اَفَتَطْمَعُوْنَ

اَلطَّمْعُ کے معنی ہیں: نفس انسانی کا کسی چیز کی طرف خواہش کے ساتھ میلان۔ طَمِعَ (س) طَمْعًا وَطَمَاعِیَّۃً: کسی چیز کی طرف خواہش کے ساتھ مائل ہونا۔ طَمِعٌ وَطَامِعٌ: اس طرح مائل ہونے والا قرآن پاک میں ہے: (اِنَّا نَطۡمَعُ اَنۡ یَّغۡفِرَ لَنَا رَبُّنَا ) (۲۶:۵۱) ہمیں امید ہے کہ ہمارا خدا ہمارے گناہ بخش دے گا۔ (اَفَتَطۡمَعُوۡنَ اَنۡ یُّؤۡمِنُوۡا لَکُمۡ ) (۲:۷۵) (مومنو) کیا تم آرزو رکھتے ہو کہ یہ لوگ تمہارے دین کے قائل ہوجائیں گے۔ (خَوۡفًا وَّ طَمَعًا) (۱۳:۱۲) ڈرانے اور امید دلانے کے لیے۔ اور عموماً چونکہ طمع کی بنا خواہش نفسانی پر ہوتی ہے اس لیے کہا جاتا ہے: اَلطَّمَعُ طَبْعٌ وَالطبع تدنس الاھاب کہ طمع بھی ایک قسم کی آلودگی ہے جو انسان کے نفس کو ملوث کرڈالتی ہے۔