کو آسمان میں پھیلاتا ہے جس طرح چاہتا ہے اور انہیں ٹکڑیوں میں تقسیم کرتا ہے ، پھر تو دیکھتا ہے کہ بارش کے قطرے بادل میں سے ٹپکے چلے آتے ہیں ۔ یہ بارش جب وہ اپنے بندوں میں سے جن پر چاہتا ہے برساتا ہے تو یکایک وہ خوش و خرم ہو جاتے ہیں
اللہ وہ ذات ہے جو ہواؤں کو بھیجتا ہے پھر وہ بادلوں کو اُٹھاتی ہیں پھر وہ ( اللہ تعالیٰ ) ان کو آسمان میں جس طرح چاہے پھیلادیتا ہے اور وہ اس کے ٹکڑے ٹکڑے کردیتا ہے پھر ( اے مخاطب ) تو بارش کو دیکھتا ہے کہ ان کے درمیا ن سے نکلتی ہے پھر جب وہ اس کو اپنے بندوں میں سے جن کو چاہے پہنچادیتا ہے پھر وہ لوگ خوش ہونے لگتے ہیں ۔
اللہ ہی وہ ہے جو ہوائیں بھیجتا ہے ، چنانچہ وہ بادل کو اٹھاتی ہیں ، پھر وہ اس ( بادل ) کو جس طرح چاہتا ہے آسمان میں پھیلا دیتا ہے ، اور اسے کئی تہوں ( والی گھٹا ) میں تبدیل کردیتا ہے ۔ تب تم دیکھتے ہو کہ اس کے درمیان سے بارش برس رہی ہے ۔ چنانچہ جب وہ اپنے بندوں میں سے جن کو چاہتا ہے وہ بارش پہنچاتا ہے تو وہ اچانک خوشی منانے لگتے ہیں ۔
اللہ وہ ہےجو ہوائیں بھیجتا ہے تووہ بادل اٹھالاتی ہیں ، پھراللہ جسے چاہتا ہے اس بادل کو آسمان میں پھیلادیتا ہے اور اسے ٹکڑے ٹکڑے کردیتا ہے پھر تو دیکھتا ہے ، کہ بارش کے قطرے اس سے نکلتے آتے ہیں ، پھرجب اللہ اپنے بندوں میں سے جس پر چاہےبارش برسادیتا ہے تووہ خوش ہوجاتے ہیں
اللہ ہے کہ بھیجتا ہے ہوائیں کہ ابھارتی ہیں بادل پھر اسے پھیلادیتا ہے آسمان میں جیسا چاہے ( ف۱۰۵ ) اور اسے پارہ پارہ کرتا ہے ( ف۱۰٦ ) تو تو دیکھے کہ اس کے یبچ میں مینھ نکل رہا ہے پھر جب اسے پہنچاتا ہے ( ف۱۰۷ ) اپنے بندوں میں جس کی طرف چاہے جبھی وہ خوشیاں مناتے ہیں ،
اﷲ ہی ہے جو ہواؤں کو بھیجتا ہے تو وہ بادل کو ابھارتی ہیں پھر وہ اس ( بادل ) کو فضائے آسمانی میں جس طرح چاہتا ہے پھیلا دیتا ہے پھر اسے ( متفرق ) ٹکڑے ( کر کے تہ بہ تہ ) کر دیتا ہے ، پھر تم دیکھتے ہو کہ بارش اس کے درمیان سے نکلتی ہے ، پھر جب اس ( بارش ) کو اپنے بندوں میں سے جنہیں چاہتا ہے پہنچا دیتا ہے تو وہ فوراً خوش ہو جاتے ہیں
