جابر بن عبداللہ رضی اللہ عنہ سے مروی ہے كہ نجد كی جانب اس نے رسول اللہ صلی اللہ علیہ وسلم كے ساتھ مل كر جہاد كیا، جب رسول اللہ صلی اللہ علیہ وسلم واپس لوٹے تو وہ بھی واپس لوٹ آئے۔ درختوں والی ایك وادی میں دوپہر ہو گئی، رسول اللہ صلی اللہ علیہ وسلم سواری سے نیچے اتر آئے، لوگ بھی درختوں کا سایہ حاصل كرنے كے لئے بكھر گئے۔ رسول اللہ صلی اللہ علیہ وسلم ایك كیكر كے درخت كے نیچے آئے، اس پر اپنی تلوار لٹكائی ،جابر كہتے ہیں: پھر ہم سوگئے۔ اچانك رسول اللہ صلی اللہ علیہ وسلم ہمیں پكارنے لگے۔ ہم آپ كے پاس آئے كیا دیكھتے ہیں ایك بدو آپ كے پاس بیٹھا ہوا ہے۔ رسول اللہ صلی اللہ علیہ وسلم نے فرمایا: اس نے میری تلوار سونت لی میں سویا ہوا تھا، میں جاگا تو تلوار اس كے ہاتھ میں تنی ہوئی تھی اس نے مجھ سے كہا: تمہیں مجھ سے كون بچائے گا؟ میں نے كہا: اللہ، اب یہ یہاں بیٹھا ہے ۔ پھر رسول اللہ صلی اللہ علیہ وسلم نے اسے سزا نہیں دی۔( )
ابو ہریرہ رضی اللہ عنہ سے مرفوعا مروی ہے كہ: یہ دین آسان ہے، جو شخص اس دین میں سختی كرے گا یہ دین اس پر غالب آجائے گا۔(معاملات کو) سیدھا رکھو قریب رہو خوشخبری دو اور صبح شام اور رات كی سیاہی (اندھیرے)میں مدد طلب كرتے رہو۔( )
) یزید بن عبداللہ بن خیر رحمۃ اللہ علیہ سے مروی ہے كہ ہم مربد (نامی مقام)میں بیٹھے ہوئے تھے، اچانك بكھرے بالوں والا ایك اعرابی ہمارے پاس آیا، اس كے پاس چمڑے كا ایك ٹكڑا تھا۔ ہم كہنے لگے: ایسا لگتا ہے كہ یہ بدو ہے۔ اس نے كہا: ہاں یہ خط ہے جو رسول اللہ صلی اللہ علیہ وسلم نے مجھے لكھ كر دیا ہے۔ لوگوں نے كہا: لاؤ، میں نے وہ خط لیا اور پڑھنا شروع كر دیا۔ اس میں لكھا تھا: ”بسم اللہ الرحمن الرحیم ،یہ خط محمد( صلی اللہ علیہ وسلم ) اللہ كے رسول كی طرف سے بنی زہیر بن اقیش(جوعکل نامی ایک قبیلہ تھا) كے لئے لكھا گیا ہے۔ اگر تم گواہی دو كہ اللہ كے علاوہ كوئی معبودِ برحق نہیں ، نماز قائم كرو، زكاۃ ادا كرو، مشركین كو چھوڑ دو، اور غنیمتوں میں سے خمس اور اللہ كے نبی صلی اللہ علیہ وسلم كا حصہ اور چنا ہوا مال(منتخب شدہ) دو تو تم اللہ اور اس كے رسول صلی اللہ علیہ وسلم كی امان میں ہو“۔( )
عبداللہ بن مسعود رضی اللہ عنہ سے مرفوعا مروی ہے كہ جو چیز تمہیں جنت كے قریب كر سكتی تھی میں نے تمہیں اس كا حكم دے دیا، اور جو چیزتمہیں آگ كے قریب كر سكتی تھی اس سے منع كر دیا۔ روح القدس (جبریل علیہ السلام) نے مجھے بتایا ہے كہ كوئی نفس اس وقت تك نہیں مرے گا جب تك اپنا رزق مكمل نہ كر لے ۔اس لئے اللہ سے ڈرو ، اور اچھے انداز سے طلب كرو، اور رزق میں تاخیر تمہیں اللہ تعالیٰ كی نا فرمانی پرنہ ابھارے۔ كیوں كہ اللہ تعالیٰ كے پاس جو كچھ ہے اس كی اطاعت كے ذریعے ہی حاصل كیا جا سكتا ہے۔( )
عبداللہ بن عباس رضی اللہ عنہما كہتے ہیں كہ مجھے ایك انصاری صحابی نے بتایا كہ ایك رات وہ رسول اللہ صلی اللہ علیہ وسلم كے ساتھ بیٹھے ہوئےتھے ۔ ایك ستارہ ٹوٹ كر گرا، رسول اللہ صلی اللہ علیہ وسلم نے ان سے كہا: تم زمانہ جاہلیت میں كیا كہا كرتے تھے جب اس طرح كوئی ستارہ ٹوٹتا؟كہنے لگے اللہ اور اس كا رسول بہتر جانتے ہیں ۔ ہم كہا كرتے تھے، آج كی رات كوئی عظیم آدمی پید اہوا ہے یا كوئی عظیم آدمی فوت ہوا ہے۔ رسول اللہ صلی اللہ علیہ وسلم نے فرمایا: یہ كسی كی موت یا زندگی كی وجہ سے نہیں ٹوٹتا ، معاملہ اس طرح ہے كہ جب ہمارا رب تبارك وتعالیٰ كسی معاملے كا فیصلہ كرتا ہے تو عرش اٹھانے والے فرشتے تسبیح بیان كرتے ہیں۔ پھر اس آسمان والے تسبیح بیان كرتے ہیں جو ان سے ملا ہوتا ہے حتی كہ وہ تسبیح اس دنیا كے آسمان والوں تك پہنچتی ہے۔ پھر عرش كے نیےں والے عرش اٹھانے والے فرشتوں سے كہتے ہیں تمہارے رب نے كیا كہا؟ وہ انہیں بتاتے ہیں جو اللہ تعالیٰ نے كہا ہوتا ہے۔ آسمان والے ایك دوسرے سے پوچھتے ہیں حتی كہ آسمانِ دنیا والوں تك یہ خبر پہنچتی ہے ۔یہ خبرجن سن لیتے ہیں اور دوستوں كو بتاتے ہیں۔ یہ ستارہ انہیں مارا جاتا ہے، جو خبر اصل صورت میں لاتے ہیں وہ صحیح ہوتی ہے ۔لیكن یہ اس میں اضافہ كر لیتے ہیں اور جھوٹ ملا لیتے ہیں۔( )
سلمہ بن نفیل سكونی سے مروی ہے كہتے ہیں كہ میں رسول اللہ صلی اللہ علیہ وسلم كے قریب ہوا اتنا كہ میرے گھٹنے آپ كی ران كو چھونے لگے۔میں نے كہا: اے اللہ كے رسول گھوڑے چھوڑ دیئے گئے، اسلحہ ركھ دیا گیا اور لوگوں نے سمجھ لیا كہ اب كوئی قتال نہیں۔ آپ صلی اللہ علیہ وسلم نے فرمایا : لوگ جھوٹ بولتے ہیں ، ابھی تو قتال آیاہے ۔ میری امت كا ایك گروہ ہمیشہ حق پر قائم رہے گا، لوگوں پر غالب ہوگا ، اللہ تعالیٰ ان لوگوں كے دلوں كو ٹیڑھا كر دےگا جو انہیں نقصان پہنچانے كی غرض سے ان سے لڑائی كریں گے۔ آپ صلی اللہ علیہ وسلم یمن كی طرف پیٹھ كئے ہوئے تھے فرمایا: میں یہاں سے محسوس كر رہا ہوں۔ یمن كی طرف اشارہ كیا میری طرف وحی كی گئی كہ میں محفوظ ہوں، اور ركا ہوا نہیں ہوں اور تم گروہ در گروہ میری پیروی كر رہے ہو اور گھوڑوں كی پیشانی میں قیامت تك خیر ركھ دی گئی ہےاورگھوڑوں والوں كی مدد كی گئی ہے۔( )
جابر بن عبداللہ رضی اللہ عنہ سے مروی ہے كہ ایك دن رسول اللہ صلی اللہ علیہ وسلم ہمارے پاس آئے اور فرمایا: میں نے نیند میں دیكھا كہ گویاجبریل میرے سرہانے كھڑے ہیں اور میكائیل میرے پیروں كے پاس كھڑے ہیں۔ ایك دوسرے سے كہہ رہا ہے: اس كے لئے كوئی مثال بیان كرو، دوسرے نے كہا: غور سے سنو، اور اچھی طرح سمجھو، آپ كی مثال اور آپ كی امت كی مثال اس بادشاہ كی طرح ہے جس نے گھر بنایا پھر اس میں ایك بڑا كمرہ بنایا، اس میں دستر خوان ركھا اور اپنا قاصد بھیجا جو لوگوں كو كھانے كی دعوت دے۔ ان میں سے كچھ نے قاصد كی دعوت قبول كی اور كچھ نے دعوت قبول نہ كی۔ اللہ تعالیٰ بادشاہ ہے، گھر اسلام ہے، بڑا كمراہ جنت ہے، اور آپ اے محمد قاصد ہیں۔ جس نے دعوت قبول كی وہ اسلام میں داخل ہو گیا اور جو اسلام میں داخل ہوا وہ جنت میں داخل ہوگیا اور جو جنت میں داخل ہوا اس نے اس میں موجود سب چیزیں كھالیں۔( )
ابو امامہ سے مروی ہے كہ ہم رسول اللہ صلی اللہ علیہ وسلم كے ساتھ ایك معركے كے لئے نكلے ایك آدمی ایك غار كے پاس سے گزرا جس میں كچھ پانی تھا۔ اس نے دل میں سوچا كہ وہ اس غار میں قیام كر لے، اس غار میں موجود پانی پیتا رہے اور اردگرد سبزیاں وغیرہ كھاکرگذارہ کرتا رہےگا، دنیا سےکنارہ کش ہو جائے، پھر كہنے لگا ، اگر میں نبی صلی اللہ علیہ وسلم كے پاس جا كر ان سے اس بات كا تذكرہ كروں تو بہتر رہے گا۔ اگر آپ مجھے اجازت دے دیں تو میں ایسا كر لوں گا اور اگر اجازت نہ دیں تو رك جاؤں گا۔ وہ نبی صلی اللہ علیہ وسلم كے پا س آیا اور كہنے لگا: اے اللہ كے نبی میں ایك غار كے پاس سے گزرا اس میں میری كفایت كے لئے پانی اور سبزی موجود ہے، میں نے دل میں سوچا كہ میں اس میں قیام كروں اور دنیا سے الگ ہو جاؤں۔ نبی صلی اللہ علیہ وسلم نے فرمایا: مجھے یہودیت و نصرانیت دے كر مبعوث نہیں كیا گیا۔ مجھے دینِ حنیف دے كر مبعوث كیا گیا ہے۔ اس ذات كی قسم جس كے ہاتھ میں میری جان ہے ایك اللہ کے راستے میں ایک صبح یا ایک شام نکلنا دنیا اور جو كچھ اس میں ہے سب سے بہتر ہے اور تم میں سے كوئی شخص جنگی صف میں كھڑا ہو تو یہ اس كے لئے ساٹھ سال كی نماز سے بہتر ہے۔( )
عبداللہ بن عباس رضی اللہ عنہما سے مروی ہے كہ رسول اللہ صلی اللہ علیہ وسلم نے مجھے عقبہ كی صبح كہا آپ اپنی سواری پر كھڑے تھے۔ آپ نےفرمایا: مجھے زمین سے كچھ اٹھا كر دو، میں نے چنے کے برابر كچھ كنكریاں اٹھا كر آپ صلی اللہ علیہ وسلم كو دیں۔ آپ نے دوبارفرمایا: ان جیسی(کے ساتھ جمرات کو نشانہ بناؤ)، پھرآپ نے اپنا ہاتھ اٹھایا اور فرمایا: دین میں غلو سے بچو، كیوں كہ تم سے پہلے لوگ بھی دین میں غلو كی وجہ سے ہلاك ہوئے۔( )
كرز بن علقمہ خزاعی سے مروی ہے كہ ایك آدمی نے كہا:اے اللہ كے رسول كیا اسلام كی بھی كوئی انتہا ہے؟ آپ صلی اللہ علیہ وسلم نے فرمایا: اہل عرب یا عجم كا جو بھی گھر ہے جن سے اللہ تعالیٰ نے بھلائی كا ارادہ فرمالیا ہے اللہ تعالیٰ ان گھروں میں اسلام داخل كر دے گا، پھر فتنوں كا ظہور ہوگا۔ جس طرح سائے ہوتے ہیں۔(اس آدمی نے )كہا:واللہ ہر گز نہیں اگراللہ نے چاہا۔آپ صلی اللہ علیہ وسلم نے فرمایا:كیوں نہیں اس ذات كی قسم جس كے ہاتھ میں میری جان ہے، پھر تم بڑی تعدادمیں واپس لوٹوگےاور ایك دوسرے كی گردن مارو گے۔( )
ابو عامر اشعری رضی اللہ عنہ كہتے ہیں كہ ان كا ایك آدمی (اوطاس) میں قتل كر دیا گیا۔ نبی صلی اللہ علیہ وسلم نے اس سے كہا: ابو عامر تمہیں غیرت نہیں آئی؟ ابو عامر نے یہ آیت پڑھی: (المائدة:۱۰۵).ترجمہ: ”اے ایمان والو!اپنی فکر کرو جب تم راہِ راست پر چل رہے ہو توجو شخص گمراہ رہے اس سے تمہارا کوئی نقصان نہیں“۔رسول اللہ صلی اللہ علیہ وسلم غصے ہو گئے اور فرمایا: تم كہاں چلے گئے؟اس آیت کا مفہوم یہ ہے: ”اے ایمان والو جب تمہیں ہدایت مل جائے تو جو لوگ (كافروں میں سے)گمراہ ہیں وہ تمہیں نقصان نہیں پہنچا سكیں گے“۔طبرانی نے روایت بیان كی اس كے الفاظ یہ ہیں كہ ابو عامر سے مروی ہے ان میں كوئی مسئلہ ہو گیا تووہ نبی صلی اللہ علیہ وسلم كے پاس آنے سے رك گیا۔ نبی صلی اللہ علیہ وسلم نے فرمایا:تمہیں كس چیز نے روكا؟ ابو عامر نے كہا: میں نے یہ آیت پڑھی تھی:(المائدة:۱۰۵)”اے ایمان والو اپنے آپ كا خیال ركھو ، جب تمہیں ہدایت مل جائے تو جو لوگ گمراہ ہوگئے ہیں وہ تمہیں نقصان نہیں پہنچا سكیں گے“۔نبی صلی اللہ علیہ وسلم نے ابو عامر سے كہا: جب تمہیں ہدایت مل جائے تو كفار میں سے جو لوگ گمراہ ہیں وہ تمہیں نقصان نہیں پہنچا سكیں گے۔( )
عبداللہ بن عمر رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: جس شخص نے اپنے بھائی سے كہا: اے كافر! اگر اسی طرح ہے تو یہ بات دونوں میں سے كسی ایك كی طرف واپس آئے گی وگرنہ اسی شخص پر لوٹ جائے گی۔( )
ابو ہریرہ رضی اللہ عنہ سے مرفوعا مروی ہے: ایمان كے ستر سے زیادہ درجے ہیں۔ كم ترین درجہ راستے سے تكلیف دہ چیز كو ہٹانا اور افضل ترین درجہ” لا الہ الا اللہ“ كہنا ہے۔( )
انس رضی اللہ عنہ كہتے ہیں كہ رسول اللہ صلی اللہ علیہ وسلم نے فرمایا:بہترین ایمان یمنیوں کا ہے ، اور ہاتھ کے اشارےسے قبیلۂ لخم اور جذام کی طرف اشارہ کیا۔ ( )
ابو ہریرہ رضی اللہ عنہ سے مروی ہے كہ نبی صلی اللہ علیہ وسلم نے فرمایا: بہترین ایمان یمنی ہے، اور كفر مشرق كی طرف سے،سكون بكریوں والوں میں ہے،ریا اور فخر اونٹ اور گھوڑے والوں میں ہے۔ مسیح(دجال) مشرق كی طرف سے آئے گا اور مدینے كا رخ كرے گا۔ احد كے پیچھے پہنچ جائے گا توفرشتے اس كے سامنے آجائیں گے اور اس كے چہرے كو شام كی طرف پھیر دیں گے۔ یہیں وہ ہلاك ہوگا۔ یہیں وہ ہلاك ہوگا۔( )
) عبداللہ بن مسعود رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: ایك رات میں نے مقامِ حجون میں جنوں کے سامنے قرآن پڑھتے ہوئے گزاری۔( )
ابو سفیان بن حرب رضی اللہ عنہ سے مروی ہے كہ وہ قریش كے ایك تجارتی قافلے میں تھے۔ ہرقل نے اس كی طرف پیغام بھیجا۔ یہ لوگ شام میں تجارت كی غرض سے اس مدتِ معاہدہ كے دوران آئے تھے جو رسول اللہ صلی اللہ علیہ وسلم اور ابو سفیان و كفارِ قریش كے درمیان ہوا تھا۔ یہ لوگ ایلیا میں تھے ، ہر قل نے انہیں قریب بلایا اور اس کے پاس روم کے سرکردہ لوگ تھے،اور اپنا ترجمان بھی بلایا۔ ہر قل نے كہا: جو شخص نبوت كا دعوی كرتا ہے اس كا رشتے دار كون ہے؟ ابو سفیان نے كہا: میں ہوں، ہر قل نے كہا: اسے میرے قریب كر دو ۔اور اس كے ساتھیوں كو اس كے پیچھے كھڑا كر دو، پھر اپنے ترجمان سے كہا، ان سے كہو: میں اس سے سوال كروں گا، اگر یہ مجھ سے جھوٹ بولے تو اس كی تكذیب كر دو ۔ابو سفیان نے كہا: اللہ كی قسم مجھے اس بات كی شرم نہ ہوتی كہ یہ مجھے جھوٹا كہیں گے تو میں آپ كے بارے میں جھوٹ بولتا ۔ پھر پہلاسوال ہر قل نے كاہ: تم میں اس كا نسب كیسا ہے؟ ابو سفیان: وہ ہم میں اچھے نسب والے ہیں۔ ہر قل: كیا تم میں سے كسی نے پہلے كبھی ایسی بات كہی ہے؟ ابو سفیان: نہیں۔ہر قل: كیا اس كے آباءو اجداد میں كوئی بادشاہ گزرا ہے؟ ابو سفیان: نہیں ۔ ہر قل: بڑے لوگ اس كی پیروی كرتے ہیں یا كمزور اور غریب لوگ؟ ابو سفیان: كمزور و ضعیف لوگ۔ ہر قل: وہ زیادہ ہو رہے ہیں یا كم ہو رہے ہیں؟ابو سفیان: وہ زیادہ ہو رہے ہیں۔ہر قل: كیا اس كے دین میں داخل ہونے كے بعد كوئی اس كے دین كو نا پسند كرتے ہوئے مرتدبھی ہوا ہے ؟ ابو سفیان : نہیں۔ ہر قل : كیا وہ دھوكہ دیتا ہے؟ ابو سفیان : نہیں، لیكن ہمارے درمیان ایك معاہدہ ہوا ہے جس كے بارے میں ہم نہیں جانتے كہ وہ اس میں كیا كرے گا؟ ابو سفیان نے كہا كہ اس بات كے علاوہ مجھے كوئی ایسی بات نہیں ملی جو میں اس گفتگو میں شامل كرتا۔ ہر قل: كیا تم نے اس سے قتال كیا ہے؟ ابو سفیان: ہاں۔ ہر قل: تمہارے درمیان جنگ كی كیا كیفیت رہی؟ ابو سفیان: ہمارے درمیان جنگ كبھی ان كے حق میں اور كبھی ہمارے حق میں رہی۔ ہر قل : وہ تمہیں كیا حكم دیتا ہے؟ ابو سفیان: وہ كہتا ہے ، اللہ كی عبادت كرو، اس كے ساتھ كسی كو شریك نہ كرو، جو تمہارے آباء كہتے ہیں انہیں چھوڑ دو، ہمیں نماز پڑھنے، سچ بولنے، پاكدامنی اور صلہ رحمی كا حكم دیتا ہے۔ہر قل نے اپنے ترجمان سے كہا : اس سے كہو، میں نے تم سے اس كے نسب كے بارے میں پوچھا تو تم نے كہا كہ وہ ہم میں اچھے نسب والا ہے، رسول اسی طرح ہوتے ہیں۔ انہیں اپنی قوم كے اچھے نسب والے خاندان میں مبعوث كیا جاتا ہے۔ اور میں نے تم سے سوال كیا كہ كیا اس سے پہلے بھی كسی نے ایسی بات كہی ہے؟ تو تم نے كہا: نہیں۔ میں كہتا ہوں كہ اگر اس سے پہلے كسی نے ایسی بات كہی ہوتی تو میں كہتا یہ ایسا شخص ہے جو ایسی بات كی نقل كر رہا ہے جو كہی جا چكی ہے۔ میں نے تم سے سوال كیا كہ كیا اس كے آباء میں سے كوئی بادشاہ گزرا ہے؟ تو تم نے كہا كہ نہیں۔ میں كہتا ہوں كہ اگر اس كے آباء میں سے كوئی بادشاہ ہوتا تو یہ ایسا شخص ہے جو اپنے آباء كی بادشاہت كا خواہش مند ہے۔ میں نے تم سے كہا كہ كاا تم نے كبھی اس پر اس دعوے سے پہلے جھوٹ كی تہمت لگائی ہے؟ تو تم نے كہا: نہیں۔ مجھے معلوم ہو گیا كہ ایك شخص جو لوگوں سے جھوٹ نہیں بولتا وہ اللہ تعالیٰ كے متعلق كس طرح جھوٹ بول سكتا ہے۔ میں نے تم سے سوال كیا كہ امیر لوگ اس كی پیروی كر رہے ہیں یا غریب لوگ؟ تو تم نے كہا: غریب لوگ اور یہی لوگ رسولوں كے پیرو كار ہوتے ہیں۔ میں نے تم سے سوال كیا كہ وہ زیادہ ہو رہے ہیں یا كم ہو رہے ہیں؟ تو تم نے كہا كہ وہ زیادہ ہو رہے ہیں۔ ایمان كا معاملہ اسی طرح ہوتا ہے حتیٰ كہ وہ مكمل ہو جائے۔ میں نے تم سے سوال كیا كہ كیا اس كے دین كو ناپسند كرتے ہوئے كوئی مرتد بھی ہوا ہے؟ تو تم نے كہا: نہیں۔ ایمان كی حالت اسی طرح ہوتی ہے جب اس كی تازگی دلوں میں رچ بس جائے ۔ میں نے تم سے سوال كیا كہ كیا وہ دھوكہ دہی كرتا ہے؟ تو تم نے كہا: نہیں۔ رسول دھوكہ نہیں دیتے۔ میں نے تم سے سوال كیا كہ وہ تمہیں كس بات كا حكم دیتا ہے؟ تو تم نے كہا كہ وہ تمہیں نماز پڑھنے، سچ بولنے ، پاكدامنی اختیار كرنے ، اللہ كی عبادت كرنے ، شرك نہ كرنے، بتوں كی عبادت سے رك جانے كا حكم دیتا ہے۔ اگر جو تم نے كہا ہے سچ ہے تو عنقریب وہ میرے ان قدموں كے نیچے والی جگہ (تخت) كا مالك بنے گا۔ مجھے یہ معلوم تھا كہ اس كا ظہور ہونے والا ہے لیكن یہ خیال نہیں تھا كہ وہ تم میں سے ہوگا۔ اگر میں سمجھتا كہ میں اس كے پاس پہنچ جاؤں گا تو میں ضرور اس كی ملاقات كے لئے جاتا، اگر میں اس كے پاس ہوتا تو میں اس كے قدم دھوتا۔ پھر اللہ كے رسول صلی اللہ علیہ وسلم كا وہ خط منگوایا جو آپ نے دحیہ کلبی رضی اللہ عنہ كے ہاتھ بصرہ كے والی كی طرف بھیجا تھا ۔ وہ خط ہر قل كو دیا گیا، ہر قل نے وہ خط پڑھا تو اس میں لكھا تھا: بسم اللہ الرحمن الرحیم محمد اللہ كے بندے اور اس كے رسول كی طرف سے ، ہر قل روم كے بادشاہ كی طرف، اس شخص پر سلامتی ہو جس نے ہدایت كی پیروی كی۔ اما بعد: میں تمہیں اسلام كی دعوت دیتا ہوں۔ اسلام لے آؤ سلامت رہو گے، اللہ تعالیٰ تمہیں دو گنا اجر دے گا۔ اگر تم اسلام سے پھر گئے تو تم پر تمہاری رعایا كا بھی گناہ ہوگا ’’اور اے اہل كتاب اس كلمہ كی طرف آؤ جو ہمارے اور تمہارے درمیان مشترك ہے كہ ہم اللہ كے سوا كسی كی عبادت نہ كریں اور نہ اس كے ساتھ كسی كو شریك كریں، اور نہ ہم میں كوئی كسی دوسرے كو اللہ كے علاوہ رب بنائے۔ اگر یہ لوگ پھر جائیں تو تم كہو ہم اس بات كی گواہی دیتے ہیں كہ ہم مسلمان ہیں۔‘‘( آل عمران) ابو سفیان نے كہا:جب ہر قل اپنی بات كہہ چكا اور خط سے فارغ ہو گیا تو اس كے پاس آوازیں بلند ہونے لگیں اور چہ میگوئیاں شروع ہوگئیں۔ ہمیں باہر بھیج دیا گیا، جب ہمیں باہر بھیجا گیا تو میں نے اپنے ساتھیوں سے كہا: ابن ابی كبشہ كا معاملہ تو بہت بڑھ گیا ہے۔ اس سے تو روم كا بادشاہ بھی ڈر رہا ہے۔ پھر مجھے یہ یقین ہو گیا كہ عنقریب وہ غالب ہوگا، حتی كہ اللہ تعالیٰ نے میرے دل میں اسلام داخل كر دیا۔ابن ناطور ہرقل کی طرف سے ایلیاء کا والی اور نصارٰی شام کا پادری (عالم) بھی تھا۔ابن ناطور كہتا ہے كہ ہر قل جب ایلیا آیا تو ایك دن بوجھل طبیعت كے ساتھ اٹھا، اس كے كسی جرنیل نے كہا: آج ہم آپ كی طبیعت نا ساز دیكھ رہے ہیں۔ ابن ناطور كہتا ہے كہ ہر قل علم نجوم كا ماہر تھا۔ جب ساتھیوں نے اس سے كہا تو اس نے ان سے كہا: آج رات میں نے ستارے دیكھے تو مجھے ختنہ كرنے والے لوگوں كا بادشاہ نظر آیا اس كا ظہور ہو چكا ہے۔ اس امت میں كون لوگ ختنہ كرتے ہیں؟ اس كے ساتھیوں نے كہا: صرف یہودی لوگ ختنہ كرتے ہیں اور آپ کو ان کے بارے میں پریشان ہونے کی ضرورت نہیں ہے آپ ملک کے بڑے بڑے شہروں کے حاکموں کو لکھ بھیجئے کہ جتنے یہود وہاں ہیں سب قتل کردئے جائیں۔ وہ ابھی اسی گفتگو میں مصروف تھے كہ ہر قل كے پاس ایك آدمی لایا گیا ،جسے غسان كے بادشاہ كی طرف سے بھیجا گیا تھا،وہ رسول اللہ صلی اللہ علیہ وسلم كے بارے میں بتا رہا تھا۔ جب ہر قل نے اس سے یہ ؟؟؟ معلوم کی کہ تو كاب: اسے لے جاؤ اور دیكھو اس كا ختنہ ہوا ہے یا نہیں؟ انہوں نے اسے دیكھا تو انہیں انكشاف ہوا كہ اس كا ختنہ ہوا ہے۔ ہر قل نے اس سے عرب كے لوگوں كے بارے میں پوچھا تو اس نے كہا: وہ ختنہ كرتے ہیں۔ ہر قل نے كہا: یہ اس امت كا بادشاہ ہے، اس كا ظہور ہو گیا ۔ پھر ہر قل نے رومیہ میں اپنے نگران كو خط لكھا وہ بھی علم میں اس كے ہم پلہ تھا، اور خود حمص كی طرف چل پڑا، ابھی وہ حمص پہنچا ہی تھا كہ اس كے پاس اس كے نگران كا خط آ پہنچا جو ہر قل كی رائے كے موافق تھا كہ نبی صلی اللہ علیہ وسلم كا ظہور ہو چكا ہے اور وہ نبی ہیں۔ ہر قل نے حمص میں اپنے ایك بڑے ہال میں روم كے سرداروں كو جمع كیا، پھر دروازے بند كرنے كا حكم دیا۔ اور سامنے آكر كہنے لگا: اے روم كے لوگو كیا تمہیں ہدایت و بھلائی سے كچھ دلچسپی ہے؟ اور یہ كہ تمہاری بادشاہت سلامت رہے ، تو اس نبی كی بیعت كر لو؟ وہ لوگ وحشی گدھوں كی طرح دروازوں كی طرف بھاگے تو انہیں ؟؟؟ جب ہر قل نے ان کی اس قدر نفرت كو دیكھا اور ان كے ایمان لانے سے مایوس ہو گیا تو كہنے لگا: انہیں میرے پاس واپس لاؤ، پھر کہنے لگا: میں نے تمہیں ابھی جو بات کہی تھی وہ اس لیے کہ میں تمہارے دین کی مضبوطی کا امتحان لوں۔ یہ میں نے دیکھ لیا، انہوں نے اسے سجدہ کیا اور اس سے راضی ہوگئے۔ یہ ہر قل کا آخری معاملہ تھا۔
انس رضی اللہ عنہ كہتے ہیں كہ رسول اللہ صلی اللہ علیہ وسلم نے فرمایا: تین عادتیں میری امت میں ہمیشہ رہیں گے۔ حسب نسب میں ایك دوسرے پر فخر كرنا، نوحہ خوانی اور ستارہ پرستی۔( )
ابو ہریرہ رضی اللہ عنہ سے مرفوعا مروی ہے: تین كام جاہلیت سے ہیں، اہل اسلام بھی انہیں نہیں چھوڑیں گے: نوحہ خوانی، ستاروں سےبارش طلب كرنا، اور اس طرح میں نے سعید مقبری سے كہا: وہ كیا؟ انہوں نے كہا جاہلیت كا دعوی اے آل فلاں، اے آل فلاں، اے آل فلاں۔( )
عبداللہ بن معاویہ غاضری سے مرفوعا مروی ہے كہ تین عمل ایسے ہیں جس نے یہ عمل كئے اس نے ایمان كا ذائقہ چكھ لیا:جس شخص نے اللہ وحدہ كی عبادت كی، اور یہ كہ اللہ كے علاوہ كوئی معبود بر حق نہیں اور خوشدلی سے اپنے مال كی زكوٰۃ دی، ہر سال اس پر كاربند رہا ، زكاۃ میں نہ بوڑھا جانور دیا نہ لاغر، نہ مریض دیا،نہ ہی حقیر جانوردیا،لیكن درمیانے درجے کے مال سے دیا، كیوں كہ اللہ تعالیٰ تمہارا بہترین مال نہیں مانگتا نہ تمہیں برے مال دینے كا حكم دیتا ہے
انس بن مالك رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: جس شخص میں یہ تین عادتیں ہوں گی وہ ایمان كی مٹھاس چكھ لے گا۔ اللہ اور اس كا رسول اسے سب سے زیادہ محبوب ہو، اللہ كے لئے محبت كرے اور اللہ كے لئے نفرت كرے، اور یہ كہ ایك بڑی آگ جلائی جائے اور وہ اس میں كود ے یہ كام اسے شرك كرنے سے زیادہ پیارا ہو۔( )
ابو امامہ رضی اللہ عنہ سے مرفوعا مروی ہے : تین آدمی ایسے ہیں جن کے فرض و نفل اللہ تعالیٰ قبول نہیں كرے گا:(والدین كا) نافرمان، احسان جتلانے والا، تقدیر كو جھٹلانے والا۔( )
ابو موسیٰ اشعری رضی اللہ عنہ سے مرفوعا مروی ہے كہ تین آدمی ایسے ہیں جنہیں دو گنا اجر دیا جائے گا: وہ شخص جس كی كوئی لونڈی تھی اس نےاسے اچھی طرح سكھایا اور اچھی تربیت دی، پھر اسےآزاد كر كے اس سے شادی كر لی۔ دوسرا وہ غلام جس نے اپنےرب اور اپنے مالكوں كا حق ادا كیا، اور وہ شخص جو اپنی كتاب اور محمد صلی اللہ علیہ وسلم پر ایمان لایا ۔( )
انس بن مالك رضی اللہ عنہ كہتے ہیں كہ ایك آدمی رسول اللہ صلی اللہ علیہ وسلم كےپاس آیا اور”عزل“ كے بارے میں سوال كیا۔ رسول اللہ صلی اللہ علیہ وسلم نے فرمایا:وہ پانی(كا قطرہ) جس سے بچہ پیدا ہونا ہو اگر تم كسی چٹان پر بھی گرادو گے تو اللہ تعالیٰ اس سے بچہ نكا ل دے گا یا اس سے بچہ نكل آئے گا، اور اللہ تعالیٰ اس جان كو ضرور پیدا كرے گا جس كے پیدا كرنے كا ارادہ كر لیا ہے۔( )
ابو ہریرہ رضی اللہ عنہ كہتے ہیں كہ نبی صلی اللہ علیہ وسلم نے فرمایا: ملك الموت ایك راستے میں آیا۔ اور ایک سند میں یہ الفاظ ہیں۔ پہلے ملك الموت سامنے آیا كرتا تھا۔ جب موسیٰ علیہ السلام كے پاس آیا تو اس سے كہا: اپنےرب كا فیصلہ قبول كرو۔ موسیٰ علیہ السلام نے اس كی آنكھ پر ہاتھ مار كر اسے پھوڑ دیا۔ ملك الموت اللہ كے پاس واپس گیا اور كہا: (اے اللہ) تو نے مجھے اپنے ایك بندے كی طرف بھیجا جو مرنا نہیں چاہتا۔ اس نے میری آنكھ بھی پھوڑ دی ہے(اگر تیرے یہاں اس كی عزت نہ ہوتی تو میں اس پر بہت بھاری ہوتا۔اللہ تعالیٰ نے اس كی آنكھ دوبارہ ٹھیك كر دی اور فرمایا: میرے بندے كے پاس واپس جاؤ اور اس سے پوچھو:كیا تم زندگی چاہتے ہو؟ اگر تم زندگی چاہتے ہو تو اپنا ہاتھ بیل كی پشت پر ركھو، جتنے بالوں كو تمہارا ہاتھ ڈھانپ لے تو ہر بال كے بدلے تم ایك سال زندہ رہو گے۔ موسیٰ علیہ السلام نے كہا:(اے میرے رب) پھر اس كے بعد كیا ہوگا؟ اللہ عزوجل نے فرمایا: پھر تم مر جاؤ گے۔ موسیٰ علیہ السلام نے كہا: تو پھر ابھی كیوں نہیں ۔ اے میرے رب مجھے ارض مقدسہ كے مقام پر موت دے(ملك الموت نے انہیں ہلكا سا چھوا اور اس كی روح قبض كر لی، پھر اس کےبعد ملك الموت لوگوں كے پاس پوشیدہ آنے لگا)۔ رسول اللہ صلی اللہ علیہ وسلم نے فرمایا: واللہ اگر میں اس كے پاس ہوتا تو تمہیں اس كی قبر دكھاتا، سرخ ٹیلے کے پاس راستے میں اور ایک روایت میں ہے کہ : سرخ ٹیلے کے نیچے۔( )
عبداللہ بن مسعود رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: جنت تمہارے نزدیك تمہارے جوتے كے تسمے سےبھی زیادہ قریب ہے، اور آگ بھی اسی طرح ہے۔( )
ابو ذر رضی اللہ عنہ سے مروی ہے كہ ہمیں صادق و مصدوق صلی اللہ علیہ وسلم نے حدیث قدسی بیان کی كہ اللہ تبارك وتعالیٰ نے فرمایا: نیكی( كا اجر )دس گنا ہے یا میں زیادہ بھی كر سكتا ہوں، اور گناہ ایك ہی ہے یا میں اسے بھی بخش دوں۔ اگر تم زمین بھر كے گناہ لے كر مجھ سے اس حال میں ملوكہ تم نے شرك نہ كیا ہو تو میں بھی زمین بھرمغفرت لے كر تم سے ملوں گا۔( )
عبداللہ بن عباس رضی اللہ عنہما سے مروی ہے كہ رسول اللہ صلی اللہ علیہ وسلم نے فرمایا: حلال واضح ہے اور حرام بھی واضح کرلیاہے، اور ان كےدرمیان كچھ شبہے والی چیزیں ہیں، جو ان میں داخل ہو گیا تو قریب ہے كہ وہ گناہ كر لے اور جو ان سے بچ گیا تو اس نے اپنے آپ کو كو محفوظ کرلیا، اس چرواہے کی طرح چراگاہ كے ارد گرد چر رہی ہے قریب ہے كہ وہ اس میں داخل ہو جائے ہر بادشاہ كی ایك چراگاہ ہے اور اللہ كی چراگاہ حرام كر دہ چیزیں ہیں۔( )
