حِزْبَ

اَلْحِربُ: وہ جماعت جس میں سختی اور شدت پائی جائے۔ قرآن پاک میں ہے: (اَیُّ الۡحِزۡبَیۡنِ اَحۡصٰی لِمَا لَبِثُوۡۤا اَمَدًا ) (۱۸:۱۲) دونوں جماعتوں میں سے اس کی مقدار کس کو خوب یا د ہے۔ (اُولٰٓئِکَ حِزۡبُ الشَّیۡطٰنِ) (۵۸:۱۹) یہ (جماعت) شیطان کا لشکر ہے۔ اور آیت کریمہ: (وَ لَمَّا رَاَ الۡمُؤۡمِنُوۡنَ الۡاَحۡزَابَ ) (۳۳:۲۲) اور جب مومنوں نے کافروں کے لشکر کو دیکھا۔ میں احزاب سے وہ لوگ مراد ہیں جو (مختلف قبائل سے) آنحضرت ﷺ کے خلاف جنگ کے لئے جمع ہوگئے تھے۔ اور آیت کریمہ: (فَاِنَّ حِزۡبَ اللّٰہِ ہُمُ الۡغٰلِبُوۡنَ ) (۵:۵۶) اور خدا کی جماعت ہی غلبہ پانے والی ہے۔ میں حزب اﷲ سے انصاراﷲ یعنی دین الٰہی کی مدد کرنے والے لوگ مراد ہیں۔ (یَحۡسَبُوۡنَ الۡاَحۡزَابَ لَمۡ یَذۡہَبُوۡا ۚ وَ اِنۡ یَّاۡتِ الۡاَحۡزَابُ یَوَدُّوۡا لَوۡ اَنَّہُمۡ بَادُوۡنَ فِی الۡاَعۡرَابِ) (۳۳:۲۰) (خوف کے سبب) خیال کرتے ہیں کہ فوجیں نہیں گئیں اور اگر لشکر آجائیں تو تمنا کریں کہ (کاش!) گنواروں میں جارہیں۔ اس کے بعد تھوڑا سا آگے چل کر فرمایا: (وَ لَمَّا رَاَ الۡمُؤۡمِنُوۡنَ الۡاَحۡزَابَ) (۳۳:۲۲)