जिन्होंने शिर्क किया वे कहेंगे कि अगर अल्लाह चाहता तो न हम शिर्क करते और न हमारे बाप-दादा करते और न हम किसी चीज़ को हराम कर लेते, इसी तरह झुठलाया उन लोगें ने भी जो इससे पहले हुए थे यहाँ तक कि उन्होंने हमारा अज़ाब चखा, आप पूछिए कि क्या तुम्हारे पास कोई इल्म है जिसको तुम हमारे सामने पेश करो, तुम तो सिर्फ़ गुमान के पीछे चल रहे हो और महज़ अंदाज़ों से काम ले रहे हो।
جن لوگوں نے شرک کیاوہ بہت جلد کہیں گے کہ اگراﷲ تعالیٰ چاہتا،نہ توہم شرک کرتے اورنہ ہی ہمارے باپ دادااورنہ ہم کسی چیزکوحرام کرتے،اسی طرح اُن لوگوں نے بھی جھٹلایاتھاجوان سے پہلے تھے،یہاں تک کہ انہوں نے ہمارا عذاب چکھ لیا۔آپ پوچھیں کیاتمہارے پاس کوئی علم ہے؟توتم اُسے ہمارے لیے نکال لاؤتم گمان کے سواکسی چیزکی پیروی نہیں کرتے اورتم محض قیاس آرائیاں ہی کرتے ہو۔
جنہوں نے شرک کیا ، وہ کہیں گے: اگر اللہ چاہتا تو نہ ہم شرک کرتے ، نہ ہمارے باپ دادا اور نہ ہم کسی چیز کو حرام کرتے ۔ اسی طرح جھٹلایا ان لوگوں نے بھی جو ان سے پہلے گذرے ، یہاں تک کہ انہوں نے ہمارا عذاب چکھا ۔ پوچھو: تمہارے پاس ہے اس کی کوئی سند کہ تم اس کو ہمارے لئے ظاہر کرسکو؟ تم محض گمان کی پیروی کر رہے ہو اور محض اٹکل کے تیر تکے چلا رہے ہو ۔
عنقریب مشرک لوگ کہیں گے کہ اگر اللہ نہ چاہتا تو ہم شرک نہ کرتے اور نہ ہمارے باپ دادا اور نہ ہی ہم کسی چیز کو حرام قرار دیتے اسی طرح ان لوگوں نے بھی جھٹلایا تھا جو ان سے پہلے تھے یہاں تک کہ انہوں نے ہمارے عذاب کا مزہ چکھا ۔ آپ کہہ دیجئے کہ اگر تمہارے پاس کوئی علمی دلیل ہے تو اسے ہمارے سامنے ظاہر کرو ۔ تم تو محض گمان کی پیروی کر رہے ہو اور صرف اٹکل پچو باتیں کرتے ہو ۔
یہ مشرک لوگ ﴿تمہاری ان باتوں کے جواب میں﴾ ضرور کہیں گے کہ اگر اللہ چاہتا تو نہ ہم شرک کرتے اور نہ ہمارے باپ دادا ، اور نہ ہم کسی چیز کو حرام ٹھیراتے ۔ 124 ایسی ہی باتیں بنا بنا کر ان سے پہلے کے لوگوں نے بھی حق کو جھٹلایا تھا یہاں تک کہ آخر کار ہمارے عذاب کا مزا انہوں نے چکھ لیا ۔ ان سے کہو کیا تمہارے پاس کوئی علم ہے جسے ہمارے سامنے پیش کر سکو؟ تم تو محض گمان پر چل رہے ہو اور نری قیاس آرائیاں کرتے ہو ۔
مشرکین اب یہ کہیں گے کہ اگر اﷲ ( تعالیٰ ) چاہتے تو نہ ہم شرک کرتے نہ ہمارے باپ دادا اور ہم کسی چیز کو حرام نہ کرتے اسی طرح ان سے پہلے لوگوں نے ( بھی ) جھٹلایا تھا یہاں تک کہ انہوں نے ہمارا عذاب چکھا آپ ( ﷺ ) فرما دیجئے کیا تمہارے پاس کوئی علم ہے تواسے ہمارے سامنے ظاہر کرو ۔ تم لوگ تو خیالی باتوں ( ہی ) کی پیروی کرتے ہو اور تم لوگ تو صرف خیالات کے ذریعے باتیں گھڑتے ہو ۔
جن لوگوں نے شرک اپنایا ہوا ہے وہ یہ کہیں گے کہ : اگر اللہ چاہتا تو نہ ہم شرک کرتے ، نہ ہمارے باپ دادا ، اور نہ ہم کسی بھی چیز کو حرام قرار دیتے ، ( ٧٩ ) ان سے پہلے کے لوگوں نے بھی اسی طرح ( رسولوں کو ) جھٹلایا تھا ، یہاں تک کہ انہوں نے ہمارے عذاب کا مزہ چکھ لیا ۔ تم ان سے کہو کہ : کیا تمہارے پاس کوئی علم ہے جو ہمارے سامنے نکال کر پیش کرسکو؟ تم تو جس چیز کے پیچھے چل رہے ہو وہ گمان کے سوا کچھ نہیں ، اور تمہارا کام اس کے سوا کچھ نہیں کہ وہمی اندازے لگاتے رہو ۔
یہ مشرک ( جواباً ) یہ کہہ دینگے کہ:’’اگراللہ چاہتاتونہ ہم شرک کرتے اور نہ ہمارے باپ دادا ، نہ ہی ہم کسی چیز کو حرام ٹھہراتے‘‘ ، اسی طرح ان لوگوں نے بھی جھٹلایا تھاجوان سے پہلے تھے حتیٰ کہ انہوں نے ہمارے عذاب کاذائقہ چکھ لیاآپ ان سے کہہ دیجئے کہ: اگر تمہارے پاس کوئی علم کی بات ہے تولائو ہمیں د کھا ئو ‘‘ تم محض وہم وگمان کے پیچھے لگے ہو اور محض بے دلیل باتیں کرتے ہو
اب کہیں گے مشرک کہ ( ف۳۰۵ ) اللہ چاہتا تو نہ ہم شرک کرتے نہ ہمارے باپ دادا نہ ہم کچھ حرام ٹھہراتے ( ف۳۰٦ ) ایسا ہی ان کے اگلوں نے جھٹلایا تھا یہاں تک کہ ہمارا عذاب چکھا ( ف۳۰۷ ) تم فرماؤ کیا تمہارے پاس کوئی علم ہے کہ اسے ہمارے لیے نکالو ، تم تو نرے گمان ( خام خیال ) کے پیچھے ہو اور تم یونہی تخمینے کرتے ہو ( ف۳۰۸ )
جلد ہی مشرک لوگ کہیں گے کہ اگر اﷲ چاہتا تو نہ ( ہی ) ہم شرک کرتے اور نہ ہمارے آباء و اجداد اور نہ کسی چیز کو ( بلا سند ) حرام قرار دیتے ۔ اسی طرح ان لوگوں نے بھی جھٹلایا تھا جو ان سے پہلے تھے حتٰی کہ انہوں نے ہمارا عذاب چکھ لیا ۔ فرما دیجئے: کیا تمہارے پاس کوئی ( قابلِ حجت ) علم ہے کہ تم اسے ہمارے لئے نکال لاؤ ( تو اسے پیش کرو ) ، تم ( علمِ یقینی کو چھوڑ کر ) صرف گمان ہی کی پیروی کرتے ہو اور تم محض ( تخمینہ کی بنیاد پر ) دروغ گوئی کرتے ہو
