الدِّيْنِ

دِنْتُ الرَّجُلَ کے معنیٰ قرض لینے اور اَدَنْتُہٗ کے معنیٰ ہیں کہ میں نے اسے دائن بنادیا یعنی قرض دیا۔ابوعبیدہ نے کہا ہے کہ دِنْتُہٗ کے معنیٰ اَقْرَضْتُہٗ یعنیٰ قرض دینا کے ہیں۔ اور مقروض کو مَدِیْنٌ وَمَدْیُونٌ کہا جاتا ہے دِنْتُہٗ کے معنیٰ قرض لینا بھی آتے ہیں۔ شاعر نے کہا ہے۔ (1) (۱۶۰) نَدِیْنُ وَیَقْضِیْ اﷲُ عَنَّا وَقَدْ نَریٰ مَصَارِعَ قَوْمٍ لَّا یَدِیْنُوْنَ ضُیَّعاً ہم قرض لیتے ہیں تو اﷲ تعالیٰ ہم سے اس قرض کو ادا کردیتا ہے اور جو لوگ قرض نہیں لیتے ان کی قبریں ضائع ہونے والی دیکھتے ہیں اور اَدَنْتُ دِنْتُ کی طرح ہے یعنیٰ اس کے معنیٰ قرض لینا کے ہیں اور اَدَنْتُ کے معنیٰ قرض دینا بھی ہیں۔ اَلتَّدَایُنُ وَالْمُدَایَنَۃُ: قرض کا معاملہ کرنا۔ قرآن پاک میں ہے: (مِنۡۢ بَعۡدِ وَصِیَّۃٍ یُّوۡصٰی بِہَاۤ اَوۡ دَیۡنٍ ) (۴۔۱۲) (یہ حصے بھی) بعد ادائے وصیت و قرض۔ اَلدِّیْنُ کے معنیٰ طاعت اور جزا کے آتے ہیں اور بطور استعارہ دین بمعنیٰ شریعت بھی آتا ہے اور دینِ مِلّت کی طرح ہے لیکن شریعت کی طاعت اور فرمانبرداری کے لحاظ سے اسے دین کہا جاتا ہے۔قرآن پاک میں ہے: (اِنَّ الدِّیۡنَ عِنۡدَ اللّٰہِ الۡاِسۡلَامُ) (۳۔۱۹) دین تو اﷲ کے نزدیک اسلام ہے۔ (وَ مَنۡ اَحۡسَنُ دِیۡنًا مِّمَّنۡ اَسۡلَمَ وَجۡہَہٗ لِلّٰہِ وَ ہُوَ مُحۡسِنٌ ) (۴۔۱۲۵) اور اس شخص سے کس کا دین اچھا ہوسکتا ہے جس نے حکم خدا کو قبول کیا اور وہ نیک و کار بھی ہے۔ (وَ اَخۡلَصُوۡا دِیۡنَہُمۡ لِلّٰہِ ) (۴۔۱۴۶) اور خالص خدا کے فرمانبردار ہوگئے اور آیت کریمہ: (یٰۤاَہۡلَ الۡکِتٰبِ لَا تَغۡلُوۡا فِیۡ دِیۡنِکُمۡ ) (۵۔۷۷) اے اہل کتاب!اپنے دین(کی بات) میں ناحق مبالغہ نہ کرو۔میں آنحضرت ﷺ کے دین یعنی اسلام کی اتباع پر ترغیب پائی جاتی ہے جو تمام ادیان سے معتدل دین ہے اور افراط وتفریط سے پاک ہے۔جیسے فرمایا: (وَ کَذٰلِکَ جَعَلۡنٰکُمۡ اُمَّۃً وَّسَطًا ) (۲۔۱۴۳) اور اسی طرح ہم نے تم کو امت معتدل بنایا۔اور آیت کریمہ: (لَاۤ اِکۡرَاہَ فِی الدِّیۡنِ) (۲۔۲۵۶) دین (اسلام) میںزبردستی نہیں ہے۔میں بعض نے دین کے معنیٰ طاعت کیے ہیں۔کیونکہ طاعت حقیقت میں وہی ہے جو مبنی براخلاص ہو اور اخلاص کی صورت میں اکراہ و جبر کیسے ہوسکتا ہے بعض نے کہا ہے کہ عدم جبر کا حکم ان اہل کتاب کے ساتھ مختص ہے جو جزیہ ادا کریں اورآیت کریمہ: (اَفَغَیۡرَ دِیۡنِ اللّٰہِ یَبۡغُوۡنَ ) (۳۔۸۳) کیا یہ(کافر) خدا کے دین کے سوا کسی اور دین کے طالب ہیں؟میں دِینِ اﷲِ سے دین اسلام مراد ہے۔کیونکہ(قرآن پاک نے) دوسری آیت میں تصریح فرمادی ہے۔ (وَ مَنۡ یَّبۡتَغِ غَیۡرَ الۡاِسۡلَامِ دِیۡنًا فَلَنۡ یُّقۡبَلَ مِنۡہُ ) (۳۔۸۵) اور جو شخص اسلام کے سوا کسی اور دین کا طالب ہوگا وہ اس سے ہرگز قبول نہیں کیا جائے گا۔اور مندرجہ ذٰل آیات میں بھی یہ معنیٰ مراد ہے: (ہُوَ الَّذِیۡۤ اَرۡسَلَ رَسُوۡلَہٗ بِالۡہُدٰی وَ دِیۡنِ الۡحَقِّ ) (۹۔۳۳) وہی تو ہے جس نے اپنے پیغمبر کو ہدایت اور دین حق دے کر بھیجا۔ (وَ لَا یَدِیۡنُوۡنَ دِیۡنَ الۡحَقِّ ) (۹۔۲۹) اور نہ دین حق کو قبول کرتے ہیں۔ (وَ مَنۡ اَحۡسَنُ دِیۡنًا مِّمَّنۡ اَسۡلَمَ وَجۡہَہٗ لِلّٰہِ وَ ہُوَ مُحۡسِنٌ ) (۴۔۱۲۵) اور اس شخص سے کس کا دین اچھا ہوسکتا ہے جس نے حکم خدا کو قبول کیا اور وہ نیکوکار بھی ہے ۔اور آیت کریمہ: (فَلَوۡ لَاۤ اِنۡ کُنۡتُمۡ غَیۡرَ مَدِیۡنِیۡنَ ) (۵۶۔۸۶) میں غَیرَ مَدِیْنِینَ کے معنیٰ غَیرَ مَجْزِیِّیْنَ کے ہیں۔ یعنی اگر تم سمجھتے ہو کہ تمہیں تمہارے اعمال کی جزا نہیں دی جائے گی۔ اَلْمَدِیْنُ وَالْمَدِیْنَۃُ: (ایضاً) کے معنیٰ غلام اور لونڈی کے بھی آتے ہیں۔ ابوزید نے کہا ہے۔ (2) کہ دُیِّنَ فُلَانٌ یُدَان سے ماحوذ ہے جس کے معنیٰ کسی ناپسند کام پر مجبور کئے جانے کے ہیں۔بعض نے کہا ہے کہ دِنْتْہْ سے ماخوذ ہے جس کے معنیٰ طاعت کی جزا دینے کے ہیں بعض نے لفظ مَدِیْنَۃ (شہر) بھی اسی معنیٰ سے لیا ہے۔