और अल्लाह ने तुम्हारे लिए तुम्हारे घरों को सुकून की जगह बनाया और तुम्हारे लिए जानवरों की खाल के घर बनाए जिनको तुम अपने सफ़र के दिन और क़याम के दिन हल्का पाते हो, और उनकी ऊन और उनकी रुएं और उनके बालों से घर का सामान और फ़ायदे की चीज़ें एक मुद्दत तक के लिए बनाएं।
اوراﷲ تعالیٰ نے تمہارے گھروں کو تمہارے لیے رہنے کی جگہ بنادی اوراُس نے چوپایوں کی کھالوں سے تمہارے لیے ایسے گھربنائے جنہیں تم اپنے سفرکے دن اوراپنے قیام کے دن ہلکاپاتے ہواور ان کی اون سے اور ان کے پشم سے اور ان کے بالوں سے گھرکا سامان اور ایک وقت تک فائدے کی چیزیں بنائیں۔
اور اللہ ہی نے تمہارے لئے تمہارے گھروں کا سکون پیدا کیا اور تمہارے لئے چوپایوں کی کھال کے گھر بنائے ، جنہیں تم اپنے کوچ اور قیام کے دن ہلکا پھلکا پاتے ہو اور ان کے اون ، ان کے روئیں اور ان کے بالوں سے تمہارے لئے گھریلو سامان اور ایک وقت تک برتنے کی چیزیں بنائیں ۔
اور اللہ ہی نے تمہارے لئے تمہارے گھروں کو وجہِ سکون بنایا ہے اور تمہارے لئے جانوروں کی کھالوں سے ایسے گھر بنا دیئے ہیں جن کو تم روزِ سفر بھی ہلکا سمجھتے ہو اور روزِ قیامت بھی ہلکا محسوس کرتے ہو اور پھر ان کے اون ، روئیں اور بالوں سے مختلف سامانِ زندگی اور ایک مدت کے لئے کارآمد چیزیں بنا دیں ۔
اللہ نے تمہارے لیے تمہارے گھروں کو جائے سکون بنایا ۔ اس نے جانوروں کی کھالوں سے تمہارے لیے ایسے مکان پیدا کیے 74 جنہیں تم سفر اور قیام ، دونوں حالتوں میں ہلکا پاتے ہو ۔ 75 اس نے جانوروں کے صوف اور اون اور بالوں سے تمہارے لیے پہننے اور برتنے کی بہت سی چیزیں پیدا کر دیں جو زندگی کی مدت مقررہ تک تمہارے کام آتی ہیں ۔
اور اللہ ( تعالیٰ ) رہنے کے لیے ( یا سکون کے لیے ) تمہارے گھر بنائے اور جانوروں کی کھالوںسے تمہارے لیے ( ایسے ) گھر ( خیمے ) بنائے جنہیں سفر شروع کرنے کے دن اور کہیں پڑاؤ ( ٹھہرنے ) کے دن ( نہایت ) ہلکے پاتے ہو اور جانوروں کے اون اور ان کے رووں اور ان کے بالوں سے ( گھریلو ) سامان اور ایک مدت تک استعمال کرنے والی فائدہ مندچیزیں بنائیں ۔
اور اس نے تمہارے لیے تمہارے گھروں کو سکون کی جگہ بنایا ، اور تمہارے لیے مویشیوں کی کھالوں سے ایسے گھر بنائے جو تمہیں سفر پر روانہ ہوتے وقت اور کسی جگہ ٹھہرتے وقت ہلکے پھلکے محسوس ہوتے ہیں ۔ ( ٣٣ ) اور ان کے اون ، ان کے رویں اور ان کے بالوں سے گھریلو سامان اور ایسی چیزیں پیدا کیں جو ایک مدت تک تمہیں فائدہ پہنچاتی ہیں ۔
اللہ نے تمہارے لئے تمہارے گھروں کو جائے سکون بنایا اور چوپایوں کی کھالوں سے تمہارے لئے ایسے گھر ( خیمے ) بنائے جہنیں تم نقل مکانی اور قیام دونوں حالتوں میں اٹھائے پھرتے ہواوران کی اُون اور بالوں سے تمہارے لئے اوڑ ھنا بچھونا اور ایک وقت مقررتک فائدہ اٹھانے کی چیزیں بنائیں
اور اللہ نے تمہیں گھر دیئے بسنے کو ( ف۱۷۵ ) اور تمہارے لیے چوپایوں کی کھالوں سے کچھ گھر بناےٴ جو تمھیں ہلکے پڑتے ہیں تمھارے سفر کے دن اور منزلوں پرٹھہر نے کے دن ، اور ان کی اون اور ببری ( رونگٹوں ) اور بالوں سے کچھ گرہستی ( خانگی ضروریات ) کا سامان ( ف۱۷۷ ) اور برتنے کی چیزیں ایک وقت تک ،
اور اللہ نے تمہارے لئے تمہارے گھروں کو ( مستقل ) سکونت کی جگہ بنایا اور تمہارے لئے چوپایوں کی کھالوں سے ( عارضی ) گھر ( یعنی خیمے ) بنائے جنہیں تم اپنے سفر کے وقت اور ( دورانِ سفر منزلوں پر ) اپنے ٹھہرنے کے وقت ہلکا پھلکا پاتے ہو اور ( اسی اللہ نے تمہارے لئے ) بھیڑوں اور دنبوں کی اون اور اونٹوں کی پشم اور بکریوں کے بالوں سے گھریلو استعمال اور ( معیشت و تجارت میں ) فائدہ اٹھانے کے اسباب بنائے ( جو ) مقررہ مدت تک ( ہیں )
