क्या तुम में से कोई यह पसंद करता है कि उसके पास खजूरों और अंगूरों का एक बाग़ हो, उसके नीचे से नहरें बह रही हों, उसमें उसके लिए हर क़िस्म के फल हों, और वह बूढ़ा हो जाए और उसके बच्चे अभी कमज़ोर हों, तब उस बाग़ पर एक बगूला आए जिसमें आग हो पस वह बाग़ जल जाए, इस तरह अल्लाह तुम्हारे लिए खोल कर निशानियाँ बयान करता है; ताकि तुम ग़ौर करो।
کیاتم میں سے کوئی یہ پسندکرتاہے کہ اس کے لیے کھجوروں اور انگوروں کا ایک باغ ہو جس کے نیچے سے نہریں بہتی ہوں اس کے لیے اس میں ہرقسم کے پھل ہوں اوراس تک بڑھاپا آپہنچے؟ اوراس کے کمزور بچے ہوں،پھراس کو ایسا بگولاآپہنچے جس میں آگ بھی ہوتووہ جل جائے،اسی طرح اﷲ تعالیٰ تمہارے لیے کھول کرآیات بیان کرتاہے تاکہ تم غور وفکر کرو۔
کیا تم میں سے کوئی بھی یہ پسند کرے گا کہ اس کے پاس کھجوروں اور انگوروں کا ایک باغ ہو ، نیچے اس کے نہریں بہہ رہی ہوں ، اس میں اس کے واسطے ہر قسم کے پھل ہوں ، وہ بوڑھا ہوجائے اور اس کے بچے ابھی ناتواں ہوں اور باغ پر سموم کا بگولا پھر جاے اور وہ جل کر خاک ہوجائے؟ اللہ اس طرح اپنی باتیں تمہارے لئے واضح کرتا ہے ، تاکہ تم غور کرو ۔
تم میں سے کوئی بھی یہ بات پسند کرے گا کہ اس کے پاس کھجوروں ، انگوروں کا ہرا بھرا گھنا باغ ہو جس کے نیچے نہریں جاری ہوں اور اس کے لئے اس میں ہر قسم کے پھل اور میوے موجود ہوں اور اسے بڑھاپا گھیر لے ۔ جبکہ اس کی ( چھوٹی چھوٹی ) کمزور و ناتواں اولاد ہو اور اچانک اس ( باغ ) کو ایک ایسا بگولہ اپنی لپیٹ میں لے لے جس میں آگ ہو جس سے وہ باغ جل کر رہ جائے ۔ اس طرح خدا تمہارے لئے اپنے احکام کھول کر بیان کرتا ہے تاکہ تم غور و فکر کرو ۔
کیا تم میں سے کوئی یہ پسند کرتا ہے کہ اس کے پاس ایک ہرا بھرا باغ ہو ، نہروں سے سیراب ، کھجوروں اور انگوروں اور ہر قسم کے پھلوں سے لدا ہوا ہو ، اور وہ عین اس وقت ایک تیز بھگولے کی زد میں آکر جھلس جائے ، جبکہ وہ خود بوڑھا ہو اور اس کے کمسن بچے ابھی کسی لائق نہ ہوں؟ 307 اس طرح اللہ اپنی باتیں تمہارے سامنے بیان کرتا ہے ، شاید کہ تم غور و فکر کرو ۔ ؏۳٦
کیا تم میں سے کوئی شحص یہ چاہتا ہے کہ اس کے لیے کھجوروں اور انگوروں کا ایک باغ ہو جس کے نیچے سے نہریں جاری ہوں ، اسے اس سے ہر قسم کے پھل حاصل ہوتے ہوں اور ( پھر ) اس کا بڑھاپا اس حال میں آئے کہ اس کی کمزور ( ناتواں ) اولاد ہو پس اس باغ کو ایک بگولا جس میں آگ ہو پہنچ جائے پس اسے جلا ڈالے ، اسی طرح اﷲ ( تعالیٰ ) تمہارے لیے نشانیاں کھول کھول کر بیان فرماتے ہیں تاکہ تم غوروفکر کرو
کیا تم میں سے کوئی یہ پسند کرے گا کہ اس کا کھجوروں اور انگوروں کا ایک باغ ہو جس کے نیچے نہریں بہتی ہوں ( اور ) اس کو اس باغ میں اور بھی ہر طرح کے پھل حاصل ہوں ، اور بڑھاپے نے اسے آپکڑا ہو ، اور اس کے بچے ابھی کمزور ہوں ، اتنے میں ایک آگ سے بھرا بگوالا آکر اس کو اپنی زد میں لے لے اور پورا باغ جل کر رہ جائے ؟ ( ١٨١ ) اسی طرح اللہ تمہارے لیے اپنی آیتیں کھول کھول کر بیان کرتا ہے تاکہ تم غور کرو ۔
کیا تم میں سے کوئی یہ پسندکرتا ہے اس کا کھجوراورانگورکاایک باغ ہوجسکے نیچے نہریں بہتی ہوں جس میں ہر طرف میوے پیدا ہوتے ہوں اور اسے بڑھاپاآلے اور اس کی اولادچھوٹی چھوٹی ہو ( ان حالات میں ) اس کے باغ کو ایک بگولاآلے جس میں آگ ہو اور وہ باغ کو جلا ڈالے؟اللہ تعالیٰ اِسی انداز میں اپنی آیات کو کھول کربیان کرتا ہے تاکہ تم ( ان میں ) غور وفکر کرو
کیا تم میں کوئی اسے پسند رکھے گا ( ف۵۵۹ ) کہ اس کے پاس ایک باغ ہو کھجوروں اور انگوروں کا ( ف۵٦۰ ) جس کے نیچے ندیاں بہتیں اس کے لئے اس میں ہر قسم کے پھلوں سے ہے ( ف۵٦۱ ) اور اسے بڑھاپا آیا ( ف۵٦۲ ) اور اس کے ناتواں بچے ہیں ( ف۵٦۳ ) تو آیا اس پر ایک بگولا جس میں آگ تھی تو جل گیا ( ف۵٦٤ ) ایسا ہی بیان کرتا ہے اللہ تم سے اپنی آیتیں کہ کہیں تم دھیان لگاؤ ( ف۵٦۵ )
کیا تم میں سے کوئی شخص یہ پسند کرے گا کہ اس کے پاس کھجوروں اور انگوروں کا ایک باغ ہو جس کے نیچے نہریں بہتی ہوں اس کے لئے اس میں ( کھجوروں اور انگوروں کے علاوہ بھی ) ہر قسم کے پھل ہوں اور ( ایسے وقت میں ) اسے بڑھاپا آپہنچے اور ( ابھی ) اس کی اولاد بھی ناتواں ہو اور ( ایسے وقت میں ) اس باغ پر ایک بگولا آجائے جس میں ( نِری ) آگ ہو اور وہ باغ جل جائے ( تو اس کی محرومی اور پریشانی کا عالم کیا ہو گا ) ، اسی طرح اﷲ تمہارے لئے نشانیاں واضح طور پر بیان فرماتا ہے تاکہ تم غور کرو ( سو کیا تم چاہتے ہو کہ آخرت میں تمہارے اعمال کا باغ بھی ریاکاری کی آگ میں جل کر بھسم ہو جائے اور تمہیں سنبھالا دینے والا بھی کوئی نہ ہو )
