और जब उनसे कहा गया कि उस बस्ती में जाकर बस जाओ और उसमें से जहाँ से चाहो खाओ और कहो कि हमको बख़्श दीजिए और दरवाज़े में से झुके हुए दाख़िल हो, हम तुम्हारी ख़ताएं माफ़ कर देंगे, हम नेकी करने वालों को और ज़्यादा देंगे।
اورجب اُن سے کہاگیاکہ تم اس بستی میں جاکررہواور اس میں سے کھاؤجہاں سے بھی چاہواورکہناکہ ہمیں بخش دے اور دروازے میں جھک کرداخل ہوناتو ہم تمہاری خطائیں بخش دیں گے،ہم نیکی کرنے والوں کوعنقریب زیادہ دیں گے۔
اور ( یاد کرو ) جب ان سے کہا گیا: اس بستی میں رہو بسو ، اس میں جہاں سے چاہو کھاؤ پیو ، توبہ استغفار کرتے رہو اور دروازے میں سرفگندہ داخل ہو تو ہم تمہاری خطائیں معاف کردیں گے ۔ خوب کاروں کو ہم مزید نوازیں گے ۔
۔ ( وہ وقت یاد کرو ) جب ان ( بنی اسرائیل ) سے کہا گیا کہ اس گاؤں میں جاکر آباد ہو جاؤ اور وہاں جہاں سے تمہارا جی چاہے ( غذا حاصل کرکے ) کھاؤ اور حطۃ حطۃ کہتے ہوئے سجدہ ریز ہوکر ( عاجزی سے جھکے ہوئے ) شہر کے دروازہ میں داخل ہو جاؤ ۔ تو ہم تمہاری خطائیں معاف کر دیں گے ۔ اور جو نیک کردار ہیں ان کو مزید اجر سے نوازیں گے ۔
یاد کرو وہ وقت جب ان سے کہا گیا تھا کہ اس بستی میں جاکر بس جاؤ اور اس کی پیداوار سے اپنے حسبِ منشا روزی حاصل کرو اور حِطَّة حِطَّة کہتے جاؤ اور شہر کے دروازے میں سجدہ ریز ہوتے ہوئے داخل ہو ، ہم تمہاری خطائیں معاف کریں گے اور نیک رویہ رکھنے والوں کو مزید فضل سے نوازیں گے ۔
اور جب ان سے کہا گیا کہ اس بستی میں جا کر رہو اور وہاں جہاں سے چاہے کھائو اور کہتے جائو توبہ ہے اور ( شہرکے ) دروازے میں جھک کر داخل ہو ۔ ہم تمہاری خطائوں کو بخش دیں گے ہم اچھے کام کرنے والوں کو عنقریب اور زیادہ دیں گے
اور وہ وقت یاد کرو جب ان سے کہا گیا تھا کہ : اس بستی میں جاکر بس جاؤ ، اور اس میں جہاں سے چاہو کھاؤ ، اور یہ کہتے جانا کہ ( یا اللہ ) ہم آپ کی بخشش کے طلب گار ہیں ، اور ( بستی کے ) دروازے میں جھکے ہوئے سروں کے ساتھ داخل ہونا ، تو ہم تمہاری خطائیں معاف کردیں گے ، ( اور ) نیکی کرنے والوں کو اور زیادہ ( ثواب ) بھی دیں گے ۔
اور جب بنی اسرائیل سے کہاگیاکہ اس بستی میں آباد ہو جائو اور جہاں سے چاہوکھائو اور دعاکرتے رہوکہ:’’ہمیں معاف کر دے‘‘ اور دروازہ میں سجدہ کرتے ہوئے داخل ہونا توہم تمہاری خطائیں معاف کردینگے اور اچھے کام کرنے والوں کو زیادہ بھی دینگے
اور یاد کرو جب ان ( ف۳۰۹ ) سے فرمایا گیا اس شہر میں بسو ( ف۳۱۰ ) اور اس میں جو چاہو کھاؤ اور کہو گناہ اترے اور دروازے میں سجدہ کرتے داخل ہو ہم تمہارے گناہ بخش دیں گے ، عنقریب نیکوں کو زیادہ عطا فرمائیں گے ،
اور ( یاد کرو ) جب ان سے فرمایا گیا کہ تم اس شہر ( بیت المقدس یا اریحا ) میں سکونت اختیار کرو اور تم وہاں سے جس طرح چاہو کھانا اور ( زبان سے ) کہتے جانا کہ ( ہمارے گناہ ) بخش دے اور ( شہر کے ) دروازے میں سجدہ کرتے ہوئے داخل ہونا ( تو ) ہم تمہاری تمام خطائیں بخش دیں گے ، عنقریب ہم نیکو کاروں کو اور زیادہ عطا فرمائیں گے
