وَمَوْعِظَةً

اَلْوَعْظُ:کے معنی ایسی زجروتوبیخ کے ہیں جس میں خوف کی آمیزش ہو خلیل نے اس کے معنی کئے ہیں خی کا اس طرح تذکرہ کرنا جس سے دل میں رقت پیدا ہو اور عِظَۃٌ وَمَوْعِظَۃٌ دونوں اسم ہیں۔قرآن پاک میں ہے۔ (یَعِظُکُمۡ لَعَلَّکُمۡ تَذَکَّرُوۡنَ ) (۱۶۔۹۰) تمہیں نصیحت کرتا ہے تاکہ تم یاد رکھو۔ (قُلۡ اِنَّمَاۤ اَعِظُکُمۡ بِوَاحِدَۃٍ ) (۳۴۔۴۶) کہہ دو کہ میں تمہیں صرف ایک بات کی نصیحت کرتا ہوں (ذٰلِکُمۡ تُوۡعَظُوۡنَ بِہٖ) (۵۸۔۳) مومنو اس حکم سے تم کو نصیحت کی جاتی ہے۔ (قَدۡ جَآءَتۡکُمۡ مَّوۡعِظَۃٌ مِّنۡ رَّبِّکُمۡ ) (۱۰۔۵۷) تمہارے پاس تمہارے پروردگار کی طرف سے نصیحت آپہنچی۔ (وَ جَآءَکَ فِیۡ ہٰذِہِ الۡحَقُّ وَ مَوۡعِظَۃٌ وَّ ذِکۡرٰی) (۱۱۔۱۲۰) اور ان قصص میں تمہارے پاس حق پہنچ گیا اور نصیحت اور عبرت ہے۔ (وَ ہُدًی وَّ مَوۡعِظَۃٌ لِّلۡمُتَّقِیۡنَ) (۳۔۱۳۸) اور اہل تقویٰ کے لئے ہدایت اور نصیحت ہے۔ (وَ کَتَبۡنَا لَہٗ فِی الۡاَلۡوَاحِ مِنۡ کُلِّ شَیۡءٍ مَّوۡعِظَۃً وَّ تَفۡصِیۡلًا) (۷۔۱۴۵) اور ہم نے توراۃ کی تختیوں میں ان کے لئے ہر قسم کی نصیحت اور ہر چیز کی تفصیل لکھ دی۔ (فَاَعۡرِضۡ عَنۡہُمۡ وَ عِظۡہُمۡ ) (۴۔۶۳) تم ان کی باتوں کا کچھ خیال نہ کرو اور انہیں نصیحت کرو۔