وَّاَعْنَابٍ

اَلْعِنَبُ: (انگور) یہ انگور کے پھل اور اس کے درخت کے لیے بھی بولا جاتا ہے اس کا واحد عِنَبَۃٌ ہے اور جمع اَعْنَابٌ قرآن میں ہے۔ (وَ مِنۡ ثَمَرٰتِ النَّخِیۡلِ وَ الۡاَعۡنَابِ) (۱۶:۶۷) اور کھجور اور انگور کے میووں سے بھی۔ (جَنَّۃٌ مِّنۡ نَّخِیۡلٍ وَّ عِنَبٍ ) (۱۷:۹۱) کھجوروں اور انگوروں کا کوئی باغ ہو۔ (وَّ جَنّٰتٌ مِّنۡ اَعۡنَابٍ ) (۱۳:۴) اور انگوروں کے باغ۔ (حَدَآئِقَ وَ اَعۡنَابًا ) (۷۸:۳۲) یعنی باغ اور انگور۔ (وَّ عِنَبًا وَّ قَضۡبًا وَّ زَیۡتُوۡنًا) (۸۰:۲۸،۲۹) اور انگور، ترکاری اور زیتون۔ (جَنَّتَیۡنِ مِنۡ اَعۡنَابٍ) (۱۸:۳۲) انگور کے دو باغ۔ اور عِنَبَۃٌ کے معنی پھنسی کے بھی آتے ہیں، جو شکل میں انگور کے دانہ کے مشابہ ہوتی ہے۔