يَحْزَنُوْنَ

اَلْحُزْنُ وَالْحَزَنُ کے معنیٰ زمین کی سختی کے ہیں۔ نیز غم کی وجہ سے جو بے قراری سی طبیعت کے اندر پیدا ہوجاتی ہے اسے بھی حَزَنٌ یا حُزْنٌ کہا جاتا ہے اس کی ضد فَرَحٌ ہے اور غم میں چونکہ خشونت کے معنیٰ معتبر ہوتے ہیں اس لئے غم زدہ ہونے کے لئے خَشَنَتْ بِصَدْرِہٖ بھی کہا جاتا ہے۔ حَزِنَ (س) غمزدہ ہونا۔ حَزَنَہُ (ن) وَاحْزَنَہٗ: غمگین کرنا۔ قرآن پاک میں ہے: (لِّکَیۡلَا تَحۡزَنُوۡا عَلٰی مَا فَاتَکُمۡ ) (۳:۱۵۳) تاکہ جو چیز تمہارے ہاتھ سے جاتی رہے … اس سے تم اندوہناک نہ ہو۔ (الۡحَمۡدُ لِلّٰہِ الَّذِیۡۤ اَذۡہَبَ عَنَّا الۡحَزَنَ ) (۳۵:۳۴) کہ خدا کا شکر ہے جس نے ہم سے غم دور کیا۔ (تَوَلَّوۡا وَّ اَعۡیُنُہُمۡ تَفِیۡضُ مِنَ الدَّمۡعِ حَزَنًا) (۹:۹۲) تو وہ لوٹ گئے اور … ان کی آنکھوں سے آنسو بہہ رہے تھے۔ (اِنَّمَاۤ اَشۡکُوۡا بَثِّیۡ وَ حُزۡنِیۡۤ اِلَی اللّٰہِ ) (۱۲:۸۶) کہ میں تو اپنے غم و اندوہ کا اظہار خدا سے کرتا ہوں۔ اور آیت کریمہ: (وَ لَا تَحۡزَنُوۡا) (۳:۱۳۹) اور نہ کسی طرح کا غم کرنا۔ اور (لَا تَحۡزَنۡ ) (۹:۴۰) کہ غم نہ کر۔ میں اندوہگین ہونے سے منع نہیں کیا اس لئے کہ مغموم ہونا کسی انسان کا اختیاری فعل نہیں ہے۔ جس سے منع کرنے کی ضرورت پیش آئے بلکہ یہاں دراصل ان کاموں کے کرنے سے منع کرنا مقصود ہے جو غم واندوہ کا باعث بنتے ہیں اسی کی طرف اشارہ کرتے ہوئے شاعر نے کہا ہے (1) ع (۱۰۸) مَنْ سَرَّہٗ اَنْ لَّا یَریٰ مَایَسُوْئُ ہٗ فَلَا یَتَّخِذْ شَیئاً یُبَالِیْ لَہٗ فَقْدًا (جسے یہ اچھا لگتا ہے کہ کوئی چیز اسے غمگین نہ کرے تو وہ ایسی چیز حاصل نہ کرے جس کے گم ہونے کا اندیشہ ہو) نیز انسان کو دنیا کے نظام پر غور کرنا چاہیے (کہ یہاں کس طرح سلسلۂ اضداد قائم ہے) تاکہ جب اس پر اچانک کوئی مصیبت آپڑے تو اس سے زیادہ پریشان نہ ہو اور یہ بھی ضروری ہے کہ انسان معمولی مصیبتیں برداشت کرنے کا عادی بن جائے تاکہ بڑے مصائب کو بھی برداشت کرسکے۔