और जो लोग कमज़ोर समझे जाते थे उनको हमने ज़मीन के मशरिक़ और मग़रिब का वारिस बना दिया जिसमें हमने बरकत रखी थी, और बनी-इस्राईल पर आपके रब का नेक वादा पूरा हो गया इस वजह से कि उन्होंने सब्र किया, और हमने फ़िरऔन और उसकी क़ौम का वह सब कुछ बरबाद कर दिया जो वे बनाते थे और जो वे चढ़ाते थे।
اورجولوگ کمزور سمجھے جاتے تھے اُنہیں ہم نے اُس زمین کے مشرقوں اوراس کے مغربوں کا وارث بنادیا ،جس میں ہم نے برکت رکھی ہے اورآپ کے رب کی بہترین بات بنی اسرائیل پر پوری ہوگئی کیونکہ انہوں نے صبرکیا اورہم نے فرعون اوراس کی قوم کاوہ سب کچھ تباہ کردیاجو(محلّات)وہ بناتے تھے اور جوعمارتیں وہ بلندکرتے تھے۔
اور جو لوگ دبا کے رکھے گئے تھے ، ہم نے ان کو اس سرزمین کے مشرق ومغرب کا وارث ٹھہرایا ، جس میں ہم نے برکتیں رکھی تھیں اور تیرے رب کا اچھا وعدہ بنی اسرائیل پر پورا ہوا بوجہ اس کے کہ وہ ثابت قدم رہے اور ہم نے فرعون اور اس کی قوم کی ساری تعمیرات اور ان کے سارے باغ وچمن ملیا میٹ کردیے ۔
اور ان کی جگہ ہم نے ان لوگوں کو وارث ( اور مالک ) بنایا جن کو کمزور سمجھا جاتا تھا ۔ اور وارث بھی اس مشرق و مغرب کا بنایا جس میں ہم نے برکت دی ہے اور اسی طرح آپ کے پروردگار کا وہ اچھا وعدہ پورا ہوگیا جو اس نے بنی اسرائیل سے کیا تھا کیونکہ انہوں نے صبر و ضبط سے کام لیا تھا اور ہم نے اسے مٹا دیا جو کچھ فرعون اور اس کی قوم والے کرتے تھے اور برباد کر دیئے وہ اونچے مکان جو وہ تعمیر کرتے تھے ۔
اور ان کی جگہ ہم نے ان لوگوں کو جو کمزور بنا کر رکھے گئے تھے ، اس سرزمین کے مشرق و مغرب کا وارث بنا دیا جسے ہم نے برکتوں سے مالامال کیا تھا ۔ 97 اس طرح بنی اسرائیل کے حق میں تیرے رب کا وعدہ خیر پورا ہوا کیونکہ انہوں نے صبر سے کام لیا تھا اور فرعون اور اس کی قوم کا وہ سب کچھ برباد کر دیا گیا جو وہ بناتے اور چڑھاتے تھے ۔
اور ہم نے زمین کے مشارق ومغارب کا جس میں ہم نے برکت رکھی تھی وارث ان لوگوں کو بنا دیا جو ذلیل وحقیر سمجھے جاتے تھے ۔ اور آپ کے رب کا اچھا وعدہ بنی اسرائیل کے بارے میں ان کے صبر کی وجہ سے پورا ہوا ۔ اور ہم نے فرعون اور اس کی قوم کی ان کاروائیوں کو جو وہ کیا کرتے تھے اور جو اونچی عمارتیں وہ بنایا کرتے تھے ( سب کو ) تباہ کردیا
اور جن لوگوں کو کمزور سمجھا جاتا تھا ، ہم نے انہیں اس سرزمین کے مشرق و مغرب کا وارث بنا دیا جس پر ہم نے برکتیں نازل کی تھیں ۔ ( ٦١ ) اور بنی اسرائیل کے حق میں تمہارے رب کا کلمہ خیر پورا ہوا ، کیونکہ انہوں نے صبر سے کام لیا تھا ۔ اور فرعون اور اس کی قوم جو کچھ بناتی چڑھاتی رہی تھی ، ( ٦٢ ) اس سب کو ہم نے ملیا میٹ کردیا ۔
پھرہم نے ان کاوارث ان لوگوں کو بنایا جو کمزور سمجھے جاتے تھے اور اس سرزمین کا ( بھی ) وارث بنایاجسکے مشرق ومغرب میں ہم نے برکت رکھی ہوئی ہے اور بنی اسرائیل کے حق میں آپ کے رب کا اچھا وعدہ پوراہوگیاکیونکہ انہوں نے صبر کیا تھا اور فرعون اور اس کی قوم جو کچھ عمارتیں بناتے اور ( انگوروں کے باغ ) چھتریوں پر چڑھاتے تھے ، سب کو ہم نے تباہ کردیا
اور ہم نے اس قوم کو ( ف۲٤۹ ) جو دبا لی گئی تھی اس زمین ( ف۲۵۰ ) کے پورب پچھم کا وارث کیا جس میں ہم نے برکت رکھی ( ف۲۵۱ ) اور تیرے رب کا اچھا وعدہ بنی اسرائیل پر پورا ہوا ، بدلہ ان کے صبر کا ، اور ہم نے برباد کردیا ( ف۲۵۲ ) جو کچھ فرعون اور اس کی قوم بناتی اور جو چنائیاں اٹھاتے ( تعمیر کرتے ) تھے ،
اور ہم نے اس قوم ( بنی اسرائیل ) کو جو کمزور اور استحصال زدہ تھی اس سرزمین کے مشرق و مغرب ( مصر اور شام ) کا وارث بنا دیا جس میں ہم نے برکت رکھی تھی ، اور ( یوں ) بنی اسرائیل کے حق میں آپ کے رب کا نیک وعدہ پورا ہوگیا اس وجہ سے کہ انہوں نے ( فرعونی مظالم پر ) صبر کیا تھا ، اور ہم نے ان ( عالیشان محلات ) کو تباہ و برباد کردیا جو فرعون اور اس کی قوم نے بنا رکھے تھے اور ان چنائیوں ( اور باغات ) کو بھی جنہیں وہ بلندیوں پر چڑھاتے تھے
