وَالْعٰكِفِيْنَ

اَلْعَکُوْفُ: کے معنی ہیں۔ تعظیماً کسی چیز پر متوجہ ہونا اور اس سے وابستہ رہنا۔ اور اصطلاح شریعت میں اَلْاِعْتِکَافُ کے معنی ہیں: عبادت کی نیت سے مسجد میں رہنا اور اس سے باہر نہ نکلتا۔ قرآن پاک میں ہے: (وَ اَنۡتُمۡ عٰکِفُوۡنَ ۙ فِی الۡمَسٰجِدِ) (۲:۱۸۷) جب تم مسجدوں میں اعتکاف بیٹھے ہو۔ (سَوَآءَۨ الۡعَاکِفُ فِیۡہِ وَ الۡبَادِ) (۲۲:۲۵) خواہ وہ وہاں کے رہنے والے ہوں یا باہر سے آنے والے۔ (وَ الۡعٰکِفِیۡنَ ) (۲:۱۲۵) اور اعتکاف کرنے والوں۔ (فَنَظَلُّ لَہَا عٰکِفِیۡنَ ) (۲۶:۷۱) اور اس کی پوجا پر قائم رہیں۔ عَکَفْتُہٗ عَلٰی کَذَا: کسی چیز پر روک رکھنا۔ (یَّعۡکُفُوۡنَ عَلٰۤی اَصۡنَامٍ لَّہُمۡ) (۷:۱۳۸) یہ اپنے بتوں کی عبادت کے لیے بیٹھے رہتے تھے۔ (ظَلۡتَ عَلَیۡہِ عَاکِفًا) (۲۰:۹۷) جس معبود کی پوجا پر تو قائم اور معتکف تھا۔ (وَ الۡہَدۡیَ مَعۡکُوۡفًا) (۴۸:۲۵) اور قربانی کے جانوروں کو بھی کہ روک دئیے گئے ہیں۔