غَلِيْظَ

اَلْغِْظَۃُ: (غین کے کسرہ اور ضمہ کے ساتھ) کے معنی موٹاپا یا گاڑھاپن کے ہیں۔ یہ رِقَّۃٌ کی ضد ہے اصل میں یہ اجسام کی صفت ہے۔ لیکن کَبِیْرٌ وَکَثِیْرٌ کی طرح بطور استعارہ معانی کے ہیے بھی استعمال ہوتا ہے۔ چنانچہ آیت کریمہ: (وَ لۡیَجِدُوۡا فِیۡکُمۡ غِلۡظَۃً) (۹:۱۲۳) چاہیے کہ وہ تم میں سختی محسوس کریں۔ میں غِلْظَۃٌ کے معنی سخت مزاجی کے ہیں۔ نیز فرمایا: (ثُمَّ نَضۡطَرُّہُمۡ اِلٰی عَذَابٍ غَلِیۡظٍ) (۳۱:۲۴) پھر عذاب شدید کی طرف مجبور کرکے لے جائیں گے۔ (مِّنۡ عَذَابٍ غَلِیۡظٍ) (۱۱:۵۸) عذاب شدید سے۔ (جَاہِدِ الۡکُفَّارَ وَ الۡمُنٰفِقِیۡنَ وَ اغۡلُظۡ عَلَیۡہِمۡ ) (۹:۷۳) کافروں اور منافقوں سے لڑو اور ان پر سختی کرو۔ اِسْتَغْلَظَ کے معنی موٹا اور سخت ہونے کو تیار ہوجانا ہیں اور کبھی موٹا اور سخت ہوجانے پر بھی بولا جاتا ہے۔ قرآن پاک میں ہے۔ (فَاسۡتَغۡلَظَ فَاسۡتَوٰی عَلٰی سُوۡقِہٖ ) (۴۸:۲۹) پھر موٹی ہوئی اور اپنی نال پر سیدھی کھڑی ہوگئی۔