رَيْبَ

رَابَنِیْ کَذَا وَاَرَبَنِی کے معنی ہیں فلاں معاملہ نے مجھے رَیْب میں ڈال دیا اور رَیب کی حقیقت یہ ہے کہ کسی چیز کے متعلق کسی طرح کا وہم ہو مگر بعد میں اس توہم کا ازالہ ہوجائے۔ قرآن پاک میں ہے: (اِنۡ کُنۡتُمۡ فِیۡ رَیۡبٍ مِّنَ الۡبَعۡثِ ) (۲:۲۵) اگر تم کو (قیامت کے دن) پھر جی اٹھنے میں کسی طرح کا شک ہو۔ اور آیت : (فِیۡ رَیۡبٍ مِّمَّا نَزَّلۡنَا ) (۲:۲۳) (اگر تمہیں) مَا اَنْزَلْنَا میں کسی قسم کا شک و شبہ ہے۔ اور آیت: (رَیۡبَ الۡمَنُوۡنِ ) (۵۲:۳۰) گردش زمانہ (کا انتظار کرتے ہیں۔) گردش زمانہ کو رَیْب کہنے سے یہ نہیں سمجھنا چاہیے کہ ان کے وقوع میں شک و شبہ ہے بلکہ اس لحاظ سے انہیں ریب کہا ہے کہ ان کے تعین اوقات میں انسان متردد رہتا ہے کہ خدا جانے کب گردش کا وقت آجائے لہٰذا انسان نفس گردش کے وقوع کے لحاظ سے نہیں بلکہ اس کے تعین اوقات کے لحاظ سے ہمیشہ رَیْبَ الْمَنُوْنِ میں مبتلا رہتا ہے۔ اسی بناء پر شاعر نے کہا ہے۔ (1) (۱۹۳) اَلنَّاسُ قَدْ عَلِمُوْا اَنْ لَابَقَآئَ لَھُمْ لَوْ اَنَّھُمْ عَلِمُوْا مِقْدَارَ مَاعَلِمُوْا کہ لوگوں کو اس بات کا تو یقین ہوچکا ہے کہ ان کے لیے بقا نہیں ہے کاش انہیں اس کا وقت بھی معلوم ہوتا۔ اور دوسرے شاعر نے کہا ہے۔(2) (۱۹۴) اَمِنَ الْمَنُوْنِ وَرَیْبِھَا تَتَوَجَّعُ کہ کیا تو زمانہ اور اس کی گردشوں پر جزع فزع کرتا ہے قرآن پاک میں ہے: (لَفِیۡ شَکٍّ مِّنۡہُ مُرِیۡبٍ ) (۱۱:۱۱۰) قرآن پاک کی طرف سے ایسے شک میں پڑے ہوئے ہیں جس نے انہیں حیران کررکھا ہے۔ (مُعۡتَدٍ مُّرِیۡبِ) (۵۰:۲۵) حد (عبودیت) سے بڑھے ہوئے او شک و شبہ پیدا کرنے والے (کی اطاعت مت کر)۔ اور اِرْتِیَابٌ (افتعال) اَرَابَہٗ کے ہم معنی ہے جس کے معنیٰ شک و شبہ میں پڑنے کے ہیں۔ قرآن پاک میں ہے: (اَمِ ارۡتَابُوۡۤا اَمۡ یَخَافُوۡنَ ) (۲۴:۵۰) یا شک میں پڑے ہوئے ہیں اور اس بات سے ڈرتے ہیں۔ (وَ تَرَبَّصۡتُمۡ وَ ارۡتَبۡتُمۡ ) (۵۷:۱۴) اور اس بات کے منتظر رہے (کہ مسلمانوں پر کوئی آفت نازل ہو) اور (اسلام کی طرف سے) شک میں پڑے ہوئے۔ اور مومنین سے ارتِیَاب کی نفی کرتے ہوئے فرمایا: (وَّ لَا یَرۡتَابَ الَّذِیۡنَ اُوۡتُوا الۡکِتٰبَ وَ الۡمُؤۡمِنُوۡنَ ) (۷۴:۳۱) اور اہل کتاب اور مسلمانوں (ان باتوں میں کس طرح کا) شک و شبہ نہ لائیں۔ (ثُمَّ لَمۡ یَرۡتَابُوۡا) (۴۶:۱۵) پھر کسی طرح کا شک و شبہ نہیں کیا۔ ایک حدیث میں ہے۔(3) (۱۶۱) دَعْ مَایُرِیْبُکَ اِلٰی مَالَا یُرِیْبُکَ کہ شک و شبہ چھوڑ کر وہ کام کرو جس میں شک و شبہ نہ ہو۔ اور گردش زمانہ کو رَیْبُ الدَّھْرِ اس لئے کہا جاتا ہے کہ ان میں فریب کاری کا وہم ہوتا ہے (کَمَامَرَّ) اور رَیْبَۃٌ رَیْب سے اسم ہے جس کے معنیٰ شک و شبہ کے ہیں (جمع رَیْبٌ) قرآن پاک میں ہے: (بَنَوۡا رِیۡبَۃً فِیۡ قُلُوۡبِہِمۡ ) (۹:۱۱۰) کہ وہ عمارت ان کے دلوں میں رِیبَۃ بنی رہے گی۔ یعنی ہمیشہ ان کے دلی کھوٹ اور خلجان پر دلالت کرتی رہے گی۔