ام ایمن سے مروی ہے كہ انہوں نے آٹا چھانا، پھر انہوں نے نبی صلی اللہ علیہ وسلم كے لئے ایك پتلی روٹی (چپاتی)تیار كی۔ آپ صلی اللہ علیہ وسلم نے فرمایا: یہ كیا ہے؟ ام ایمن رضی اللہ عنہا نے كہا: یہ ایك ایسا كھانا ہے جسے ہم اپنے علاقے میں بناتے ہیں، مجھے اچھا لگا كہ آپ كے لئے اس سے ایک پتلی روٹی بنادوں۔آپ صلی اللہ علیہ وسلم نے فرمایا: اسے اس میں واپس ڈال دو پھر اس كا آٹا بناؤ۔( )
براءبن عازب رضی اللہ عنہ سے مرفوعا مروی ہے كہ : سود كے بہتر(۷٢) درجےہیں، اس كا سب سے كم ترین درجہ آدمی كا اپنی ماں سے زنا كرنے كے برابر ہے، اور اس كا سب سے بڑا درجہ كسی مسلمان كی عزت خراب كرنا ہے۔( )
عمر بن سعد كہتے ہیں كہ مجھے ابو سعد رضی اللہ عنہ سے كوئی ضرورت پیش آگئی ۔ عمر بن سعد سے روایت ہے کہتے ہیں کہ مجھے اپنے والد سعد بن ابی وقاص سے کوئی کام تھا۔ دوسری سند میں ہے ابوحیان مجمع سے بیان کرتے ہیں کہ عمر بن سعد کو اپنے والد سے لوگ مطلب براری کے لئے کرتے ہیں۔ اور سعد رضی اللہ عنہ اس کی بات پر توجہ نہیں دے رہے تھے۔ جب اس کی بات مکمل ہوگئی تو سعد رضی اللہ عنہ نے کہا کہ: بیٹا تم اپنی بات مکمل کرچکے ہو؟ اس نے کہا: جی ہاں۔ تو سعد رضی اللہ عنہ نے فرمایا: تمہاری یہ بات سننے سے پہلے تمہاری پوری ہونے سے تم دور نہیں تھے اور نہ ہی میں اتنا تمہارے بارے میں اتنا زاہد تھا (لیکن اب ممکن نہیں کیونکہ) میں نے رسول اللہ صلی اللہ علیہ وسلم سے سنا فرما رہے تھے: عنقریب ایسے لوگ آئیں گے جو اپنی زبانوں کو مروڑکربناوٹی انداز سے گفتگو کریں گے جس طرح گائےاپنی زبان گھما کر چارہ کھاتی ہے۔
ابو ہریرہ رضی اللہ عنہ سے مرفوعا مروی ہے كہ : بوڑھا آدمی بڑا ہوتا رہتا ہے اور اس كا جسم كمزور ہوتا رہتا ہے، لیكن اس كا دل دو چیزوں كی محبت میں جوان رہتا ہے۔ لمبی زندگی اور مال كی محبت۔( )
عبداللہ بن عمرو رضی اللہ عنہما سے مروی ہے كہ رسول اللہ صلی اللہ علیہ وسلم نے فرمایا: اس امت كے پہلے لوگوں كی بہتری(اصلاح) زہدو یقین كے ساتھ ہوئی اور اس امت كے بعد والے لوگ بخل اور لمبی امیدوں كی وجہ سے ہلاك ہوں گے۔
عبداللہ بن عباس رضی اللہ عنہما سے مرفوعا مروی ہے كہ: ابلیس نے كہا: (اے اللہ) تو نے اپنی ساری مخلوق كا رزق بیان كر دیا، میرا رزق كس چیز میں ہے؟ اللہ تعالیٰ نے فرمایا: اس میں جس میں میرا نام نہیں لیا گیا
عبداللہ بن عمرو بن عاص رضی اللہ عنہما سے مرفوعا مروی ہے كہ: جو شخص مسلمان ہو گیا ، اور اسے گزارے جتنا رزق دیا گیا،اور اللہ تعالیٰ نے اسے جو دیا اس پر قناعت کی توفیق دے دی تو وہ كامیاب ہو گیا۔
انس رضی اللہ عنہ كہتے ہیں كہ نبی صلی اللہ علیہ وسلم كے دور میں دو بھائی تھے، ان میں سے ایك نبی صلی اللہ علیہ وسلم كے پاس آیا كرتا تھا، اور ایك روایت میں ہے كہ نبی صلی اللہ علیہ وسلم كی حدیث كی مجلس میں حاضر ہوا كرتا تھا۔ اور دوسرا بھائی كا روبار كیا كرتا تھا۔ كاروبار كرنے والے نے نبی صلی اللہ علیہ وسلم سے اپنے بھائی كی شكایت كی(كہنے لگا: اے اللہ كے رسول (یہ) میرا بھائی ہے، میرے ساتھ ہاتھ نہیں بٹاتا) رسول اللہ صلی اللہ علیہ وسلم نے فرمایا: شاید تمہیں اس كی وجہ سے رزق دیا جاتا ہو۔( )
عبداللہ بن عباس رضی اللہ عنہما سے مروی ہے كہ آپ صلی اللہ علیہ وسلم اور آپ كے گھر والے مسلسل كئی راتیں بھوكے پیٹ گزارتے ۔ ان كے پاس رات كا كھانا نہ ہوتا اور اكثر آپ صلی اللہ علیہ وسلم کی روٹی جو کی ہوتی تھی۔( )
عبداللہ بن عمر رضی اللہ عنہ کہتے ہیں کہ ایک آدمی نے نبی اکرم صلی اللہ علیہ وسلم کے پاس ڈکار ماری تو آپ صلی اللہ علیہ وسلم نے فرمایا:اپنی ڈكار روك لوكیونكہ دنیا میں زیادہ پیٹ بھركركھانےوالےقیامت كےدن لمبی بھوك كا سامنا كریں گے۔
ابو البختری سے مروی ہے كہتے ہیں كہ میں نے ایك آدمی سے حدیث سنی تو اس سے كہا: مجھے لكھ كر دو۔ وہ اسے لكھ كر لایا۔ عباس اور علی رضی اللہ عنہما عمر رضی اللہ عنہ كے پاس آئے۔ ان كے پاس طلحہ ، زبیر ،عبدالرحمن اور سعد رضی اللہ عنہمبیٹھے ہوئے تھے۔ عباس اور علی رضی اللہ عنہ جھگڑ رہے تھے۔ عمر رضی اللہ عنہ نے طلحہ، زبیر، عبدالرحمن اور سعد رضی اللہ عنہم سے كہا: كیا تمہیں نہیں معلوم كہ رسول اللہ صلی اللہ علیہ وسلم نے فرمایاتھا: انبیاء علیہم السلام كا سارا مال صدقہ ہے سوائے اس مال كے جو وہ اپنے گھر والوں كو كھلاتے ہیں اور پہناتے ہیں؟ ہم انبیاءوارثت نہیں چھوڑتے ۔ سب نے كہا: ہاں كیوں نہیں، (معلوم ہے)۔ عمر رضی اللہ عنہ نے كہا: رسول اللہ صلی اللہ علیہ وسلم اپنے مال سے اپنے گھر والوں پر خرچ كیا كرتے تھے۔ اور زائد صدقہ كر دیا كرتے تھے۔ پھر رسول اللہ صلی اللہ علیہ وسلم فوت ہو گئے تو دو سال ابو بكر رضی اللہ عنہ خلیفہ بنے۔ انہوں نے بھی وہی كام كیا جو رسول اللہ صلی اللہ علیہ وسلم نے كیا ۔ پھر مالک بن اوس کی حدیث میں سے کچھ بیان کیا۔ ( )
عبداللہ بن عمر و رضی اللہ عنہ سے مروی ہے كہ نبی صلی اللہ علیہ وسلم نے ایك آدمی سے كہا: اے فلاں تم نے صبح كس طرح كی؟ اس نے كہا: اےاللہ كے رسول میں آپ کے سامنے اللہ كی تعریف بیان كرتا ہوں، رسول اللہ صلی اللہ علیہ وسلم نے فرمایا: میں تم سے یہی سننا چاہتا تھا۔
اسماعیل بن عبداللہ كہتے ہیں كہ انس بن مالك رضی اللہ عنہ ، ولید بن عبدالملك كے پاس آئے ۔تو ولید نے ان سے كہا: قیامت كے بارےمیں آپ نے رسول اللہ صلی اللہ علیہ وسلم سے كیا سنا ہے؟ انس بن مالكرضی اللہ عنہ نے كہا كہ رسول اللہ صلی اللہ علیہ وسلم نے فرمایا: میں دنیا سے نہیں اور یہ مجھ سے نہیں ،مجھے اور قیامت كو اس طرح بھیجا گیا ہے كہ ہم ایك دوسرے كی طرف سبقت كر رہے ہیں (یعنی قیامت بہت قریب ہے)۔
فضالہ بن عبید كہتے ہیں كہ رسول اللہ صلی اللہ علیہ وسلم جب لوگوں كو نماز پڑھاتے تو لوگ بھوك كی وجہ سے نڈھال ہو كر گر پڑتے۔ یہ لوگ اصحاب صفہ تھے ، بدو لوگ كہتے كہ یہ پاگل ہیں۔ رسول اللہ صلی اللہ علیہ وسلم نماز سے فارغ ہو كر فرماتے : اگر تمہیں معلوم ہو جائے كہ اللہ كے ہاں تمہارا كیا اجر ہے تو تم خواہش كرتے كہ تم اور زیادہ حاجت مند اور فاقہ كش ہو جاؤ۔( )
ام سلمہ رضی اللہ عنہا كہتی ہیں كہ جب ابو بكر رضی اللہ عنہ رسول اللہ صلی اللہ علیہ وسلم كے دور میں بصریٰ كی طرف تجارت كی غرض سے نكلےابوبکر رضی اللہ عنہ کو رسول اللہ صلی اللہ علیہ وسلم کے ساتھ خصوصی تعلق نے بھی تجارت کے ذریعے کسب سے نہ روکا۔ کیونکہ ابوبکر رضی اللہ عنہ تجارت کو بہت پسند کرتے تھے اور نہ ہی رسول اللہ صلی اللہ علیہ وسلم نے ابو بکر رضی اللہ عنہ کو اپنی محبت کی وجہ سے تجارت سے روکا حالانکہ آپ صلی اللہ علیہ وسلم کو ابوبکر رضی اللہ عنہ کا ساتھ رہنا پسند تھا (اور ابوبکر رضی اللہ عنہ بھی تجارت اس لئے کرتے تھے کہ) رسول اللہ صلی اللہ علیہ وسلم کو بھی تجارت پسند تھی۔
رسول اللہ صلی اللہ علیہ وسلم نےفرمایا: اگرابن آدم كےپاس مال كی دووادیاں بھی ہوں(اورایك روایت میں ہے:سونے كی)تووہ تیسری (وادی)تلاش كرےگا۔ابن آدم كاپیٹ صرف قبر كی مٹی بھر سكتی ہےاورجوشخص توبہ كرتاہےاللہ تعالیٰ اس كی توبہ قبول فرماتا ہے۔( )
ابو ہریرہ رضی اللہ عنہ سے مرفوعا مروی ہے كہ: اگر میرے پاس احد پہاڑ كے برابر بھی سونا ہو تو مجھے یہ بات پسند ہے كہ میری تین راتیں نہ گزریں کہ اس میں سے سوائے قرض ادا كرنے كے میرے پاس كچھ بھی ہو۔( )
آپ صلی اللہ علیہ وسلم نے فرمایا:اگر اللہ كے ہاں دنیا ایك مچھر كے پر كے برا بر بھی حیثیت ركھتی تو اللہ تعالیٰ كسی كافر كو پانی کا ایك گھونٹ بھی نہ پلاتا۔
سہل بن سعد رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: اگر اللہ كے ہاں دنیا مچھر كے پر كے برابر بھی حیثیت ركھتی تو اللہ تعالیٰ كسی كافر كو پانی كا ایك گھونٹ بھی نہ پلاتا
ابو حدرد اسلمی رضی اللہ عنہ سے مروی ہے كہ وہ نبی صلی اللہ علیہ وسلم كے پاس بیوی كے مہر میں مدد مانگنے آئے۔ آپ نے فرمایا: تم نے كتنا مہر مقرر كیا ہے؟ انہوں نے كہا:دو سو درہم، آپ صلی اللہ علیہ وسلم نے فرمایا: اگر تم بحاین سے بھی ہاتھ بھرتے تو پھر بھی تم زیادہ نہ كرتے۔
ابو درداء رضی اللہ عنہ كہتے ہیں كہ رسول اللہ صلی اللہ علیہ وسلم سے بادشاہوں سے ملنے والے كے مال كے بارے میں پوچھا گیا ،تو آپ نے فرمایا: اللہ تعالیٰ ،بادشاہ كے مال میں سے تمہیں جو كچھ بغیر سوال كئے اور بغیر كسی عہدے كے دے اسے كھاؤ اور مال بناؤ
ابو ذر رضی اللہ عنہ سے مرفوعا مروی ہے كہ : مجھے پسند نہیں كہ یہ احد پہاڑ میرے پاس سونے كی صورت میں ہو اور تین راتوں كے بعد میرے پاس اس میں سے ایك دینار بھی باقی بچے، سوائے اس دینار كے جو میں قرض ادا كرنے كے لئے بچا كر ركھوں۔ میں اس پہاڑ كو اللہ كے بندوں میں اس طرح اور اس طرح دائیں بائیں خرچ كر دوں اور آپ صلی اللہ علیہ وسلم نے اپنے ہاتھوں کو دائیں بائیں پھیلایا۔( )
ابو ہریرہ رضی اللہ عنہ سے مرفوعا مروی ہے كہ: میں تمہارے بارے میں محتاجی سے نہیں ڈرتا لیكن میں تم پر دولت کی کثرت سے سے ڈرتا ہوں اورمیں تمہارے بارے میں خطا ہونے(بغیرعلم كےغلطی ہو جانے)سے نہیں ڈرتا لیكن مجھے تمہارے بارے جان بوجھ كر غلطی كرنے سے ڈر لگتا ہے۔( )
عائشہ رضی اللہ عنہا كہتی ہیں كہ رسول اللہ صلی اللہ علیہ وسلم نے اپنی اس تكلیف میں جس میں وہ فوت ہوئے فرمایا:(اے عائشہ )سونے كا كیاكیا؟ میں نے كہا: وہ میرے پاس ہے، آپ نے فرمایا: اسے میرے پاس لاؤ، میں اسے آپ كے پاس لائی یہ كوئی نو یا پانچ دینار ہوگا۔ آپ نے اسے اپنے ہاتھ میں ركھا اور یزید راوی نے بھی ہاتھ سے اشارہ کیا اورفرمایا: محمد( صلی اللہ علیہ وسلم ) كا اللہ كے بارے میں كیا گمان ہے، اگر وہ اللہ سے ملاقات كرے اور یہ سونا اس كے پاس ہو؟ اسے خرچ كردو
