जब नबी ने अपनी पत्ऩियों में से किसी से एक गोपनीय बात कही, फिर जब उस ने उस की ख़बर कर दी और अल्लाह ने उसे उस पर ज़ाहिर कर दिया, तो उस ने उसे किसी हद तक बता दिया और किसी हद तक टाल गया। फिर जब उस ने उस की उसे ख़बर की तो वह बोली, "आप को इस की ख़बर किसने दी?" उस ने कहा, "मुझे उस ने ख़बर दी जो सब कुछ जानने वाला, ख़बर रखने वाला है।"
اورجب نبی نے ایک بات اپنی کسی بیوی سے چھپاکرکہی پھر جب اُس نے اس بات کی خبردے دی اوراﷲ تعالیٰ نے نبی کواُس کی اطلاع دے دی تونبی نے کچھ بات سے آگاہ کیااورکچھ سے اِعراض کیاپھرجب نبی نے اُسے یہ بات بتائی تو اُس نے پوچھا: ’’آپ کوکس نے یہ خبردی ہے؟‘‘نبی نے کہا: ’’مجھے اس نے خبر دی ہے جو سب کچھ جاننے والا،خوب باخبرہے۔‘‘
اور جبکہ نبی نے اپنی ایک بیوی سے ایک راز کی بات کہی ۔ تو جب انہوں نے اس کی خبر کردی اور اللہ نے اس سے پیغمبر کو آگاہ کردیا تو پیغمبر نے کچھ بات جتادی کچھ ٹال دی ۔ تو جب پیغمبر نے بیوی کو اس کی خبر کی تو وہ بولیں کہ آپ کو کس نے خبر دی؟ پیغمبر نے کہا: مجھے خدائے علیم وخبیر نے خبر دی ۔
۔ ( وہ وقت یاد رکھنے کے لائق ہے ) جب نبی ( ص ) نے اپنی بعض بیویوں سے راز کی ایک بات کہی اور جب اس نے وہ بات ( کسی اور کو ) بتا دی اور اللہ نے آپ ( ص ) کو اس ( خیانت کاری ) سے آگاہ کر دیا تو آپ ( ص ) نے اس ( بیوی ) کو کچھ بات جتا دی اور کچھ سے اعراض کیا ( چشم پوشی کی ) تو جب آپ ( ص ) نے اس ( بیوی ) کو یہ بات بتائی تو اس نے ۔ ( ازراہِ تعجب ) کہا کہ آپ ( ص ) کو اس کی کس نے خبر دی؟ فرمایا مجھے بڑے جاننے والے ( اور ) بڑے باخبر ( خدا ) نے خبر دی ہے ۔
﴿اور یہ معاملہ بھی قابل توجہ ہے کہ ﴾ نبی نے ایک بات اپنی ایک بیوی سے راز میں کہی تھی ۔ پھر جب اس بیوی نے ﴿کسی اور پر﴾ وہ راز ظاہر کر دیا ، اور اللہ نے نبی کو اس ﴿افشائے راز﴾ کی اطلاع دے دی ، تو نبی نے اس پر کسی حد تک ﴿اس بیوی کو﴾ خبردار کیا اور کسی حد تک اس سے درگزر کیا ۔ پھر جب نبی نے اسے ﴿افشائے راز کی ﴾ یہ بات بتائی تو اس نے پوچھا آپ کو اس کی کس نے خبر دی ؟ نبی نے کہا ” مجھے اس نے خبر دی جو سب کچھ جانتا ہے اور خوب باخبر ہے6 ۔ ”
اور جب نبی ( ﷺ ) نے اپنی ایک بیوی سے ایک راز کی بات بیان فرمادی ، پر اس ( بات ) کو ظاہر فرمادیا ( تو ) نبی نے ) اس کا کچھ حصہ بتلادیا اور کچھ سے اعراض فرمالیا ، پس جب انہوں ( نبی ﷺ ) نے اس کو اس بات کی خبردی تو اس نے کہا: آپ ( ﷺ ) کو یہ بات کس نے بتادی؟ نبی ( ﷺ ) نے فرمایا: مجھے اس ذات نے بتائی ہے جو بہت جاننے والے بڑے باخبر ہیں
اور یاد کرو جب نبی نے اپنی کسی بیوی سے راز کے طور پر ایک بات کہی تھی ۔ ( ٣ ) پھر جب اس بیوی نے وہ بات کسی اور کو بتلا دی ، ( ٤ ) اور اللہ نے یہ بات نبی پر ظاہر کردی تو اس نے اس کا کچھ حصہ جتلا دیا اور کچھ حصے کو ٹال گئے ۔ ( ٥ ) پھر جب انہوں نے اس بیوی کو وہ بات جتلائی تو وہ کہنے لگیں کہ : آپ کو یہ بات کس نے بتائی؟ نبی نے کہا کہ : مجھے اس نے بتائی جو بڑے علم والا ، بہت باخبر ہے ۔
جب نبی نے اپنی کسی بیوی سے ایک راز کی بات کہی اس بیوی نے وہ بات ( آگے ) بتلادی اور یہ معاملہ اللہ تعالیٰ نے نبی پر ظا ہر کردیااب نبی نے ( اس بیوی کو ) کچھ بات توجتلادی اور کچھ نہ جتلائی پھر جب نبی نے اسے بتلایاتووہ پوچھنے لگی کہ’’آپکو اس کی کس نے خبردی؟ ( نبی نے ) کہا: مجھے اس اللہ نے بتایا ہےجو ہرچیزکاجاننے والا اور پوری خبررکھنے والا ہے
اور جب نبی نے اپنی ایک بی بی ( ف٤ ) سے ایک راز کی بات فرمائی ( ف۵ ) پھر جب وہ ( ف٦ ) اس کا ذکر کر بیٹھی اور اللہ نے اسے نبی پر ظاہر کردیا تو نبی نے اسے کچھ جتایا اور کچھ سے چشم پوشی فرمائی ( ف۷ ) پھر جب نبی نے اسے اس کی خبر دی بولی ( ف۸ ) حضور کو کس نے بتایا ، فرمایا مجھے علم والے خبردار نے بتایا ( ف۹ )
اور جب نبئ ( مکرّم صلی اللہ علیہ وآلہ وسلم ) نے اپنی ایک زوجہ سے ایک رازدارانہ بات ارشاد فرمائی ، پھر جب وہ اُس ( بات ) کا ذکر کر بیٹھیں اور اللہ نے نبی ( صلی اللہ علیہ وآلہ وسلم ) پر اسے ظاہر فرما دیا تو نبی ( صلی اللہ علیہ وآلہ وسلم ) نے انہیں اس کا کچھ حصہ جِتا دیا اور کچھ حصہ ( بتانے ) سے چشم پوشی فرمائی ، پھر جب نبی ( صلی اللہ علیہ وآلہ وسلم ) نے انہیں اِس کی خبر دے دی ( کہ آپ راز اِفشاء کر بیٹھی ہیں ) تو وہ بولیں: آپ کو یہ کس نے بتا دیا ہے؟ نبی ( صلی اللہ علیہ وآلہ وسلم ) نے فرمایا کہ مجھے بڑے علم والے بڑی آگاہی والے ( رب ) نے بتا دیا ہے
