और वही है जिसने आसमान से पानी बरसाया फिर हमने उससे निकाली उगने वाली हर चीज़ फिर हमने उससे सरसब्ज़ शाख़ निकाली जिससे हम तह-ब-तह दाने पैदा कर देते हैं, और खजूर के गाभे में से फल के गुच्छे झुके हुए और बाग़ अंगूर के और ज़ैतून के और अनार के आपस में मिलते-जुलते और जुदा-जुदा भी, हर एक फल को देखो जब वह फलता है और उसके पकने को देखो जब वह पकता है, बेशक इनके अंदर निशानियाँ हैं उन लोगों के लिए जो ईमान की तलब रखते हैं।
اور وہی ذات ہے جس نے آسمان سے پانی نازل کیاسوہم نے اس سے ہرقسم کی نباتات اُگائیں، توہم نے اُس سے سبزکھیتی نکالی جس سے ہم تہ بہ تہ دانے نکالتے ہیں اور کھجور کے درختوں سے اس کے گابھوں سے جُھکے ہوئے خوشے ہیں اور انگور اور زیتون اورانارکے باغات ہیں آپس میں ملتے جلتے اورنہ ملنے جلنے والے،اس کے پھل کودیکھوجب وہ پھل لائے اور جب وہ پکتا ہے بلاشبہ ان چیزوں میں یقیناًنشانیاں ہیں اُن کے لیے جو ایمان لاتے ہیں۔
اور وہی ہے جس نے آسمان سے پانی برسایا ۔ پھر ہم نے اس سے ہر چیز کے انکھوے نکالے ۔ پھر ہم نے اس سے سرسبز شاخیں ابھاریں ، جن سے ہم تہ بہ تہ دانے پیدا کردیتے ہیں اور کھجور کے گابھے سے لٹکتے ہوئے گچھے اور انگوروں کے باغ اور زیتون اور انار ، باہم دگر ملتے جلتے بھی اور ایک دوسرے سے مختلف بھی ۔ ہر ایک کے پھل کو دیکھو جب وہ پھیلتا ہے اور اس کے پکنے کو دیکھو ( جب وہ پکتا ہے ) ۔ بیشک ان کے اندر نشانیاں ہیں ان لوگوں کیلئے ، جو ایمان لانا چاہیں ۔
وہ وہی تو ہے جس نے آسمان کی ( بلندی ) سے پانی نازل کیا پھر ہم نے اس کے ذریعہ سے ہر قسم کے نباتات اگائے پھر اس سے ہری بھری شاخیں نکالیں کہ ہم اس سے تہہ بہ تہہ ( گھتے ہوئے ) دانے نکالتے ہیں اور کھجور کے درختوں سے یعنی ان کے شگوفوں سے گچھے نکالتے ہیں جو زمین کی طرف جھکے ہوئے ہیں اور ہم نے انگور ، زیتون اور انار کے باغات پیدا کئے جو باہم مشابہ بھی ہیں اور غیر مشابہ بھی اور اس کے پھل کو دیکھو جب وہ پھلتا ہے اور اس کے ( پکنے کی کیفیت ) کو دیکھو اور بے شک اس میں ایمان لانے والوں کے لئے ( اللہ کی توحید و قدرت کی ) نشانیاں ہیں ۔
اور وہی ہے جس نے آسمان سے پانی برسایا ، پھر اس کے ذریعہ سے ہر قسم کی نباتات اگائی ، پھر اس سے ہرے ہرے کھیت اور درخت پیدا کیے ، پھر ان سے تہ بر تہ چڑھے ہوئے دانے نکالے اور کھجور کے شگوفوں سے پھلوں کے گچھے کے گچھے پیدا کیے جو بوجھ کے مارے جھکے پڑتے ہیں ، اور انگور ، زیتون اور انار کے باغ لگائے جن کے پھل ایک دوسرے سے ملتے جلتے بھی ہیں اور پھر ہر ایک کی خصوصیات جدا جدا بھی ہیں ۔ یہ درخت جب پھلتے ہیں تو ان میں پَھل آنے اور پھر ان کے پکنے کی کیفیت ذرا غور کی نظر سے دیکھو ، ان چیزوں میں نشانیاں ہیں ان لوگوں کے لیے جو ایمان لاتے ہیں ۔
اور وہی ہے جس نے آسمان سے پانی نازل کیا پس ہم نے اس کے ذریعے ہر قسم کی اگنے والی چیزیں پیدا کیں پھراس سے سرسبز شاخیں نکالیں ہم نکالتے ہیں اس سے تہہ بہ تہہ چڑھے ہوئے دانے اور کھجورکے درخت کے گھپو ں سے پھلوں سے جھکے ہوئے خوشے نکالے اور انگوروں اور زیتون اورا نار کے باغات نکالے ( جن کے پھل ) آپس میں ایک جیسے بھی ہیں اور ایک جیسے نہیں بھی ہیں ۔ دیکھو ان کے پھلوں کی طرف جب وہ پھل دینے لگیں اور ان کے پکنے کی طرف ( بھی دیکھو ) بیشک اس میں نشانیاں ہیں ان لوگوں کیلئے جو ایمان والے ہیں ۔
اور اللہ وہی ہے جس نے تمہارے لیے آسمان سے پانی برسایا ۔ پھر ہم نے اس کے ذریعے ہر قسم کی کونپلیں اگائیں ۔ ان ( کونپلوں ) سے ہم نے سبزیاں پیدا کیں جن سے ہم تہہ بہ تہہ دانے نکالتے ہیں ، اور کھجور کے گابھوں سے پھلوں کے وہ گچھے نکلتے ہیں جو ( پھل کے بوجھ سے ) جھکے جاتے ہیں ، اور ہم نے انگوروں کے باغ اگائے ، اور زیتون اور انار ۔ جو ایک دوسرے سے ملتے جلتے بھی ہیں ، اور ایک دوسرے سے مختلف بھی ۔ ( ٣٨ ) جب یہ درخت پھل دیتے ہیں تو ان کے پھلوں اور ان کے پکنے کی کیفیت کو غور سے دیکھو ۔ لوگو ! ان سب چیزوں میں بڑی نشانیاں ہیں ( مگر ) ان لوگوں کے لیے جو ایمان لائیں ۔
اور وہی ہے جس نے آسمان سے پانی برسایاپھراس سے ہم نے ہرطرح کے پودے اگائے اور ہرے بھرے کھیت پیداکئے جن سے ہم تہہ بہ تہہ دانوں والے خوشے نکالتے ہیں اور کجھوروں کے شگوفوں سے خوشے پیداکرتے ہیں جو ( بوجھ سے ) جھکے ہوتے ہیں نیز انگور ، زیتون اور انارکے باغات پیداکئےجو ایک دوسرے سے بعض خوبیوں میں ملتے جلتے ہیں اور بعض دوسرے خوبیوں میں نہیں ملتے ، جب درخت پھل لاتا ہے تو اس کے پھل لانے اور پھلوں کے پکنے پر ذرا غورتوکروان باتوں میں ان لوگوں کے لئے بہت سی نشانیاں ہیں جو ایمان لاتے ہیں
اور وہی ہے جس نے آسمان سے پانی اتارا ، تو ہم نے اس سے ہر اُگنے والی چیز نکالی ( ف۲۰۸ ) تو ہم نے اس سے نکالی سبزی جس میں سے دانے نکالتے ہیں ایک دوسرے پر چڑھے ہوئے اور کھجور کے گابھے سے پاس پاس گچھے اور انگور کے باغ اور زیتون اور انار کسی بات میں ملتے اور کسی بات میں الگ ، اس کا پھل دیکھو جب پھلے اور اس کا پکنا بیشک اس میں نشانیاں ہیں ایمان والوں کے لیے ،
اور وہی ہے جس نے آسمان کی طرف سے پانی اتارا پھر ہم نے اس ( بارش ) سے ہر قسم کی روئیدگی نکالی پھر ہم نے اس سے سرسبز ( کھیتی ) نکالی جس سے ہم اوپر تلے پیوستہ دانے نکالتے ہیں اور کھجور کے گابھے سے لٹکتے ہوئے گچھے اور انگوروں کے باغات اور زیتون اور انار ( بھی پیدا کئے جو کئی اعتبارات سے ) آپس میں ایک جیسے ( لگتے ) ہیں اور ( پھل ، ذائقے اور تاثیرات ) جداگانہ ہیں ۔ تم درخت کے پھل کی طرف دیکھو جب وہ پھل لائے اور اس کے پکنے کو ( بھی دیکھو ) ، بیشک ان میں ایمان رکھنے والے لوگوں کے لئے نشانیاں ہیں
