अलबत्ता जो लोग तौबा करें और अपनी इस्लाह करलें और अल्लाह को मज़बूती से पकड़ लें और अपने दीन को अल्लाह के लिए ख़ालिस करलें तो ये लोग ईमान वालों के साथ होंगे, और अल्लाह ईमान वालों को बड़ा सवाब देगा।
مگروہ لوگ جنہوں نے توبہ کی اور اصلاح کرلی اور انہوں نے اﷲ تعالیٰ (کے دین ) کو مضبوطی سے تھام لیا اوراپنے دین کواﷲ تعالیٰ کے لیے خالص کرلیاتویہ لوگ مومنوں کے ساتھ ہوں گے اور اﷲ تعالیٰ جلد ہی مومنوں کو اجرِعظیم عطا کرے گا۔
البتہ جو توبہ اور اصلاح کرلیں گے اور اللہ کو مضبوطی سے پکڑیں گے اور اپنی اطاعت کو اللہ کیلئے خالص کرلیں گے ، وہ ایمان والوں کے ساتھ ہوں گے اور اللہ ایمان والوں کو اجرِ عظیم عطا فرمائے گا ۔
سوا ان کے جنہوں نے توبہ کی ، اپنی اصلاح کرلی ۔ اور اللہ سے وابستہ ہوگئے اور اللہ کے لئے اپنا دین خالص کر دیا ( خلوص کے ساتھ اس کی اطاعت کرنے لگے ) تو یہ لوگ مؤمنین کے ساتھ ہوں گے اور اللہ اہل ایمان کو اجر عظیم عطا فرمائے گا ۔
البتہ جو ان میں سے تائب ہو جائیں اور اپنے طرزِ عمل کی اصلاح کرلیں اور اللہ کا دامن تھام لیں اور اپنے دین کو اللہ کے لیے خالص کر دیں ، 174 ایسے لوگ مومنوں کے ساتھ ہیں اور اللہ مومنوں کو ضرور اجرِ عظیم عطا فرمائے گا ۔
مگر جو لوگ توبہ کر لیں اور اصلاح کرلیں اور اللہ تعالیٰ پر مضبوط بھروسہ رکھیں اور اپنے دین کو اللہ تعالیٰ کیلئے خالص کر لیں پس یہ لوگ ایمان والوں کے ساتھ ہوںگے اور اللہ تعالیٰ مومنین کو عنقریب اجر عظیم عطا فرمائیں گے ۔
البتہ جو لوگ توبہ کرلیں گے ، اپنی اصلاح کرلیں گے ، اللہ کا سہارا مضبوطی سے تھام لیں گے اور اپنے دین کو خالص اللہ کے لیے بنا لیں گے تو ایسے لوگ مومنوں کے ساتھ شامل ہوجائیں گے ، اور اللہ مومنوں کو ضرور اجر عظیم عطا کرے گا ۔
ہاں ، ان میں سے جنہوں نے توبہ کی اوراپنی اصلاح کی اوراللہ ( کے دین ) کومضبوطی سے پکڑلیا اور اللہ کے لئے اپنے دین کو خالص کرلیاتوایسے لوگ مومنوں کے ساتھ ہوں گے اوراللہ تعالیٰ عنقریب مومنوں کو بہت بڑا اجرعطا فرمائے گا
مگر وہ جنہوں نے توبہ کی ( ف۳۷۲ ) اور سنورے اور اللہ کی رسی مضبوط تھامی اور اپنا دین خالص اللہ کے لئے کرلیا تو یہ مسلمانوں کے ساتھ ہیں ( ف۳۷۳ ) اور عنقریب اللہ مسلمانوں کو بڑا ثواب دے گا ،
مگر وہ لوگ جنہوں نے توبہ کر لی وہ سنور گئے اورانہوں نے اللہ سے مضبوط تعلق جوڑ لیا اور انہوں نے اپنا دین اللہ کے لئے خالص کر لیا تو یہ مؤمنوں کی سنگت میں ہوں گے اور عنقریب اللہ مومنوں کو عظیم اجر عطا فرمائے گا
