और जब अल्लाह ने अहले-किताब से अहद लिया कि तुम अल्लाह की किताब को पूरी तरह लोगों के लिए ज़ाहिर करोगे और उसको नहीं छुपाओगे, मगर उन्होंने उसको पीठ पीछे डाल दिया और उसको थोड़ी क़ीमत पर बेच डाला, कैसी बुरी है वह चीज़ जिसको वे ख़रीद रहे हैं।
اورجب اﷲ تعالیٰ نے ان لوگوں سے پختہ عہدلیاجنہیں کتاب دی گئی کہ تم اس کتاب کو لوگوں کے سامنے ضروربیان کرتے رہوگے اورتم اس کو نہیں چھپاؤ گے توانہوں نے اس عہد کواپنی پشتوں کے پیچھے ڈال دیااوراس کے بدلے انہوں نے بہت تھوڑی قیمت لے لی، سو کتنابُراہے جس کووہ خرید رہے ہیں!
اور ( یاد کرو ) جبکہ اللہ نے ان لوگوں سے عہد لیا ، جن کو کتاب دی گئی کہ تم لوگوں کے سامنے اس کتاب کو اچھی طرح ظاہر کرنا ، اسے چھپانا مت ۔ تو انہوں نے اس کو پس پشت ڈال دیا اور اس کے بدلے میں ایک حقیر قیمت لے لی ۔ کیا ہی بُری ہے وہ چیز ، جسے وہ لے رہے ہیں ۔
۔ ( اے رسول ( ص ) ) وہ وقت یاد کرو ۔ جب خدا نے اہل کتاب سے عہد و پیمان لیا تھا کہ تم اسے ضرور لوگوں کے سامنے کھول کر بیان کروگے ۔ اور اسے ہرگز نہیں چھپاؤگے مگر انہوں نے اسے اپنے پس پشت ڈال دیا ۔ اور اس کے عوض تھوڑی سی قیمت وصول کرلی ۔ کتنا برا کاروبار ہے جو یہ کر رہے ہیں ۔
ان اہل کتاب کو وہ عہد بھی یاد دلاؤ جو اللہ نے ان سے لیا تھا کہ تمہیں کتاب کی تعلیمات کو لوگوں میں پھیلانا ہوگا ، انھیں پوشیدہ رکھنا نہیں 132 ہوگا ۔ مگر انہوں نے کتاب کو پسِ پشت ڈال دیا اور تھوڑی قیمت پر اسے بیچ ڈالا ۔ کتنا برا کاروبار ہے جو یہ کر رہے ہیں ۔
اور جب اللہ ( تعالیٰ ) نے اہل کتاب سے عہد لیا تھا کہ وہ اس کو لوگوں کے سامنے صاف صاف بیان کر یں گے اور اسے چھپائیں گے نہیں پھر انہوں نے اس عہد کو پسِ پشت ڈال دیا اور اس کے بدلے بہت تھوڑی سی قیمت خریدلی سو کیاہی بری چیز خرید رہے ہیں ۔
اور ( ان لوگوں کو وہ وقت نہ بھولنا چاہئے ) جب اللہ نے اہل کتاب سے یہ عہد لیا تھا کہ : تم اس کتاب کو لوگوں کو سامنے ضرور کھول کھول کر بیان کرو گے ، اور اس کو چھپاؤ گے نہیں ۔ پھر انہوں نے اس عہد کو پس پشت ڈال دیا اور اس کے بدلے تھوڑی سے قیمت حاصل کرلی ، اس طرح کتنی بری ہے وہ چیز جو یہ مول لے رہے ہیں ۔
اور جب اللہ تعالیٰ نے اہل کتاب سے پختہ عہدلیاتھا ، کہ تم اس کتاب کو لوگوں کے سامنے وضاحت سے بیان کروگے اور اسے چھپائوگے نہیں ، پھرانہوں نے کتاب کو پسِ پشت ڈال دیا ، اور اسے تھوڑی سی قیمت کے عوض بیچ ڈالاکتنی بری ہے وہ قیمت جو وہ وصول کررہے ہیں
اور یاد کرو جب اللہ نے عہد لیا ان سے جنہیں کتاب عطا فرمائی کہ تم ضرور اسے لوگوں سے بیان کر دینا اور نہ چھپانا ( ف۳۷۰ ) تو انہوں نے اسے اپنی پیٹھ کے پیچھے پھینک دیا اور اس کے بدلے ذلیل دام حاصل کیے ( ف۳۷۱ ) تو کتنی بری خریداری ہے ( ف۳۷۲ )
اور جب اللہ نے ان لوگوں سے پختہ وعدہ لیا جنہیں کتاب عطا کی گئی تھی کہ تم ضرور اسے لوگوں سے صاف صاف بیان کرو گے اور ( جو کچھ اس میں بیان ہوا ہے ) اسے نہیں چھپاؤ گے تو انہوں نے اس عہد کو پسِ پشت ڈال دیا اور اس کے بدلے تھوڑی سی قیمت وصول کر لی ، سو یہ ان کی بہت ہی بُری خریداری ہے
