تَنْكِحُوا

اصل میں نکاح بمعنی عقد آتا ہے اور بطور استعارہ جماع کے معنی میں بھی استعمال ہوتا ہے یہ ناممکن ہے کہ یہ اصل میں بمعنی جماع ہو اور پھر عقد میں بطور استعارہ ہوا ہو۔کیونکہ عربی زبان میں جماع کے معنی میں تمام الفاظ کنائی ہیں کیونکہ نفس فعل کی طرح صراحنا اس کا تذکرہ بھی مکروہ سمجھا جاتا ہے لہذا یہ نہیں ہوسکتا کہ جو زبان ذکر فحش سے اس قدر گریزاں ہو وہ ایک مستحسن امر کے لئے قبیح لفظ استعمال کرے۔قرآن پاک میں ہے:۔ (وَ اَنۡکِحُوا الۡاَیَامٰی مِنۡکُمۡ ) (۲۴۔۳۲) اور اپنی قوم کی بیوہ عورتوں کے نکاح کردیا کرو۔ (اِذَا نَکَحۡتُمُ الۡمُؤۡمِنٰتِ ) (۳۳۔۴۹) جب تم مومن عورتوں سے نکاح کرکے۔ (فَانۡکِحُوۡہُنَّ بِاِذۡنِ اَہۡلِہِنَّ ) (۴۔۲۵) توان لونڈیوں کے ساتھ ان کے مالکوں سے اجازت حاصل کرکے نکاح کرلو۔علیٰ ہذا القیاس متعدد آیات ہیں جن میں یہ لفظ استعمال ہوا ہے۔