और इसी तरह दो ऊँट की क़िस्म से हैं और दो गाय की क़िस्म से, आप पूछिए कि दोनों नर अल्लाह ने हराम किए हैं या दोनों मादा या वे बच्चे जो ऊँटनी और गाय के पेट में हों, क्या तुम उस वक़्त हाज़िर थे जब अल्लाह ने तुमको इसका हुक्म दिया था? फिर उससे ज़्यादा ज़ालिम कौन है जो अल्लाह पर झूठा बोहतान बाँधे ताकि वे लोगों को बहका दे बग़ैर इल्म के, बेशक अल्लाह ज़ालिमों को राह नहीं दिखाता।
دواُونٹ سے اوردوگائے سے، آپ پوچھیں: ’’کیااﷲ تعالیٰ نے دونوں نروں کو حرام کیا ہے یادونوں ماداؤں کو؟یاوہ (بچہ) جس پردونوں ماداؤں کے رحم لپٹے ہوئے ہیں؟ کیاتم اس وقت موجودتھے جب اﷲ تعالیٰ نے تمہیں اس کی وصیت کی تھی؟‘‘چنانچہ اس سے بڑاظالم کون ہے جس نے اﷲ تعالیٰ پرجھوٹ باندھا تاکہ لوگوں کوبغیرعلم کے گمراہ کردے؟یقینااﷲ تعالیٰ ظالم لوگوں کوہدایت نہیں دیتا۔
( اسی طرح لو ) اونٹوں میں سے نر ومادہ دو اور گائے بیل میں سے نر ومادہ دو ۔ ( پھر ) پوچھو کہ ان دونوں کے نروں کو حرام ٹھہرایا ہے یا ان کی ماداؤں کو یا اس بچے کو ، جو ماداؤں کے پیٹ میں ہے؟ کیا تم اس وقت موجود تھے ، جب اللہ نے تمہیں اس کی ہدایت فرمائی؟ تو اس سے بڑھ کی ظالم کون ہے جو اللہ پر جھوٹ باندھے تاکہ لوگوں کو گمراہ کرے ، بغیر کسی علم کے! بیشک اللہ ظالموں کو راہ یاب نہیں کرے گا ۔
اور اس طرح دو قسمیں اونٹ سے اور دو قسمیں گائے سے ۔ کہو اس ( اللہ ) نے دونوں قسموں کے نروں کو حرام کیا ہے یا دونوں قسم کی ماداؤں کو؟ یا جو دونوں ماداؤں کے پیٹ میں ہے؟ کیا تم اس وقت موجود تھے جب اللہ نے تمہیں اس بات کا حکم دیا تھا؟ تو اس شخص سے بڑھ کر کون ظالم ہوگا جو اللہ پر جھوٹا الزام لگائے تاکہ کسی علم کے بغیر لوگوں کو گمراہ کرے بے شک اللہ ظالم قوم کو ہدایت نہیں کرتا ( اسے منزلِ مقصود تک نہیں پہنچاتا ) ۔
اور اسی طرح دو اونٹ کی قسم سے ہیں اور دو گائے کی قسم سے ۔ پوچھو ، ان کے نر اللہ نے حرام کیے ہیں یا مادہ ، یا وہ بچّے جو اونٹنی اور گائے کے پیٹ میں ہوں؟ 120 کیا تم اس وقت حاضر تھے جب اللہ نے ان کے حرام ہونے کا حکم تمہیں دیا تھا ؟ پھر اس شخص سے بڑھ کر ظالم اور کون ہوگا جو اللہ کی طرف منسوب کر کے جھوٹی بات کہے تاکہ عِلم کے بغیر لوگوں کی غلط راہ نمائی کرے ۔ یقیناً اللہ ایسے ظالموں کو راہِ راست نہیں دکھاتا ۔ ؏ ١۷
اور ( اﷲتعالیٰ نے پیدا فرمائے ) اونٹ میں سے دو ( نرومادہ ) اور گائے میں سے دو ۔ آپ ( ﷺ ) فرما دیجئے کیا دونوں نر حرام کئے ہیں یا دونوں مادائیں یا جس ( بچے کو ) دونوں مادائیں اپنے پیٹوں میں لیے ہوئے ہیں ۔ کیا جب اﷲ ( تعالیٰ ) نے تمہیں اس بات کی وصیت کی اس وقت تم موجود تھے اس شخص سے بڑا ظالم کون ہے جو اﷲ ( تعالیٰ ) پر جھوٹا بہتان باندھے تاکہ بغیر تحقیق کے لوگوں کو گمراہ کرے بیشک اﷲ ( تعالیٰ ) ظالم لوگوں کو ہدایت نہیں دیتے ۔
اور اسی طرح اونٹوں کی بھی دو صنفیں ( نر اور مادہ اللہ نے ) پیدا کی ہیں ، اور گائے کی بھی دو صنفیں ۔ ان سے کہو کہ : کیا دونوں نروں کو اللہ نے حرام کیا ہے ، یا دونوں مادہ کو؟ یا ہر اس بچے کو جو دونوں نسلوں کی مادہ کے پیٹ میں موجود ہو؟ کیا تم اس وقت خود حاضر تھے جب اللہ نے تمہیں اس کا حکم دیا تھا؟ ( اگر نہیں ، اور یقینا نہیں ) تو پھر اس شخص سے بڑھ کر ظالم کون ہوگا جو اللہ پر اس لیے جھوٹ باندھے تاکہ کسی علمی بنیاد کے بغیر لوگوں کو گمراہ کرسکے؟ حقیقت یہ ہے کہ اللہ ظالم لوگوں کو ہدایت تک نہیں پہنچاتا ۔
نیزاونٹ کی جنس سے دو اور گائے کے دوجوڑے ہیں آپ ا ن سے پوچھئے ’’ کیا اللہ نے ان دونوں مذکروں کو حرام کیا ہے یا دونوں مادائوں کو یاان بچوں کو جو ان مادائوں کے پیٹ میں ہوتے ہیں ؟ یا جب اللہ نے ایساتاکیدی حکم دیا تھا تو کیا تم اس وقت موجودتھے ؟‘‘ پھراس شخص سے بڑھ کرظالم کون ہےجو اللہ پر جھوٹ باندھے تاکہ لوگوں کو علم کے بغیرگمراہ کرتاپھرے؟ اللہ تعالیٰ یقینًاایسے ظالموں کو ہدایت نہیں دیتا
اور ایک جوڑا اونٹ کا اور ایک جوڑا گائے کا ، تم فرماؤ کیا اس نے دونوں نر حرام کیے یا دونوں مادہ یا وہ جسے دونوں مادہ پیٹ میں لیے ہیں ( ف۲۹٤ ) کیا تم موجود تھے جب اللہ نے تمہیں یہ حکم دیا ( ف۲۹۵ ) تو اس سے بڑھ کر ظالم کون جو اللہ پر جھوٹ باندھے کہ لوگوں کو اپنی جہالت سے گمراہ کرے ، بیشک اللہ ظالموں کو راہ نہیں دکھاتا ،
اور دو ( نر و مادہ ) اونٹ سے اور دو ( نر و مادہ ) گائے سے ۔ ( آپ ان سے ) فرما دیجئے: کیا اس نے دونوں نر حرام کئے ہیں یا دونوں مادہ یا وہ ( بچہ ) جو دونوں ماداؤں کے رحموں میں موجود ہے؟ کیا تم اس وقت موجود تھے جب اﷲ نے تمہیں اس ( حرمت ) کا حکم دیا تھا؟ پھر اس سے بڑھ کر ظالم کون ہو سکتا ہے جو اﷲ پر جھوٹا بہتان باندھتا ہے تاکہ لوگوں کو بغیر جانے گمراہ کرتا پھرے ۔ بیشک اﷲ ظالم قوم کو ہدایت نہیں فرماتا
