बेशक आसमानों और ज़मीन की बनावट में और रात-दिन के आने-जाने में और उन कश्तियों में जो इंसानों के काम आने वाली चीज़ें लेकर समुंदर में चलती हैं, और उस पानी में जिसको अल्लाह ने आसमान से उतारा, फिर उससे मुर्दा ज़मीन को ज़िंदगी बख़्शी, और उस (ज़मीन) में सब क़िस्म के जानवर फैला दिए, और हवाओं की गर्दिश में और बादलों में जो आसमान व ज़मीन के दरमियान हुक्म के ताबे हैं, उन लोगों के लिए निशानियाँ हैं जो अक़्ल से काम लेते हैं।
بے شک آسمانوں اور زمین کی تخلیق میں اور رات دن کے بدلنے میں اور ان کشتیوں میں جووہ چیزیں لے کر سمندرمیں چلتی ہیں جولوگوں کونفع دیتی ہیں اور اُس پانی میں جواﷲ تعالیٰ نے آسمان سے اُتارا، پھر اس سے زمین کواس کی موت کے بعدزندہ کیا اور اس میں ہرقسم کے جانور پھیلا دیئے اور ہواؤں کی گردش میں اور بادل میں جوآسمان اور زمین کے درمیان مسخرہیں یقیناان لوگوں کے لیے بہت سی نشانیاں ہیں جو عقل سے کام لیتے ہیں۔
بیشک آسمانوں اور زمین کی خلقت ، رات اور دن کی آمدوشد اور ان کشتیوں میں جو لوگوں کیلئے سمندر میں نفع بخش سامان لے کر چلتی ہیں اور اس پانی میں جو اللہ نے بادلوں سے اتارا ہے اور جس سے زمین کو اس کی موت کے بعد زندگی بخشی اور جس سے اس میں ہر قسم کے جاندار پھیلائے اور ہواؤں کی گردش میں اور ان بادلوں میں جو آسمان وزمین کے درمیان مامور ہیں ، ان لوگوں کیلئے بہت سی نشانیاں ہیں ، جو عقل سے کام لیتے ہیں ۔
بے شک آسمانوں اور زمینوں کی پیدائش میں اور رات دن کی آمد و رفت ( الٹ پھیر ) میں اور ان کشتیوں میں جو لوگوں کو نفع پہنچانے والی چیزیں لے کر سمندر میں چلتی ہیں اور ( بارش کے ) اس پانی میں جسے خدا نے آسمان ( بلندی ) سے برسایا اور پھر اس کے ذریعہ زمین کو اس کے بے جان ( بے کار ) ہو جانے کے بعد جاندار بنا دیا ( سرسبز و شاداب بنا دیا ) اور اس میں ہر قسم کے چلنے پھرنے والے ( جانور ) پھیلا دیئے ۔ اور ہواؤں کی گردش ( ہیر پھیر ) میں اور ان بادلوں میں جو آسمان و زمین کے درمیان مسخر کرکے ( تابع فرمان بنا کے ) رکھے گئے ہیں ۔ ( ان سب باتوں میں ) خدا کے وجود اور اس کی قدرت کی بڑی نشانیاں ہیں ان لوگوں کے لئے جو عقل و خرد سے کام لیتے ہیں ۔
﴿اس حقیقت کو پہچاننے کے لیے اگر کوئی نشانی اور علامت درکار ہے تو ﴾جو لوگ عقل سے کام لیتے ہیں ان کے لیے آسمانوں اور زمین کی ساخت میں ، رات اور دن کے پیہم ایک دوسرے کے بعد آنے میں ، ان کشتیوں میں جو انسان کے نفع کی چیزیں لیے ہوئے دریاؤں اور سمندروں میں چلتی پھرتی ہیں ، بارش کے اس پانی میں جسے اللہ اوپر سے برساتا ہے پھر اس کے ذریعے سے زمین کو زندگی بخشتا ہے اور اپنے اسی انتظام کی بدولت زمین میں ہر قسم کی جاندار مخلوق کو پھیلاتا ہے ، ہواؤں کی گردش میں ، اور ان بادلوں میں جو آسمان اور زمین کے درمیان تابع فرمان بنا کر رکھے گئے ہیں ، بے شمار نشانیاں ہیں ۔ 162
بے شک آسمانوں اور زمین کے پیدا کرنے میں اور دن اور رات کے آنے جانے میں اور اس کشتی میں جو سمندر میں لوگوں کے نفع کی چیزوں کو لے کر چلتی ہے اور اس پانی میں جسے اﷲ ( تعالیٰ ) نے آسمان سے اتارا پس اس کے ذریعے زمین کو اس کے مُردہ ( بنجر ) ہوجانے کے بعد زندہ ( سرسبز ) کردیا اور اس میں ہر قسم کے جان دار پھیلا دیے اور ہواؤںکے چلانے میں اور اس بادل میں جو آسمان اور زمین کے درمیان تابع فرمان ہیں البتہ عقل رکھنے والے لوگوں کے لیے نشانیاں ہیں ۔
بیشک آسمان اور زمین کی تخلیق میں ، رات دن کے لگاتار آنے جانے میں ، ان کشتیوں میں جو لوگوں کے فائدے کا سامان لیکر سمندر میں تیرتی ہیں ، اس پانی میں جو اللہ نے آسمان سے اتارا اور اس کے ّذریعے زمین کو اس کے مردہ ہوجانے کے بعد زندگی بخشی اور اس میں ہر قسم کے جانور پھیلا دیئے ، اور ہواؤں کی گردش میں اور ان بادلوں میں جو آسمان اور زمین کے درمیان تابع دار بن کر کام میں لگے ہوئے ہیں ، ان لوگوں کے لیے نشانیاں ہی نشانیاں ہیں جو اپنی عقل سے کام لیتے ہیں ( ١٠٥ )
بیشک آسمانوں اور زمینوں کی پیدائش میں ، رات اور دن کے ایک دوسرے کے بعد آنے میں ، ان کشتیوں میں جو سمندر میں لو گوں کے لئے مفیداشیاء لیکرچلتی ہیں ، اوراللہ کے آسمان سے بارش کے نازل کرنے میں جس سے وہ مردہ زمین کو زندہ کرتا ہے اور جس زمین پر اللہ نے ہرطرح کی جاندارمخلوق کو پھیلادیا ہے نیزہوائوں کے رخ بدلنے میں ، ان بادلوں میں جو آسمانوں اور زمین کے درمیان تابع فرمان ہیں ، اہل عقل کے لئے بہت ساری نشانیاں ہیں
بیشک آسمانوں ( ف۲۹۲ ) اور زمین کی پیدائش اور رات و دن کا بدلتے آنا اور کشتی کہ دریا میں لوگوں کے فائدے لے کر چلتی ہے اور وہ جو اللہ نے آسمان سے پانی اتار کر مردہ زمین کو اس سے جِلا دیا اور زمین میں ہر قسم کے جانور پھیلائے اور ہواؤں کی گردش اور وہ بادل کہ آسمان و زمین کے بیچ میں حکم کا باندھا ہے ان سب میں عقلمندوں کے لئے ضرور نشانیاں ہیں ،
بیشک آسمانوں اور زمین کی تخلیق میں اور رات دن کی گردش میں اور ان جہازوں ( اور کشتیوں ) میں جو سمندر میں لوگوں کو نفع پہنچانے والی چیزیں اٹھا کر چلتی ہیں اور اس ( بارش ) کے پانی میں جسے اﷲ آسمان کی طرف سے اتارتا ہے پھر اس کے ذریعے زمین کو مُردہ ہو جانے کے بعد زندہ کرتا ہے ( وہ زمین ) جس میں اس نے ہر قسم کے جانور پھیلا دیئے ہیں اور ہواؤں کے رُخ بدلنے میں اور اس بادل میں جو آسمان اور زمین کے درمیان ( حکمِ الٰہی کا ) پابند ( ہو کر چلتا ) ہے ( ان میں ) عقلمندوں کے لئے ( قدرتِ الٰہی کی بہت سی ) نشانیاں ہیں
