اَلْوَبَلُ وَالْوَابِلُ کے معنی بڑی اور بھاری بوندوں والی بارش کے ہیں۔چنانچہ فرمایا:۔ (فَاَصَابَہٗ وَابِلٌ فَتَرَکَہٗ صَلۡدًا) (۲۔۲۶۴) مثال ایک باغ کی سی ہے جو اونچی جگہ پر واقعہ ہو (جب) اس پر بارش ہو۔پھر معنی ثقل کے لحاظ سے ہر اس چیز کو وَبَالٌ کہا جاتا ہے۔جس سے ضرر پہنچنے کا اندیشہ ہو۔قرآن پاک میں ہے:۔ (ذَاقُوۡا وَبَالَ اَمۡرِہِمۡ) (۵۹۔۱۵) اپنے کاموں کی سزا کا مزہ چکھ چکے ہیں۔ وَبِیْلٌ:وہ طعام یا گھاس جس کے کھانے سے بدہضمی اور ضرر کا اندیشہ ہو۔قرآن پاک میں ہے۔ (فَاَخَذۡنٰہُ اَخۡذًا وَّبِیۡلًا) (۷۳۔۱۶) تو ہم نے اس کو بڑے وبال میں پکڑلیا۔
