الْمِهَادُ

اَلْمَھْدُ: گہوارہ۔ جو بچے کے لیے تیار کیا جائے۔ چناچنہ قرآن پاک میں ہے: (کَیۡفَ نُکَلِّمُ مَنۡ کَانَ فِی الۡمَہۡدِ صَبِیًّا) (۱۹:۲۹) کہ ہم اس سے کہ گود کا بچہ ہے، کیونکر بات کریں؟ اور اَلْمَھْدُ وَالْمِھَادُ: ہموار اور درست کی ہوئی زمین کو بھی کہا جاتا ہے۔ قرآن پاک میں ہے: (الَّذِیۡ جَعَلَ لَکُمُ الۡاَرۡضَ مَہۡدًا) (۲۰:۵۳) وہ (وہی تو ہے) جس نے تم لوگوں کے لیے زمین کو فرش بنایا۔ (اَلَمۡ نَجۡعَلِ الۡاَرۡضَ مِہٰدًا ) (۷۸:۶) کیا ہم نے زمین کو بچھونا نیہں بنایا؟ او ریہ ایسے ہی ہے۔ جیساکہ دوسری آیت میں زمین کو فراش کہا ہے۔ چنانچہ فرمایا: (جَعَلَ لَکُمُ الۡاَرۡضَ فِرَاشًا) (۲:۲۲) جس نے تمہارے لیے زمین کو بچھونا بنایا۔ مَھَّدْتُّ لَکَ کے معنی کسی چیز کو تیار اور ہموار کرنے کے ہیں۔ چنانچہ قرآن پاک میں ہے: (وَّ مَہَّدۡتُّ لَہٗ تَمۡہِیۡدًا) (۷۴:۱۴) اور ہر طرح سامان میں وسعت دی۔ (اِمْتَھَدَ السَّنَامُ کے معنی کوہان کے مِھَاد یا مَھْدً یعنی فرش کی طرح ہموار ہوجانے کے ہیں۔