हुरमत वाला महीना हुरमत वाले महीने का बदला है और हुरमतों का भी क़िसास है, पस जिसने तुम पर ज़्यादती की तुम भी उस पर ज़्यादती करो जैसी उसने तुम पर ज़्यादती की है, और अल्लाह से डरो और जान लो कि अल्लाह परहेज़गारों के साथ है।
حرمت والامہینہ، حُرمت والے مہینے کابدلہ ہے اورتمام حُرمتوں کاقصاص ہے، چنانچہ جو تم پرزیادتی کرتاہے توتم بھی اس پرزیادتی کروجیسی کہ اُس نے تم پر زیادتی کی ہے،اﷲ تعالیٰ سے ڈرواورجان لوکہ یقینااﷲ تعالیٰ متقیوں کے ساتھ ہے۔
شہر حرام ، شہر حرام کا بدلہ ہے اور اسی طرح دوسری محترم چیزوں کا بھی قصاص ہے ، تو جو تم پر زیادتی کریں تم بھی ان کی زیادتی کے جواب میں اسی کے برابر ان کو جواب دو اور اللہ سے ڈرتے رہو اور یہ یقین رکھو کہ اللہ حدودِ الہٰی کا احترام کرنے والوں کے ساتھ ہے ۔
حرمت والے مہینہ کا بدلہ حرمت والا مہینہ ہے اور حرمتوں میں بھی قصاص ( ادلا بدلا ) ہے لہٰذا جو شخص تم پر زیادتی کرے تو تم بھی اس کے ساتھ اسی طرح زیادتی کرو جس طرح اس نے تم پر زیادتی کی ہے اور خدا ( کی نافرمانی ) سے ڈرو ۔ اور سمجھ لو کہ اللہ یقینا پرہیزگاروں کے ساتھ ہے ۔
ماہِ حرام کا بدلہ ماہِ حرام ہی ہے اور تمام حرمتوں کا لحاظ برابری کے ساتھ ہوگا ۔ 206 لہٰذا جو تم پر دست درازی کرے ، تم بھی اسی طرح اس پر دست درازی کرو ۔ البتہ اللہ سے ڈرتے رہو اور یہ جان رکھو کہ اللہ انھیں لوگوں کے ساتھ ہے ، جو اس کی حدود توڑنے سے پرہیز کرتے ہیں ۔
حرمت والے مہینے حرمت والے مہینوں کے مقابل ہیں اور ( مہینوں کی ) حرمتیں ( طرفین سے ) برابری والی چیزیں ہیں ، پس جو کوئی تم پر زیادتی کرے تو جتنی اس نے تمہارے ساتھ زیادتی کی ہے تم بھی اس کے ساتھ اتنی ہی زیادتی ( بدلے میں ) کرو اور اﷲ ( تعالیٰ ) سے ڈرتے رہو اور جان رکھو کہ اﷲ ( تعالیٰ ) تقویٰ اختیار کرنے والوں کے ساتھ ہیں ۔
حرمت والے مہینے کا بدلہ حرمت والا مہینہ ہے ، اور حرمتوں پر بھی بدلے کے احکام جاری ہوتے ہیں ( ١٢٤ ) چنانچہ اگر کوئی شخص تم پر کوئی زیادتی کرے تو تم بھی ویسی ہی زیادتی اس پر کرو جیسی زیادتی اس نے تم پر کی ہو ، اور اللہ سے ڈرتے رہو ، اور اچھی طرح سمجھ لو کہ اللہ انہی کا ساتھی ہے جو اس کا خوف دل میں رکھتے ہیں
ماہ حرام ( یعنی کہ ذوالقعدہ ، ذوالحجہ ، اور محرم کے مہینے ) میں جنگ کابدلہ ماہ حرام میں ہی ہو گا اور تمام حرمتوں میں بدلہ کی یہی صورت ہوگی لہٰذااگرکوئی تم پر زیادتی کرے توتم بھی اس پر اتنی ہی زیادتی کرسکتے ہوجتنی اس نے تم پر کی ہے ، اور اللہ سے ڈرتے رہو اور جان لو کہ اللہ پرہیزگاروں کے ساتھ ہے
ماہ حرام کے بدلے ماہ حرام اور ادب کے بدلے ادب ہے ( ف۳۵۹ ) جو تم پر زیادتی کرے اس پر زیادتی کرو اتنی ہی جتنی اس نے کی اور اللہ سے ڈرتے رہو اور جان رکھو کہ اللہ ڈر والوں کے ساتھ ہے ،
حرمت والے مہینے کے بدلے حرمت والا مہینہ ہے اور ( دیگر ) حرمت والی چیزیں ایک دوسرے کا بدل ہیں ، پس اگر تم پر کوئی زیادتی کرے تم بھی اس پر زیادتی کرو مگر اسی قدر جتنی اس نے تم پر کی ، اور اﷲ سے ڈرتے رہو اور جان لو کہ اﷲ ڈرنے والوں کے ساتھ ہے
