Islamic Sayings

{وَمَا اَصَابَکُمْ مِنْ مُصِیْبَۃٍ فَبِمَا کَسَبَتْ اَیْدِیْکُمْ…} کی تفسیر

7 Hadiths Found

۔ (۸۷۴۵)۔ عَنْ أَ بِی سُخَیْلَۃَ قَالَ: قَالَ عَلِیٌّ ‌رضی ‌اللہ ‌عنہ ‌: أَ لَا أُخْبِرُکُمْ بِأَ فْضَلِ آیَۃٍ فِی کِتَابِ اللّٰہِ تَعَالٰی، حَدَّثَنَا بِہَا رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم (({مَا أَ صَابَکُمْ مِنْ مُصِیبَۃٍ فَبِمَا کَسَبَتْ أَ یْدِیکُمْ وَیَعْفُو عَنْ کَثِیرٍ} [الشوری: ۳۰] وَسَأُفَسِّرُہَا لَکَ یَا عَلِیُّ! {مَا أَ صَابَکُمْ} مِنْ مَرَضٍ أَ وْ عُقُوبَۃٍ أَ وْ بَلَائٍ فِی الدُّنْیَا، {فَبِمَا کَسَبَتْ أَ یْدِیکُمْ} وَاللّٰہُ تَعَالٰی أَ کْرَمُ مِنْ أَ نْ یُثَنِّیَ عَلَیْہِمْ الْعُقُوبَۃَ فِی الْآخِرَۃِ، وَمَا عَفَا اللّٰہُ تَعَالٰی عَنْہُ فِی الدُّنْیَا، فَاللّٰہُ تَعَالٰی أَ حْلَمُ مِنْ أَ نْ یَعُودَ بَعْدَ عَفْوِہِ۔)) (مسند احمد: ۶۴۹)

۔ سیدنا علی ‌رضی ‌اللہ ‌عنہ سے مروی ہے، انھوں نے کہا: کیا میں تمہیں قرآن مجید کی افضل آیت نہ بتائوں، جو نبی کریم ‌صلی ‌اللہ ‌علیہ ‌وآلہ ‌وسلم نے ہمیں بیان فرمائی تھی، وہ آیتیہ ہے: {مَا أَ صَابَکُمْ مِنْ مُصِیبَۃٍ فَبِمَا کَسَبَتْ أَ یْدِیکُمْ وَیَعْفُو عَنْ کَثِیرٍ} … تمہیں جو کچھ مصیبتیں پہنچتی ہیں وہ تمہارے اپنے ہاتھوں کے کرتوت کا بدلہ ہے، اور وہ تو بہت سی باتوں سے درگزر فرما دیتا ہے۔ آپ ‌صلی ‌اللہ ‌علیہ ‌وآلہ ‌وسلم نے فرمایا: اے علی! میں تمہارے لئے اس کی تفسیر بیان کرتاہوں : {مَا أَ صَابَکُمْ} جو کچھ تم کو پہنچتا ہے،یعنی بیمارییا سزا یا کوئی دنیوی آزمائش، {فَبِمَا کَسَبَتْ أَ یْدِیکُمْ} (تووہ تمہارے اپنے ہاتھوں کے کرتوت کا بدلہ ہے) اور اللہ تعالیٰ اس سے زیادہ کرم والا ہے کہ وہ آخرت میں تم کو دوبارہ عذاب دے، اور اللہ تعالیٰ دنیا میں جو کچھ معاف کردیتا ہے، تو وہ اس سے بہت زیادہ بردبار ہے کہ معاف کرنے کے بعد دوبارہ گرفت کرے۔

Haidth Number: 8745

Read Complete Hadith

۔ (۱۸/۱۱۳۲۲)۔ عَنْ أَنَسٍ قَال: کَانَ النَّبِیُّ صَلَّی اللّٰہُ عَلَیْہِ وَسَلَّمَ إِذَا صَلَّی الْغَدَاۃَ جَائَ خَدَمُ أَہْلِ الْمَدِینَۃِ بِآنِیَتِہِمْ فِیہَا الْمَائُ، فَمَا یُؤْتَی بِإِنَائٍ إِلَّا غَمَسَ یَدَہُ فِیہَا، فَرُبَّمَا جَائُوہُ فِی الْغَدَاۃِ الْبَارِدَۃِ فَغَمَسَ یَدَہُ فِیہَا۔ (مسند احمد: ۱۲۴۲۸)

سیدنا انس ‌رضی ‌اللہ ‌عنہ سے مروی ہے کہ جب نبی ٔ کریم ‌صلی ‌اللہ ‌علیہ ‌وآلہ ‌وسلم فجر کی نماز ادا کر لیتے تو اہل مدینہ کے نوکر چاکر برتن لے کر آ جاتے، ان میں پانی ہوتا تھا، پس آپ ‌صلی ‌اللہ ‌علیہ ‌وآلہ ‌وسلم کے پاس جو برتن بھی لایا جاتا، آپ ‌صلی ‌اللہ ‌علیہ ‌وآلہ ‌وسلم اس میں ہاتھ ڈبو دیتے تھے، بسا اوقات تو ایسے ہوتا کہ لوگ سردی والی صبح کو پانی لے آتے تھے، لیکن آپ ‌صلی ‌اللہ ‌علیہ ‌وآلہ ‌وسلم پھر بھی اپنا ہاتھ ڈبو دیتے تھے۔

Haidth Number: 11322

Read Complete Hadith

۔ (۱۹/۱۱۳۲۲)۔ عَنْ ثَابِتٍ اَنَّہٗقَالَلِأَنَسٍ: یَا أَنَسُ! مَسِسْتَ یَدَ رَسُولِ اللّٰہِ صَلَّی اللّٰہُ عَلَیْہِ وَسَلَّمَ بِیَدِکَ؟ قَال: نَعَمْ قَال: أَرِنِی أُقَبِّلُہَا۔ (مسند احمد: ۱۲۱۱۸)

جناب ثابت l سے مروی ہے، انھوں نے سیدنا انس ‌رضی ‌اللہ ‌عنہ سے کہا: اے انس! کیا تم نے اپنے ہاتھ سے رسول اللہ ‌صلی ‌اللہ ‌علیہ ‌وآلہ ‌وسلم کا ہاتھ مس کیا ہے؟ انھوں نے کہا: جی ہاں، تو انھوں نے کہا: لیجئے، مجھے وہ دکھاؤ، میں اس کا بوسہ لیتا ہوں۔

Haidth Number: 11322

Read Complete Hadith

۔ (۲۰/۱۱۳۲۲)۔ حَدَّثَنَا یُونُسُ، قَال: حَدَّثَنَا الْعَطَّافُ، قَال: حَدَّثَنِی عَبْدُ الرَّحْمَنِ وَقَالَ غَیْرُیُونُسَ ابْنُ رَزِینٍ أَنَّہُ نَزَلَ الرَّبَذَۃَ ہُوَ وَأَصْحَابٌ لَہُ یُرِیدُونَ الْحَجَّ، قِیلَ لَہُمْ: ہَاہُنَا سَلَمَۃُ بْنُ الْأَکْوَعِ صَاحِبُ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم ، فَأَتَیْنَاہُ فَسَلَّمْنَا عَلَیْہِ، ثُمَّ سَأَلْنَاہُِ فَقَال: بَایَعْتُ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم بِیَدِی ہَذِہِ ، وَأَخْرَجَ لَنَا کَفَّہُ کَفًّا ضَخْمَۃً، قَال: فَقُمْنَا إِلَیْہِ فَقَبَّلْنَا کَفَّیْہِ جَمِیعًا۔(مسند احمد: ۱۶۶۶۶)

جناب عطاف کہتے ہیں: عبد الرحمن بن رزین اپنے ساتھیوں سمیت ربذہ مقام پر اترے، وہ حج کرنے کے لیے جا رہے تھے، ان سے کسی نے کہا کہ اللہ کے رسول کے صحابی سیدنا سلمہ بن اکوع ‌رضی ‌اللہ ‌عنہ یہاں موجود ہیں، وہ کہتے ہیں: پس ہم ان کے پاس آئے، ان کو سلام کہا اور پھر ہم نے ان سے سوالات کیے، انھوں نے کہا: میں نے اس ہاتھ سے رسول اللہ ‌صلی ‌اللہ ‌علیہ ‌وآلہ ‌وسلم کی بیعت کی تھی، پھر انھوں نے اپنا ہاتھ نکالا، ان کی ہتھیلی بڑی تھی، پس ہم نے اٹھ کر ان کی طرف گئے اور ان کی دونوں ہتھیلیوں کا بوسہ لیا۔

Haidth Number: 11322

Read Complete Hadith

۔ (۲۱/۱۱۳۲۲)۔ عَنْ اَبِیْ عَبْدِ اللّٰہِ الْحَسَنِ بْنِ أَیُّوبَ الْحَضْرَمِیِّ، قَال: أَرَانِی عَبْدُ اللّٰہِ بْنُ بُسْرٍ شَامَۃً فِی قَرْنِہِ، فَوَضَعْتُ إِصْبُعِی عَلَیْہَا، فَقَال: وَضَعَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ إِصْبُعَہُ عَلَیْہَا، ثُمَّ قَال: ((لَتَبْلُغَنَّ قَرْنًا۔)) قَالَ أَبُو عَبْدِ اللَّہِ: وَکَانَ ذَا جُمَّۃٍ۔ (مسند احمد: ۱۷۸۴۱)

حسن بن ایوب حضرمی سے مروی ہے، وہ کہتے ہیں: سیدنا عبد اللہ بن بسر ‌رضی ‌اللہ ‌عنہ نے اپنے سر کے کنارے پر ایک تل دکھایا، میں نے اپنی انگلی اس پر رکھی، دراصل انھوں نے کہا تھا کہ رسول اللہ ‌صلی ‌اللہ ‌علیہ ‌وآلہ ‌وسلم نے اس تل پر اپنی انگشت ِ مبارک رکھی تھی اور فرمایا تھا کہ تو ضرور ضرور ایک صدی عمر پائے گا۔ سیدنا عبد اللہ ‌رضی ‌اللہ ‌عنہ لمبے لمبے بالوں والے تھے۔

Haidth Number: 11322

Read Complete Hadith

۔ (۲۲/۱۱۳۲۲)۔ عَنْ جَابِرِ بْنِ سَمُرَۃَ، أَنَّ رَسُولَ اللّٰہِ صَلَّی اللّٰہُ عَلَیْہِ وَسَلَّمَ کَانَ إِذَا أُتِیَ بِطَعَامٍ فَأَکَلَ مِنْہُ بَعَثَ بِفَضْلِہِ إِلَی أَبِی أَیُّوبَ، فَکَانَ أَبُو أَیُّوبَیَتَتَبَّعُ أَثَرَ أَصَابِعِ رَسُولِ اللّٰہِ صَلَّی اللّٰہُ عَلَیْہِ وَسَلَّمَ، فَیَضَعُ أَصَابِعَہُ حَیْثُیَرَی أَثَرَ أَصَابِعِہِ، فَأُتِیَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ ذَاتَ یَوْمٍ بِصَحْفَۃٍ، فَوَجَدَ مِنْہَا رِیحَ ثُومٍ فَلَمْ یَذُقْہَا، وَبَعَثَ بِہَا إِلَی أَبِی أَیُّوبَ فَلَمْ یَرَ أَثَرَ أَصَابِعِ النَّبِیِّ صَلَّی اللّٰہُ عَلَیْہِ وَسَلَّمَ، فَجَائَ، فَقَال: یَا رَسُولَ اللَّہِ، لَمْ أَرَ فِیہَا أَثَرَ أَصَابِعِکَ، قَال: فَقَالَ رَسُولُ اللّٰہِ صَلَّی اللّٰہُ عَلَیْہِ وَسَلَّم: ((إِنِّی وَجَدْتُ مِنْہَا رِیحَ ثُومٍ۔)) قَال: لِمَ تَبْعَثُ إِلَیَّ مَا لَا تَأْکُلُ؟ فَقَال: ((إِنَّہُ یَأْتِینِی الْمَلَکُ۔)) (مسند احمد: ۲۰۶۲۲)

سیدنا جابر بن سمرہ ‌رضی ‌اللہ ‌عنہ سے مروی ہے کہ جب رسول اللہ ‌صلی ‌اللہ ‌علیہ ‌وآلہ ‌وسلم کے پاس کھانالایا جاتے تو آپ ‌صلی ‌اللہ ‌علیہ ‌وآلہ ‌وسلم اس سے کھاتے اور بچ جانے والا کھانا سیدنا ابو ایوب ‌رضی ‌اللہ ‌عنہ کی طرف بھیج دیتے، وہ آپ ‌صلی ‌اللہ ‌علیہ ‌وآلہ ‌وسلم کی انگلیوں کے نشانات کو تلاش کرتے اور اپنی انگلیاں وہاں رکھتے، جہاں آپ ‌صلی ‌اللہ ‌علیہ ‌وآلہ ‌وسلم کی انگلیوں کا اثر نظر آتا تھا، ایک دن رسول اللہ ‌صلی ‌اللہ ‌علیہ ‌وآلہ ‌وسلم کے پاس ایک پلیٹ میں کھانا لایا گیا، لیکن جب آپ ‌صلی ‌اللہ ‌علیہ ‌وآلہ ‌وسلم نے اس سے لہسن کی بو محسوس کی تو آپ ‌صلی ‌اللہ ‌علیہ ‌وآلہ ‌وسلم وہ نہیں کھایا اور سارا سیدنا ابو ایوب ‌رضی ‌اللہ ‌عنہ کی طرف بھیج دیا، جب انھوں نے آپ ‌صلی ‌اللہ ‌علیہ ‌وآلہ ‌وسلم کی انگلیوں کے نشان نہیں دیکھے تو وہ آپ ‌صلی ‌اللہ ‌علیہ ‌وآلہ ‌وسلم کے پاس آ گئے اور کہا: اے اللہ کے رسول! اس کھانے میں آپ کی انگلیوں کے آثار نظر نہیں آ رہے، کیا وجہ ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: میں اس کھانے میں لہسن کی بو محسوس کی ہے ۔ انھوں نے کہا: تو پھر جو چیز آپ خود نہیں کھاتے، وہ میری طرف کیوں بھیجتے ہیں؟ آپ ‌صلی ‌اللہ ‌علیہ ‌وآلہ ‌وسلم نے فرمایا: بیشک شان یہ ہے کہ میرا پاس فرشتہ آتا ہے۔

Haidth Number: 11322

Read Complete Hadith

۔ (۲۳/۱۱۳۲۲)۔ عَنْ عَبْدِ اللَّہِ، مَوْلَی أَسْمَائَ، عَنْ أَسْمَائَ قَالَ أَخْرَجَتْ إِلَیَّ جُبَّۃً طَیَالِسَۃً عَلَیْہَا لَبِنَۃُ شَبْرٍ مِنْ دِیبَاجٍ کِسْرَوَانِیٍّ وَفَرْجَاہَا مَکْفُوفَانِ بِہِ، قَالَتْ: ہٰذِہِ جُبَّۃُ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم کَانَ یَلْبَسُہَا کَانَتْ عِنْدَ عَائِشَۃَ فَلَمَّا قُبِضَتْ عَائِشَۃُ قَبَضْتُہَا إِلَیَّ فَنَحْنُ نَغْسِلُہَا لِلْمَرِیضِ مِنَّا یَسْتَشْفِی بِہَا۔ (مسند احمد: ۲۷۴۸۱)

مولائے اسماء جناب عبداللہ بیان کرتے ہیں کہ سیدہ اسماء ‌رضی ‌اللہ ‌عنہا نے طیالسی جبہ نکالا، اس کے دامن میں فارسی ریشم کا ٹکڑا لگا ہوا تھا اور اس کے چاک بھی ریشم کے تھے۔ کہا یہ نبی ٔ کریم ‌صلی ‌اللہ ‌علیہ ‌وآلہ ‌وسلم کا جبہ تھا،جسے آپ ‌صلی ‌اللہ ‌علیہ ‌وآلہ ‌وسلم پہنا کرتے تھے، یہ سیدہ عائشہ ‌رضی ‌اللہ ‌عنہا کے پاس تھا، جب وہ فوت ہوئیں تو میں نے لے لیا تھا، ہم اسے مریض کے لئے پانی میں ڈال کر اس کی برکت سے شفاء طلب کرتے ہیں۔

Haidth Number: 11322

Read Complete Hadith