जिन्नों में से एक बलिष्ठ निर्भीक ने कहा, "मैं उसे आपके पास ले आऊँगा। इससे पहले कि आप अपने स्थान से उठे। मुझे इस की शक्ति प्राप्त है और मैं अमानतदार भी हूँ।"
جنوں میں سے ایک دیونے کہا: ’’میں اُسے اس سے بھی پہلے لے کر آتاہوں کہ آپ اپنی جگہ سے اُٹھیں اوریقینامیں اس پرقوت رکھنے والا،امانت دار ہوں
جنوں میں سے ایک سرہنگ نے کہا: میں اس کو آپ کے پاس آپ کے اس مجلس سے اٹھنے سے پہلے پہلے حاضر کردوں گا اور میں اس کام پر قدرت رکھنے والا اور ایک امانتدار ہوں ۔
جنات میں سے ایک شریر و چالاک جن نے کہا کہ میں اسے آپ کے پاس لے آؤں گا اس سے پہلے کہ آپ اپنی جگہ سے اٹھیں ۔ بےشک میں اس کی طاقت رکھتا ہوں ( اور میں ) امانت دار بھی ہوں ۔
جنوں میں سے ایک قوی ہیکل نے عرض کیا میں اسے حاضر کر دوں گا قبل اس کے کہ آپ اپنی جگہ سے اٹھیں ۔ 45 میں اس کی طاقت رکھتا ہوں اور امانتدار ہوں ۔ ” 46
ایک نہایت مضبوط اور قوی جن نے کہا میں اسے آپ کے پاس لے آؤں گا اس سے پہلے کہ آپ اپنی جگہ سے اُٹھ جائیں ، اور بے شک میں اس ( کام ) پر طاقت رکھنے والا ( اور ) امانت دار ( بھی ) ہوں ۔
ایک قوی ہیکل جن نے کہا : آپ اپنی جگہ سے اٹھے بھی نہ ہوں گے کہ میں اس سے پہلے ہی اسے آپ کے پاس لے آؤں گا ، اور یقین رکھیے کہ میں اس کام کی پوری طاقت رکھتا ہوں ( اور ) امانت دار بھی ہوں ۔ ( ١٣ )
ایک دیوہیکل جن نے کہا’’آپ کے دربارکوبرخاست کرنے سے پہلے میں اس کی قوت رکھتاہوں اور امین بھی ہوں
ایک بڑا خبیث جن بولا کہ میں وہ تخت حضور میں حاضر کردوں گا قبل اس کے کہ حضور اجلاس برخاست کریں ( ف٦۰ ) اور میں بیشک اس پر قوت والا امانتدار ہوں ( ف٦۱ )
ایک قوی ہیکل جِن نے عرض کیا: میں اسے آپ کے پاس لاسکتا ہوں قبل اس کے کہ آپ اپنے مقام سے اٹھیں اور بیشک میں اس ( کے لانے ) پر طاقتور ( اور ) امانت دار ہوں
