कहो, "क्या तुम अल्लाह को अपने धर्म की सूचना दे रहे हो। हालाँकि जो कुछ आकाशों में और जो कुछ धरती में है, अल्लाह सब जानता है? अल्लाह को हर चीज़ का ज्ञान है।"
کہہ دوکہ کیاتم اﷲ تعالیٰ کواپنے دین سے آگاہ کر رہے ہو؟حالانکہ اﷲ تعالیٰ جانتا ہے جو آسمانوں میں اور جو زمین میں ہے اوراﷲ تعالیٰ ہر چیزکاخوب جاننے والا ہے۔
کہہ دو: کیا تم اپنے دین سے اللہ کو آگاہ کر رہے ہو درآنحالیکہ اللہ جانتا ہے جو کچھ آسمانوں میں ہے اور جو کچھ زمین میں ہے؟ اور اللہ ہر چیز سے باخبر ہے ۔
آپ ( ص ) کہہ دیجئے کہ کیا تم اللہ کو اپنے دین سے آگاہ کرتے ہو؟ حالانکہ اللہ وہ کچھ جانتا ہے جو آسمانوں میں ہے اور جو زمین میں ہے اللہ ہر شے کو جانتا ہے ۔
اے نبی صلی اللہ علیہ وسلم ، ان ( مدعیان ایمان ) سے کہو ، کیا تم اللہ کو اپنے دین کی اطلاع دے رہے ہو؟ حالانکہ اللہ زمین اور آسمانوں کی ہر چیز کو جانتا ہے اور وہ ہر شے کا علم رکھتا ہے ۔
۔ ( اے محبوب ﷺ ) آپ فرمادیجیے! ( اے دیہاتیو ) کیا تم لوگ اللہ ( تعالیٰ ) کو اپنے دین کی اطلاع دے رہے ہو ، حالانکہ اللہ ( تعالیٰ ) جو کچھ آسمانوں اور زمین میں ہے ( سب ) جانتا ہے اور اللہ ( تعالیٰ ) ہر چیز سے اچھی طرح آگاہ ہیں
۔ ( اے پیغمبر ! ان دیہاتیوں سے ) کہو کہ : کیا تم اللہ کو اپنے دین کی اطلاع دے رہے ہو؟ حالانکہ اللہ ان تمام چیزوں کو خوب جانتا ہے جو آسمانوں میں ہیں اور جو زمین میں ہیں ، اور اللہ ہر چیز کا پورا پورا علم رکھتا ہے ۔
آپ ( ان دیہاتیوں ) سے کہہ دیجئے کیا تم اللہ کو اپنی دین داری جتلاتے ہو حالانکہ اللہ آسمانوں اور زمین کی ہرچیزکوجانتا ہے اور اللہ تعالیٰ ہرچیزکوخوب جاننے والا ہے
تم فرماؤ کیا تم اللہ کو اپنا دین بتاتے ہو ، اور اللہ جانتا ہے جو کچھ آسمانوں میں اور جو کچھ زمین میں ہے ( ف٤۲ ) اور اللہ سب کچھ جانتا ہے ( ف٤۳ )
فرما دیجئے: کیا تم اﷲ کو اپنی دین داری جتلا رہے ہو ، حالانکہ اﷲ اُن ( تمام ) چیزوں کو جانتا ہے جو آسمانوں میں ہیں اور جو زمین میں ہیں ، اور اﷲ ہر چیز کا خوب علم رکھنے والا ہے
