وَاَغْرَقْنَآ

اَلْغَرْقُ: پانی میں تہ نشین ہوجانا، کسی مصیبت میں گرفتار ہوجانا۔ غَرِقَ (س) فُلَانٌ یَغْرَق غَرَقًا: فلاں پانی میں ڈوب گیا۔ قرآن پاک میں ہے۔ (حَتّٰۤی اِذَاۤ اَدۡرَکَہُ الۡغَرَقُ) (۱۰:۹۰) یہاں تک کہ جب اسے غرقابی نے آلیا۔ اَغْرَقَہٗ (افعال) اس نے اسے ڈبویا غرق کردیا۔ قرآن پاک میں ہے۔ (وَ اَغۡرَقۡنَاۤ اٰلَ فِرۡعَوۡنَ ) (۲:۵۰) او رہم نے آل فرعون کو غرق کردیا۔ (فَاَغۡرَقۡنٰہُ وَ مَنۡ مَّعَہٗ جَمِیۡعًا) (۱۷:۱۰۳) تو ہم نے اس کو اور جو اس کے ساتھ تھے، سب کو ڈبودیا۔ (ثُمَّ اَغۡرَقۡنَا بَعۡدُ الۡبٰقِیۡنَ) (۲۶:۱۲) پھر اس کے بعد باقی لوگوں کو ڈبودیا۔ (وَ اِنۡ نَّشَاۡ نُغۡرِقۡہُمۡ ) (۳۶:۴۳) اور اگر ہم چاہیں تو ان کو غرق کردیں۔ (اُغۡرِقُوۡا فَاُدۡخِلُوۡا نَارًا) (۷۱:۲۵) غرقاب کردیے گئے پھر آگ میں ڈال دئیے گئے۔ (فَکَانَ مِنَ الۡمُغۡرَقِیۡنَ) (۱۱:۴۳) اور وہ ڈوب گیا اور تشبیہ کے طور پر زیر بار احسان ہونے کے لیے بھی اَلْغَرْق کا لفظ استعمال ہوتا ہے۔ جیسے: فُلَانٌ غَرِقٌ فِیْ نِعْمَۃِ فُلَانٍ: فلاں اس کے احسانات میں ڈوبا ہوا ہے۔(1)