निस्संदेह फ़िरऔन ने धरती में सरकशी की और उस के निवासियों को विभिन्न गिरोहों में विभक्त कर दिया। उन में से एक गिरोह को कमज़ोर कर रखा था। वह उन के बेटों की हत्या करता और उन की स्त्रियों को जीवित रहने देता। निश्चय ही वह बिगाड़ पैदा करने वालों में से था
یقیناً فرعون نے زمین میں سرکشی کی۔اوراُس نے وہاں کے رہنے والوں کوکئی گروہ بنا دیا، اُن میں سے ایک گروہ کو نہایت کمزور کر رکھاتھا،وہ اُن کے بیٹوں کوبری طرح ذبح کرتا تھا اوراُن کی عورتوں کوزندہ رہنے دیتا تھایقیناوہ فسادکرنے والوں میں سے تھا۔
بیشک فرعون سرزمین ( مصر ) میں بہت سرکش ہوگیا تھا اور اس نے اس کے باشندوں کو مختلف طبقوں میں تقسیم کر رکھا تھا ۔ ان میں سے ایک گروہ کو اس نے دبا رکھا تھا ۔ ان کے بیٹوں کو ذبح کر چھوڑتا اور ان کی عورتوں کو زندہ رکھتا ۔ بیشک وہ زمین میں فساد برپا کرنے والوں میں سے تھا ۔
بےشک فرعون زمین ( مصر ) میں سرکش ہوگیا تھا اور اس کے باشندوں کو مختلف گروہوں میں تقسیم کر دیا تھا اور اس نے ان میں سے ایک گروہ کو کمزور بنا رکھا تھا ( چنانچہ ) ان کے بیٹوں کو ذبح کر دیتا تھا اور ان کی عورتوں ( لڑکیوں ) کو زندہ چھوڑ دیتا تھا ۔ بےشک وہ ( زمین میں ) فساد برپا کرنے والوں میں سے تھا ۔
واقعہ یہ کہ فرعون نے زمین میں سرکشی کی 3 اور اس کے باشندوں کو گروہوں میں تقسیم کر دیا ۔ 4 ان میں سے ایک گروہ کو وہ ذلیل کرتا تھا ، اس کے لڑکوں کو قتل کرتا اور اس کی لڑکیوں کو جیتا رہنے دیتا تھا ۔ 5 فی الواقع وہ مفسد لوگوں میں سے تھا ۔
بے شک فرعون نے ملک ( مصر ) میں سر اُٹھا رکھا تھا اور وہاں کے رہنے والوں کو فرقہ فرقہ ( میں تقسیم ) کر رکھا تھا وہ ان میں سے ایک گروہ کو کمزور کرنا چاہتا تھا ( کہ ) وہ ان کے بیٹوں کو ذبح کر ڈالتا اور ان کی عورتوں ( بچیوں ) کو زندہ رہنے دیتا تھا ، بلاشبہ وہ فساد کرنے والوں میں سے تھا ۔
واقعہ یہ ہے کہ فرعون نے زمین میں سرکشی اختیار کر رکھی تھی ، اور اس نے وہاں کے باشندوں کو الگ الگ گروہوں میں تقسیم کردیا تھا جن میں سے ایک گروہ کو اس نے اتنا دبا کر رکھا ہوا تھا کہ ان کے بیٹوں کو ذبح کردیتا ۔ ( ١ ) اور ان کی عورتوں کو زندہ چھوڑ دیتا تھا ۔ حقیقت یہ ہے کہ وہ ان لوگوں میں سے تھا جو فساد پھیلایا کرتے ہیں ۔
بلاشبہ فرعون نے ملک ( مصر ) میں سرکشی اختیارکررکھی تھی اور وہاں کے رہنے والوں کو اس نے مختلف گروہوں میں بانٹ دیاتھاان میں سے ایک گروہ ( بنی اسرائیل ) کوبہت کمزوربنارکھاتھا ، وہ اس کے لڑکوں کو توقتل کردیتامگرلڑکیوں کو زندہ رہنے دیتا ، بلاشبہ وہ ( معاشرہ میں ) فسادپیداکرنے والوں سے تھا
بیشک فرعون نے زمین میں غلبہ پایا تھا ( ف۳ ) اور اس کے لوگوں کو اپنا تابع بنایا ان میں ایک گروہ کو ( ف٤ ) کمزور دیکھتا ان کے بیٹوں کو ذبح کرتا اور ان کی عورتوں کو زندہ رکھتا ( ف۵ ) بیشک وہ فسادی تھا ،
بیشک فرعون زمین میں سرکش و متکبّر ( یعنی آمرِ مطلق ) ہوگیا تھا اور اس نے اپنے ( ملک کے ) باشندوں کو ( مختلف ) فرقوں ( اور گروہوں ) میں بانٹ دیا تھا اس نے ان میں سے ایک گروہ ( یعنی بنی اسرائیل کے عوام ) کو کمزور کردیا تھا کہ ان کے لڑکوں کو ( ان کے مستقبل کی طاقت کچلنے کے لئے ) ذبح کر ڈالتا اور ان کی عورتوں کو زندہ چھوڑ دیتا ( تاکہ مَردوں کے بغیر ان کی تعداد بڑھے اور ان میں اخلاقی بے راہ روی کا اضافہ ہو ) ، بیشک وہ فساد انگیز لوگوں میں سے تھا
