غَدَوْتَ

اَلْغُدْوَۃُ وَالْغَدَاۃُ کے معنی دن کا ابتدائی حصہ کے ہیں۔ قرآن پاک میں غُدُوٌّ (غُدْوَۃ کی جمع) مقابلہ میں اٰصَالٌ استعمال ہوا ہے۔ چنانچہ فرمایا: (بِالۡغُدُوِّ وَ الۡاٰصَالِ ) (۷:۲۰۵) صبح و شام (یاد کرتے رہو۔) (اور غُدُوٌّ (مصدر) رَوَاحٌ کے مقابلہ میں ) جیسے فرمایا: (غُدُوُّہَا شَہۡرٌ وَّ رَوَاحُہَا شَہۡرٌ) (۳۴:۱۲) اس کا صبح کا جانا ایک مہینہ کی راہ ہوتی ہے اور شام کا جانا بھی ایک مہینے کی۔ اور غَدَاۃٌ کے مقابلہ میں عَشِیٌّ جیسے فرمایا۔ (بِالۡغَدٰوۃِ وَ الۡعَشِیِّ ) (۶:۵۲) صبح و شام۔ اَلْغَادِیَۃُ: صبح کا بدل۔ اَلْغَدَآئُ: کھانا جو دن کے ابتدائی حصہ میں کھا لیا جائے غَدَوْتُ اَغْدُوْ کے معنی ہیں: صبح سویرے روانہ ہونا یا کسی جگہ پہنچ جانا ہیں۔ قرآن میں ہے۔ (اَنِ اغۡدُوۡا عَلٰی حَرۡثِکُمۡ ) (۶۸:۲۲) اپنی کھیتی پر سویرے ہی جاپہنچو۔ غَدٌ: کل آئندہ۔ جیساکہ آیت: (سَیَعۡلَمُوۡنَ غَدًا ) (۵۴:۲۶) ان کو کل معلوم ہوجائے گا۔ اور دیگر آیات میں مذکور ہے۔(1)