مَثْوَى

اَلثَّوَائُ: (ص) کے اصل معنی کسی جگہ پر مستقل طور پر اقامت کرنا کے ہیں کہا جاتا ہے: ثویٰ یَثْوِیْ ثَوائً وہ اقامت پذیر ہوگیا۔ قرآن پاک میں ہے: (وَ مَا کُنۡتَ ثَاوِیًا فِیۡۤ اَہۡلِ مَدۡیَنَ ) (۲۸:۴۵) اور نہ تم مدین والوں میں رہ رہے تھے۔ (اَلَیۡسَ فِیۡ جَہَنَّمَ مَثۡوًی لِّلۡمُتَکَبِّرِیۡنَ ) (۳۹:۶۰) کیا غرور والوں کا ٹھکانا دوزخ میں نہیں ہے۔ (وَ النَّارُ مَثۡوًی لَّہُمۡ ) (۴۷:۱۲) اور ان کا ٹھکانا دوزخ ہے۔ (اُدۡخُلُوۡۤا اَبۡوَابَ جَہَنَّمَ خٰلِدِیۡنَ فِیۡہَا ۚ فَبِئۡسَ مَثۡوَی الۡمُتَکَبِّرِیۡنَ ) (۴۰:۷۶) (اب) جہنم کے دروازوں میں داخل ہوجاؤ۔ ہمیشہ اسی میں رہوگے۔ متکبروں کا کیسا بُرا ٹھکانا ہے۔ (قَالَ النَّارُ مَثۡوٰىکُمۡ ) (۶:۱۲۸) خدا فرمائے گا (اب) تمہارا ٹھکانا دوزخ ہے۔ مَنْ اُمُّ مَثْوَاکَ (کنایہ) تمہارا میزبان کون ہے۔ اَلثَّوِیَّۃُ: بھیڑ بکریوں کے باڑہ کو کہتے ہیں۔ وَاﷲُ اَعْلَمُ بِالصَّوَابِ۔